Jipoxolo 6:3 - O Mikanda Ikola

³ Tungulenu-phe, akuetu, mudienu, sambuadi dia muthu, oso a a tumbula kuala akuâ, ezala ni Nzumbi Ikôla, ni unjimu, phala tu a bhane o kutambula konda ia sedivisu iii.

Jipoxolo 6:3 ပူးပေါင်းရင်းမြစ်များ

Makatukilu 18:21

Sota mu mundu, oso athu a tena, ala ni kilunji, akua uoma ua Nzambi, akua kidi, ka ẋikina kúdia mangonha, u a tese ku pholo; iá a tambula konda ia jimidi, iá a tambula konda ia jihama, iá a tambula konda ia makuinhi atanu, o iá dikuinhi-dikuinhi;

Izaía 28:26

Nzambi iê u mu longa, u mu tetuluila kioso kia tokala kubhanga.

Izaía 28:6

Jihova u kala ue muene unjimu ua uoso u xikama bhu kibhuna kia kufundisa milonga; muene o kimbaka kia oso a sota kuvutula jinguma katé bhu muelu ua sanzala.

Matesu 23:8

Enu-phe kana ku mʼila Mesene. Kuma sai Mesene ienu imoxi, enu oso mu jiphange.

Nzuá 21:23

Kizuelu kiki anga ki sambuka mu jiphange joso ja xikana Jezú, kuma xibulu ioio ki ià kàfua dingi. Jezú-phe ka mu ambela kuila, eie kua kà fua; uedi: Eme se ngandala kuila muène u xalela-ku, katè bhu nga kèjiia, eie kia ku kuatela-hi?

Jipoxolo 1:15

Ki bhua bhiti tu-izuua, a bhongoloka bhu kionge, o mundu uene uala hama ia muthu ni makuinhi aiadi, Phetele anga u imana mu kaxi ka jixibulu, uixi:

Jipoxolo 1:21

Uila kiki, ku mala iá u tua di nhenge-nâ, thembu ioso iendele Jezú mu ʼaxaxe ketu,

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 15:23

Anga a a sonekena mukanda ua kuila kiki: Ni etu tu Jipoxolo, ni Adiakime, jiphange, tua tumu kumenekena o jiphange ja akua ʼxi mu Andiioka, ni mu jimbandu joso ja Sídia, ni mu Silixa.

Jipoxolo 16:2

Muene a mu tumbula kiambote kuala o jiphange joso jala mu Listra ni mu Ikônio.

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Jipoxolo 22:12

Mueniomo mua kexile muthu, dijina diê Ananiia. Muenʼiiú mubhezi, mukua kuxila o Kitumu, a mu tumbula kuala Jijudé joso ja tungu mueniomo.

Jipoxolo 28:14

Mu mbonge muenèʼ omo anga tu sanga-mu jiphange, a tu dionda kuinduluka-nâ sambuadi dia kizuua. Kiene kiua ki tua bhixila ku Roma.

Jipoxolo 6:2

Bhenhobho o kuinhi dia Poxolo ni kiiadi, anga exana o mundu uoso ua jixibulu, anga a ambela, exi: Ki kia tokala, etu kuxa o maka ma Nzambi ni tu kala mu sedivila meza.

Jipoxolo 6:5

Hundu iii ia jipoxolo anga i uabhela mundu uoso. Anga a sola Xitevá, muthu uezala ni kuxikana, ni Nzumbi Ikôla. Anga a sola ue ni Felipe, ni Polokolo, ni Nikanolo, ni Timono, ni Palameno, ni Nikulá, mulungi, mukua Andiioka. Iú sumbala ki judé, maji ua kaiela jinga o ubhezelu ua Jijudé.

Jipoxolo 6:6

Eniá anga a a bheka bhu pholo ia Jipoxolo, o kia zubha kusamba, a a tula maku ku thandu diâ.

Jipoxolo 9:30

Jiphange-phe kia zubha ku kʼ ijiia, Saúlu a mu bheka ku Sezaleia, o koko anga a mu sulula kuia ku Talasu.

I Kolindo 12:8

Kuma sai iú a mu bhana kuala Nzumbi Ikôla, hundu ia kutongolola; sai iú a mu bhana hundu ia kuijiia, maji ienda ni Nzumbi iene imoxi.

I Kolindo 16:3

Kumbi di nga kà tula kuenhoko, oso mua a solo, ene u nga kà tuma ni mikanda phala a bheke o ujitu uenu ku Jeluzaleme.

Efezo 5:18

Kana kukodiua ni vinhu, mukonda i mi bhekela kutexika. Kota mu izale ni Nzumbi ia Nzambi.

Matendelelu 1:13

Solenu-ku athu muʼaxaxi ka ibuka ku ibuka ienu, oso mua a mono ni unjimu ni kutetuluka, oso ende kiabhu o ngongo nda ngʼa bhange makotʼenu a ku mi tambula konda.

I Timote 5:10

Muène kikale ue a mu tumbula o ikalakalu iê iambote iene mu kubhanga, se ua sase kiambote ana, se ua zalela jinga asonhi, se ua sukula jinga o inama ia akua Ngana, se ua bindumuna jinga jingadiama, mba o imbamba ioso iambote ua i bhanga jinga ni muanu.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

III Nzuá 1:12

Demétrio, athu oso ata ku mu zuela kiambote; oso muène ata jimbangi jê, o kidi kiene ue, ki ata mbangi iê. Etu uetu tua mu mu zuela kiambote, kuma tuala tu jimbangi jê, eie-muène ua kʼijiia kuma o umbangi uetu ua kidi.