Jipoxolo 6:1 - O Mikanda Ikola

¹ Ki bhua bhiti izuua-phe, o mundu ua jixibulu ja Jezú anga a sokoloka dingi kiavulu. Kienʼiki o Jijudé ja xikana Jezú, ió a kexi mu zuela o mbimbi ia Ngeleku, a kuata kulongolola o Jijudé ja kexi mu zuela o dizui dia Jihebaleu, mukonda akua mbimbi ia Ngeleku a kexi mu kuamba kuma o atudiʼâ, ala ku a jimba mu kuuana, iâ a mu emina, kia mu bhana o kudia izuua ioso.

Jipoxolo 6:1 ပူးပေါင်းရင်းမြစ်များ

Jobe 29:13

Kizediuise kia ió ua mu fua, kieza jinga kokuami, kuma eme nga kexile mu sangulukisa o muẋima ua mutudi ua muhatu.

Jobe 31:16

Se kima kiandalele o jingadiama eme nga ki jijidile, mba nga bhangesa mesuʼa mutudi ua muhetu kubenguka;

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Jisálamu 72:16

Mu ngongo mu kale nzungule ia masa katé ni ku thandu dia milundu; ixina iê i kale mu lokosa kala muxitu ua Libano; athu mu jimbonge joso a kale mu fuafua kala iangu mu mukáu.

Izaía 1:17

Dilongienu kubhanga o mbote; bhangenu ioso iaiuka; kudilenu uoso a mu tatesa; batuilenu monʼa difundu kioso kia iuka; atudi a bhangedienu.

Izaía 27:6

Bhua kèza izuua ia kuila Jakobo u ta jindanji, o Izalaiele ua kà sabhuluka u fuafua anga u bhana itulu ni ibundu; enhá anga a kèzalesa oxi ioso ni ibundu, kulu dia mundu.

Jelemiia 30:19

Mu kaxi kâ mu tunda jinga diximanu ni mbimbi ia kusanguluka; nga-nda ku a sokolola muene, ka seluka kana, anga ngʼa zangeleka, ka kala ni mukondo.

Izekiiele 22:7

Ni tata ni mama a di tunina jinga na-u momué; o ngenji a mu bhondelekela jinga momué; o hukunhu ni mutudi momué a a talesela-mu hadi.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 23:13

Enu-phe lamba dienu, mu akua kulonga kitumu ni enu mu jifalizeu, mu akua mangonha! Mukonda ku Utuminu ua diulu mua jika-ku ku pholo ia athu, enʼ uenu kubokona nguenu; ni iá andekene kubokona, ki mu a ehela. [

Jipoxolo 11:20

Maji amoximu-phe mudiâ, akua Xipele ni Silene, ki a bhixila mu Andiioka, a zuelela ue ió ki Jijudé, anga a a tudila o Njimbu Iambote ia Ngana Jezú.

Jipoxolo 11:26

Mu kukala-kukala-phe anga a bhanga muvu ua muvimba ni ku di bhongolola ni mundu ua Ngeleja ieneʼ oio, hé a longa athu avulu. Momo, mu Andiioka, muene mua dianga athu kuiuka jixibulu ja Jezú o dijina dia Jikidistá.

Jipoxolo 11:29

Kieniokio jixibulu joso, kala muthu kioso kia soko na-kiu, a sola kusanga ngasu ia kutuma kubindumuna jiphange ja tungu mu Judeia.

Jipoxolo 2:41

Bhenhobho-phe avulu a tambulula o njimbu ia Phetele, anga a a batizala. Ku iá a mu kaiela Jezú, anga ku di banda kua ene kizuua kienhokio, manhi mba midi jitatu ja mienhu ia athu.

Jipoxolo 2:45

O jixi jâ, ni jimbongo, a ji sumbisa, anga a di uanena oso mudiâ, kala muthu kioso kia soko o kubhindama kuê.

Jipoxolo 2:47

Mu ioso a kala mu ximana Nzambi, o mundu uene uoso u a tumbula. Ngana anga u kala mù bandekeza izuua ioso e kibuka kia ió oso ala kuenda ni kubhuluka.

Jipoxolo 4:35

hé a i tula bhu inama ia Jipoxolo, o oso a bhindama, anga a a uanena jinga, kala muthu kioso kia tokala o kutata kuê.

