Jipoxolo 7:32 - O Mikanda Ikola

³² Eme ngi Nzambi ia jitata jenu, Nzambi ia Mbalahamu, ni Izake ni Jakobo. Mozé anga u teketa ni uôma, ka bhumina dingi kutalesa-ku.

Jipoxolo 7:32 ပူးပေါင်းရင်းမြစ်များ

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

I Jisobha 19:13

Anga ki bhita-phe kuma, Elija, kia dʼivu, u futa o pholo iê mu divunga diê, anga u tubhuka bhu kanga, anga uiza hé uimana bhu muelu ua dibânda diê; hé uívua kua mu iza dízui: Elija ua mu bhangaʼhi bhabha.

Jobe 4:14

nga tukumuka kua ngiza kukenana ni kuteketa, ni ifuba iami ioso ia zambe ni kuteketa.

Jisálamu 89:7

Nzambi ukôla, mu kionge kiê kia ji-anjo! Munéne! U kuata uôma! Ene oso a mu kondoloka mu mbèle iê, a mu xila kiavulu!

Makatukilu 3:15

Nzambi anga u ta-ku dingi kuambela Mozé, uixi: Anʼa Izalaiele ua kà ambela kiki: Jihova, Nzambi ia jitata jenu, Nzambi ia Mbalahamu, Nzambi ia Izake, Nzambi ia Jakobo, ua ngi katula, iú ua ngi tumu ko kuenu; didi diene o dijina diami di xalela-ku, diene dia ku ngi lembalala na-diu kutunda muiji kuiza muiji.

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Makatukilu 33:20

Uixi-phe dingi: pholo iami ku tena ku i mona; kuma kana muthu u tena ku ngi mona nʼa laie.

Makatukilu 4:5

Uixi: Phala a ku xikane, kuila Jihova, Nzambi ia jitata jâ, Nzambi ia Mbalahamu, Nzambi ia Izake, Nzambi ia Jakobo, ua ku tukulukila.

Matesu 17:6

Jixibulu kia kʼivu, a di bhala jipholo bhoxi, uôma uavulu ua a kuata.

Matesu 22:32

Eme ngi Nzambi ia Mbalahamu, Nzambi ia Izake, Nzambi ia Jakobo? Nzambi ki Nzambi ia madifundu, maji ia athu a muenhu.

Matesu 22:46

Bhenhobho kana muthu ua tena ku mu vutuila dízui dimoxi. Tunde mu kizuua kienhókio ue, kana muthu ua bhumina dingi kufunda-nê phata.

Luka 5:8

Ximá Phetele-phe kia ki mono, u fukama bhu inama ia Jezú, uixi: Ngi tundile, Ngana, bhu mbandu iami, mukonda eme ngi mukua ituxi.

Jipoxolo 3:13

O Nzambi ia jitata jetu, Nzambi ia Mbalahamu, Nzambi ia Izake, Nzambi ia Jakobo, muène ua fumanesa Monʼê Jezú. Maji enu-phe mua mu bhakuile enʼuenu bhu maku ma atumini, mua ditunine-nê bhu pholo ia Pilatu, kioso Pilatu muène kia mu fundisile kiá, uixi, ngi mu jituna. Enu-phe muixi kana ku mu jituna.

Jipoxolo 7:31

Mozé kia ki mono, ua di uana kisuma! O kia sota kuzukama-ku mu kutalesa kiambote, ku tunda dizui dia Ngana, uixi:

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

Dijingunuinu 1:17

Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.