Jipoxolo 7:2 - O Mikanda Ikola

² Kuala Xitevá: Enu jiphange mu akuetu, ni enu mu jitata, ivenu: O Nzambi ia fuma, ua tukulukidile kukululuʼetu Mbalahamu, kia kexile mu Mezopotâmia, kuila kiluua a tunga mu Halane.

Jipoxolo 7:2 ပူးပေါင်းရင်းမြစ်များ

Dimatekenu 11:31

Tela anga u kuata monʼê Mbalamu; ni Lote monʼa Halane mulaúlʼê; ni Salai mukaji a monʼê Mbalamu; anga a katukila kumoxi mu Ule ia Jikaldeu, mu kuia kʼoxi ia Kanana; anga eza mu Halane, a tunga momo.

Dimatekenu 12:1

Jihova anga u ambela Mbalamu, uixi: Katuka mʼoxi ienu, ni mu jindandu jenu ni mu bhata dia tatʼenu, ua kʼàie ixi iengi;

Dimatekenu 12:5

Mbalamu anga u katula mukajiʼê Salai, ni Lote monʼa phangʼiê ia diala, ni jimbongo jâ joso ja bhongolola, ni athu a muenhu a di bande-nâ bhu Halane; anga a katuka mu kuia kʼoxi ia Kanana ende muene katé kia bhiẋila mʼoxi ia Kanana.

Dimatekenu 15:7

Anga u mu ambela dingi, uixi: Eme Jihova, nga ku katula mu ixi ia Ule ua Jikaldeu, phala ku ku bhana, o ixi iii ni i kale undundu ué.

Dimatekenu 29:4

Jakobo anga u a ambela, uixi: Enu, phange jami, mu akua kuebhi, a kuetu? Exi: Etu tu akua Halane.

Nehemiia 9:7

Eie-muène u Ngana, u Nzambi ua tunguile Mbalamu, anga u mu katula mu ixi ia Ule ku Kaladeia, anga u mu luka dijina Mbalahamu.

Jisálamu 24:10

Muenexi uavu o kijingo mukuahi? Jihova u tumina o ifuẋi, muene o muenexi uavu o kijingo. (Selah.)

Jisálamu 24:7

Zangukenu mítue mu mabhitu a kimbaka, o mielu iê iókulu-kulu i jikuke, muenexi uavu o kijingo phala a bokone.

Jisálamu 29:3

Dízui dia Jihova di bhita ku thanduʼa menha; Nzambi uene ni kubenha, u numina; Jihova ua xikama ku menha mavulu.

Izaía 37:12

Manhi, jinzambi ja ifuẋi iná, ja bhulula jixi joso jʼòtolole kuala adiami, Ngozane, Halane, Lezefe, ni ana a Edene oso a kexe mu Telasale?

Izaía 51:2

Talenu Mbalahamu, dia tatʼenu, ni Sala, ua mi vuala; kuma kia kexi ubhekʼélele uê, eme nga mu ixana, nga mu zediuisa, eme nga mu sokolola.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 12:41

Imʼiíi Izaia ua i tangele, mukonda ua muene ungana ua Jezú, iu ua mu tumbula.

Jipoxolo 22:1

Enu mu akuetu, jiphange, nʼ enu mu jitata, ngʼ ivienu kioso ki ngi di lombolola lelu bhu pholo ienu.

Jipoxolo 23:7

Kia zubha o kuzuela kiki, kia bhekela mvunda mu jifalizeu ni jisaduzeu, o Kionge anga ki di uana mu ʼaxaxe.

Jipoxolo 7:1

Nganga ia dikota uibhula Xitevá, uixi: Imʼ iii iedi kiebhi? Ia kidi?

I Kolindo 2:8

Makota a mu tumina leluʼ idi ku mundu, o unjimu uenʼ iú ka uijiia. Kuma se a uijidile, hinu Ngana ia fuma ka tena ku mu jibhila ku dikulusu.

Efezo 1:17

Eme ngalù bhinga kua Nzambi ia Ngana ietu Jezú Kristu, Tata ia fuma, kuila a mi bhane o Nzumbi iê, mukua kuijidisa ni kujingununa o ima, phala mu tene ku mu ijiia muène kala kia fuama.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Jihebeleu 11:8

Kiejila mu kuxikana, Mbalahamu kia mu ixana kuala Nzambi, muène anga u itaia, u xikina kuia mu kusota o ixi ia polomesa, iʼ ambe Nzambi o ku mu bhana. Hé u xia oxi iê-muène, u katuka, sé kuijiia kuoso kuanda kuia.

Tiiaku 2:1

Enu phange jami, mua xikana kua Ngana ietu Jezú Kristu, uene ku Ungana, kana kukala jinga ni katungu kʼathu mukonda dia kusuua o jipholo jâ.

Josuué 24:2

Josuué-phe anga uambela o kifuẋi kioso, uixi: O Jihova, Nzambi ia Izalaiele, uambe kiki: Mu xahulu, ku dimatekenu, o malembʼenu, a Tela, phaiʼa Malahamu, ni Naholo a tungile ku sámbua dia ngijiʼoko, anga a kuata kubheza jinzambi jengi.

Dijingunuinu 4:11

Eie u Ngana ietu, Nzambi ietu! Kia ku fuama o kutambula fuma, ni ujitu ni unéne. Mukonda éʼMuène ua bhanga ioso, o vondadi ié iene ia i bhangesa kuiza-ku, íi ia di bhange, íi iala-ku.