Jipoxolo 6:4 - O Mikanda Ikola

⁴ Etu-phe, tu jijila jinga o kusamba, ni ukunji uetu ua ku longa o maka ma Nzambi.

Jipoxolo 6:4 ပူးပေါင်းရင်းမြစ်များ

Luka 1:23

O Zakadiia, kioso kia-bhu o izuua iê ia unganga mu Tembulu, anga u vutuka ku bhata diê.

Jipoxolo 1:14

Ene oso-â anga a jijila ni muẋima umoxi o kusamba ni kubhinga, ni ahatu kiá, ni Madiia dia mamʼ a Jezú, kumoxi ni jiphange joso.

Jipoxolo 2:42

Ene oso anga a kolokota mu ulongelu ua jipoxolo, ni mu ukamba mudiâ, anga a kala mu kubhongoloka jinga kumoxi mu kubukula o mbolo, ni mu kusamba.

Loma 1:9

Mbata, o Nzambi ngene ku mu bheza ni muẋima uami uoso, mu kutula o Njimbu Iambote ia tokala Monʼ ê, uala mbangi iami kuila nga zuela kidi. Ngana Nzambi ua kʼijiia kuila izuua ioso ngene ku mi lembalala,

I Kolindo 9:16

Kuma né-mbe ngi kola Njimbu Iambote, ki ki ngi bhana kuta thathe. Kuma katé bhu ngezʼ abha, kiene kia ngi fuama kubhanga. Kokolo diami se ngi kamba kukola o Njimbu Iambote!

Filipe 1:4

Ithangana ioso mu kusamba kuami, kioso ki ngi mi bhingila enu oso, ngi bhinga ni ngalasa.

Kolose 2:1

Kuma nga mi mesena mu ijiie kioso ki ngala ku mi bhângela enu, ni akua Laodiseia, ni athu amukua oso kiluua a ngi mona pholo mu xitu.

Kolose 4:12

Epafala muthu ua mi tokala mudienu kuenhoko, mubhika ua Jezú Kristu, ua mi menekena. Muène mukua ku mi bhângela luavulu mu kusamba kuê kua Ngana. Uene ku mi bhingila jinga phala Nzambi a mʼimike mu Maka mê, a mi bhane kukala mu adiakime mu nzumbi, ni kukala polondo ia kubhanga o vondadi ia Nzambi.

Kolose 4:17

Ambelenu Arkipo, muixi: Xinganeka ungunza ué u ua tambula kua Ngana, u u kumbidile.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.