Jipoxolo 4:4

Ku athu evu o maka-phe, ku kala avulu a xikana. O mundu ua ia a xikana, anga u tena konda ia midi jitanu.

Jipoxolo 5:14

O kifuẋi kia oso a xikana, anga a kala mu ku di banda kua Ngana, mundu muène ua mala ni ahatu.

Jipoxolo 5:28

Etu tua mi kidika kiavulu o kulonga mu dijina didi dia muthu iú. Talesa-phe, kioso ki mua bhange! Mu ezalesa Jeluzaleme ioso ni kulonga kuenu, enu mua mesena o kalunga ka muthu iú mu tu tula na-ku ku thandu dietu!

Jipoxolo 6:2

Bhenhobho o kuinhi dia Poxolo ni kiiadi, anga exana o mundu uoso ua jixibulu, anga a ambela, exi: Ki kia tokala, etu kuxa o maka ma Nzambi ni tu kala mu sedivila meza.

Jipoxolo 6:7

Kienʼiki maka ma Nzambi anga ma kuata ku sambuka. O mundu ua jixibulu hé u sokoloka kiavulu mu Jeluzaleme. Ku kala ue ni kibuka kia dikota kia jinganga a xikana kutumaka kixikanuʼiki.

Jipoxolo 9:29

Jijudé ja akua Ngelexa anga u zuela-nâ, a kuata jiphata, maji ene-phe a sota ndunge ia ku mu jibha.

Jipoxolo 9:39

Phetele anga u katuka, uia-nâ. O kia zubha kutula, a mu bheka mʼ onzo ia thandu. Ahatu a atudi anga a mu kondoloka ni kudila, ni kuidikiza jimbinza ni izuatu iamukuâ, ia a tungila jinga Kasexi, kia kexile-nâ hanji ku muenhu.

Jipoxolo 9:41

Phetele anga u mu bhana lukuaku, u mu balumuna. O kiexana akua Ngana oso ni atudi, u mu bhana kua ene ni muenhu.

Loma 12:7

Hé ungunza, tu xikamene o ungunza uene. Se uhete ua kulonga, tu longe-phe.

I Kolindo 10:10

Kana ue kulongolola, kala kia longoluele ene amoxi-mu, anga a a jima mbutu kuala o Anju ia Mubuikixi.

II Kolindo 11:22

Kifua ene jihebeleu? Ni eme uami. Manhi akua izalaiele? Ni eme uami. Kifua ene o luvualu lua Mbalahamu? Ni eme uami.

Matendelelu 26:12

Mu muvu ua katatu, ua tokala o madijimu, kioso ki u zubha o kubhongolola madijimu oso a jimbote ja idima ié, enda ni ku ma uanena o levita, ni kidijila, ni monʼa difundu, ni mutudi ua fundu o diiala, nda akale ni kia kúdia mu diembu diʼeie, phala ekute.

Filipe 3:5

Ngi muthu a ngi saia mu kizuua kia kanake, tunde bhu kumbi dia ku ngi vuala. Nga tundu ku mbutu ia Izalaiele, ku muiji ua Bejami, ngi Hebeleu ia kidi mu ʼaxaxe ka Jihebeleu. Mù kuibhula ki kala o kukumbidila Kitumu kia Jijudé, eme nga kexile ngi Falizé.

I Timote 5:3

O atudi a ahatu, oso ala atudi a kidi, a bhane ujitu.

I Timote 5:9

Ki u soneka atudi, kana kusoneka muhatu kuila mutudi, se muène kiluua a tenesa makuinhi asamanu a mivu, iú ua sakanene ni diiala diê dimoxi diene ngó.

Jihebeleu 13:1

O kudizola ni jiphange ki mu ku ehe.

Tiiaku 1:27

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.

Tiiaku 4:5

Inga mua fika kuma o Madivulu Makôla ma ki zuela ngoho, kuila: Nzumbiʼoio, a mu ta Nzambi moxi dietu, ua tu indi ni difuba.

Tiiaku 5:9

Enu jiphange, ki muende ni kudilongolola mudienu, phala enu-enu Nzambi ka mi belese. Talesenu, Mufundixi ua zukama, iú kiá bhu muelu phala kuiza.