Jipoxolo 6:9 - O Mikanda Ikola

⁹ Anga ku kala-phe athu amukuâ a mu lungulukila. Eniá, akua Dilombe dia Jifôlo a tokala ku inzu ia kexi mu sambela o Jijudé ja tundile ku jimbonge ja Silene ni Xandeliia. Eniá-phe kumoxi ni Jijudé ja mukuâ ja tundile ku jimbandu ja Silisia ni ja Azia, a kuata kulua phata; ni Xitevá.

Jipoxolo 6:9 ပူးပေါင်းရင်းမြစ်များ

Matesu 10:17

Athu-phe mu enda-nâ ni muanu. Mbata ene a kà mi thelekala bhu kionge, a kà mi beta mu malombe-mâ.

Matesu 23:34

Kienhiki, talesenu, ngi mi tumikisa jipolofeta ni jinjimu ni jimesene ja kulonga. Enu-phe amoxi-mu mua-nda ku a jibha, amukuá mua-nda ku a phaphela ku makulusu, amoxi mua-nda ku a beta mu malombe menu, ni ku a kaia ku mabhata-mabhata.

Matesu 27:32

Kia kala mu tunda, a takana ni muthu, mukua Silene, dijina diê Ximá. Muenhú anga a mu bhinjika kuia-nâ, ni ambate dikulusu dia Jezú.

Marku 13:9

Enu-phe di langienu! Kuma a ka mi kuta ni ku mi thelekala bhu kionge phala ku mi fundisa, a ka mi beta mu malombe. Mukonda diami a ka mi bheka bhu pholo ia jinguvulu ni enexi, enu he mua ka a tudila o Njimbu Iambote, mu ku a bhana umbangi.

Luka 21:12

Kioso-phe ima iíi kilua i bhita, enu a-nda ku mi kuata, a-nda ku mi zukutisa. A kà mi bheka mu malombe, phala ku mi fundisa ni ku mi takula mu jikaleia. A mi ambata bhu pholo ia enexi ni jinguvulu, mukonda dia dijina diami.

Jipoxolo 11:20

Maji amoximu-phe mudiâ, akua Xipele ni Silene, ki a bhixila mu Andiioka, a zuelela ue ió ki Jijudé, anga a a tudila o Njimbu Iambote ia Ngana Jezú.

Jipoxolo 13:1

Kikki-phe mu Andiioka, mu Ngeleja mueniomo, mu kala jipolofeta ni alongixi iá: Barnabé, ni Ximinhá a mu edi Muxiketedi, ni Lúsiu mukua Silene, ni Manahene a mu sasa kumoxi ni Helode dia tetalaku, ni Saúlu.

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Jipoxolo 15:23

Anga a a sonekena mukanda ua kuila kiki: Ni etu tu Jipoxolo, ni Adiakime, jiphange, tua tumu kumenekena o jiphange ja akua ʼxi mu Andiioka, ni mu jimbandu joso ja Sídia, ni mu Silixa.

Jipoxolo 15:41

Phaulu anga u bhita mu, Sidia ni mu Silisia ni kukolesa o miẋima ia akua jingeleja.

Jipoxolo 16:6

Ene anga a bhita mʼ oxi ia Filija, ni mu Ngalata, Nzumbi Ikôla anga u a kidika kulonga maka mu Ázia.

Jipoxolo 18:24

Kiki kueza Judé ku Efezo, dijina diê Apolo, mukua bhata ku Xandediia Muene uala mesene kuma uejiia kiambote o Madivulu ma Nzambi.

Jipoxolo 19:10

Kienʼiki anga u ki jijila mu mivu iiadi, katé ene oso a tungu mu Azia ki evu o Maka ma Ngana, ni Jijudé, ni ió ka tokala mu muiji ua Jijudé.

Jipoxolo 19:26

Mua mono ue, enu mua kʼ ivu kuila o Phaulu muenʼ iú, kana ngó mu Efezo, maji kua mu kambe ngó kuzubha o Azia ioso, ni kubhomba athu avulu ni ku a funhisa, mbata uala ku a tangela kuma o jinzambi jokalakale ni maku ki jinzambi!

Jipoxolo 21:27

Ki kua kambele ngoho phala kuzubha o sambuadi dia izuua ia kudibônza, Jijudé ja akua Azia kia mono Phaulu mu Tembulu, a salumuna mundu, hé a mu kuata ni kukola,

Jipoxolo 21:39

Phaulu-phe, uixi: Eme ngi Judé, a ngi vualela ku Talaso, mbonge ia fumana mu Silisia, ngi mukua bhata mu diembu dia ujitu. Nga ku diondo-phe u ngʼ ehele kutela o mundu tumaka.

Jipoxolo 22:19

Ngixi-phe: Ngana, ene a ngʼijiia kioso ki nga kutisa jinga athuʼé a ku xikana, eme nga a betesa jinga mu malombe moso ma Jijudé.

Jipoxolo 22:3

Eme ngala ngi Judé, a ngi vualela mu Talaso, ku Silisia, a ngi sasela-phe mu mbanza ia Jeluzaleme muenʼiumu, bhu inama ia mesene Ngamadiiele. A ngi longo ni muanu uoso mu Kitumu kia jitata jetu, hé ngi kala mu suinisa Nzambi, uila enu oso ue ki mua mu suinina leluʼ idi.

Jipoxolo 23:34

Nguvulu kia zubha kutanga o mukanda, uibhula Phaulu se muene mukua sengu kuẋi. O ki evu kuma mukua Silisia,

Jipoxolo 24:18

O ki nga kexile mu kubhanga kiki, kuila nga zubha kiá o kikalakalu kia kudibonza, Jijudé jimoxi-mu kiene kia ngi sangele mu Tembulu. Maji ki nga di bande ni mundu uavulu, ki ngi kuata ue mvunda ioso-ioso.

Jipoxolo 26:11

Ngi kala luavulu mu ku a bhana kaxtiku mu jinzu joso ja mabhezelu a Nzambi, ngi bhindamena ku a xingisa Jezú ni kudituna o kuxikana. Mukonda ue njinda ia ngi kuatele kinene, nga a salukila kiavulu, katé nga a zukutisa ni ku madiembu a makanga.

Jipoxolo 6:10

Maji o Nzumbi ia Nzambi-phe unjimu uahi ngó ua bhana kua Xitevá! Mu kuzuela ene oso ua a tolola, o kuejilʼuku, kana dingi muthu ua tena ku mu vutuila.

I Kolindo 1:20

Mu kienʼ iki, o njimu iú kuebhi? Mba uatongoloka uebhi? O ṗhoxi ja kuzuela mu ngongo mumu, a suku bhebhi? Nzambi uene mù kuidikiza kuila o unjimu ua mu ngongo mumu ua di bhange uoua!

Ngalásia 1:21

Mu kutunda bhobho, anga ngiia ku jixi ja Sidia ni Silisia.