Jipoxolo 7:10 - O Mikanda Ikola

¹⁰ Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.

Jipoxolo 7:10 ပူးပေါင်းရင်းမြစ်များ

Dimatekenu 39:21

Jihova-phe anga u kala ni Zuze, u mu bhanga henda, u mu sangesa ngalasa ku mesu a kasalelu ua tambula konda ia kaleia.

Dimatekenu 42:6

Zuze-phe, uala nguvulu iaʼxi ioio; muene uala kusumbisa athu oso o makudia. Jiphange ja Zuze anga a tula, a mu diundila ni jipholo ja tula ku mavu.

Dimatekenu 44:18

Juda bhenhobho u zukama kua muene, uixi: Uaué! Ngana iami tata! Nga ku diondo ngi bhane disesa, ngi ku ambele tumaka mu mátui mé, ku ngi temene ngana iami, kuma ki ualʼokio ua soko ni Falaó.

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

I Jisobha 8:50

anga u loloka o kifuxi kié, kia ku tela o kituxi, ni kubhuma kuâ kuoso kua ku bhumina na-ku, anga eie u a bhanga henda bhu pholo ia ió ala ku a bhikisa, ene ue sembele a a kuatele henda.

Jisálamu 22:24

Kuma muene kene kutènda muthu, mba kuxikulula ngadiama mu uadiama uê; uatate ka xikina ku mu suekela pholo, nʼa mu bhane dikunda; maji kia dikola kua muene u mu ivua.

Jisálamu 37:40

Jihova u a kuatekesa, u a kudila; u a kudila ku isuéia, hé u a bhulula, mukonda a lengela kua muene.

Jisabhu 16:7

Mauendelu ma mathu se ma uabhela Jihova, muene-phe u mu bhangesa kuila katé ni jinguma jê, atunganê ku paze.

Jisabhu 2:6

Kuma Jihova muene u bhana o unjimu; o mu kanu diê muene mu tunda o kuijiia, muene mu tunda o kilunji.

Jisabhu 3:4

Bhene-phe ua-nda kumena o kiadi ni diximanu ku mesu ma Nzambi ni ku athu.

Jelemiia 39:12

O mesu mé ta na-u kua muene, u mu katule, kana ku mu bhanga ku ibha kuoso-kuoso; inda uila kioso muene kia ku tangela, eie kiene ki u mu bhanga muene.

II Timote 4:18

Ngana hanji u ngi kudila ku phulu ioso i ambe ku ngi bhanga, hé u ngi bhulula katé ku Mbanza iê ia diulu. O fuma ioso i kale ia Muène katé ku hádia ni hádia. Amén.

Tiiaku 5:11

Talesenu kuma etu tua a mono kuzediua, mukonda dia kukolokota kuâ. O kukolokota kua Jobe mua ku ivua, muejiia ue o disukilu diê kioso Nzambi kia mu zediuisa. Mbata o Ngana ua vula o kukuatela henda ni kulendukila.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.