Jipoxolo 5:4 - O Mikanda Ikola

⁴ O ki ia kexile, ki oxi ié eʼmuène? O ki ua i sumbisa, kitadi ki kia kexile kié eie-muène hanji? Kimʼ iki-phe kia kuiza kiebhi ku muẋima? Eie o makutuʼ ama, ku ma tela athu, kana! Ua ma tela Nzambi!

Jipoxolo 5:4 ပူးပေါင်းရင်းမြစ်များ

I Malunda 29:17

Eme nga kʼ ijiia muene kiambote, Nzambi iami, kuma Eie uene mù lola o mixima, o kia ku uabhela o kidi. Eme ue mu kidi kia muẋima uami, nga ku bhana ni vondadi, o ima ioso iíi. O kiki-phe, nga mono ni kusanguluka kuoso kuila o mundu ué ala bhabha, a ku bhana uâ ni vondadi ioso.

I Malunda 29:3

O ku mbandu iami ememuène, mu vondadi iami, phala inzo ia Nzambi iami, nga bhana o ulu ni phalata, i ngala na-iu ia ndumba, katu-ku o ima ioso i nga iudika kiá phala o inzo ikóla ia dibhezelu.

I Malunda 29:5

Ulu phala o itutu ia ulu, ni phalata phala o itutu ia phalata; ni phala kikalakalu kioso ku maku a jimesene ja ufunu. Nanhi ue mudienu uala lelu polondo ia kubhana mu vondadi iê, ujitu kua Jihova?

I Malunda 29:9

O mundu anga a sanguluka ni ima ia bhana mu vondadi iâ, mukonda a i bhana ni vondadi ioso kua Jihova, ni muẋima ua tenena. O sobha Davidi ue kia mu bhekela kusanguluka kuavulu.

Jobe 15:35

Emita phulu, anga a vuala ituxi; mbata o muxima uâ uia ngó ni kufunha mangonha.

Jisálamu 139:4

Né ngó kizuelu kia ngi kala bhu dimi, eie-phe, u Jihova, ka ku dingila kima.

Jisálamu 7:14

Iala-ze, mukua phulu muenhó, mika ia mu kuata ia kuvuala, maji kingoho; uemita usuéia, u vuala makutu.

Makatukilu 16:8

Mozé anga u kumbulula dingi, uixi: Mu ki mona, Jihova kianda ku mi bhana kúdia xitu mu ngoloxi, ki kukia anga mu dia mbolo katé muekuta; mukonda Jihova ua mʼivu o kuzuela kuenu, ku mua mu longolola na-ku muene. Mbata etu, etu akua-hi? Ki etu mua tu longolola, kuma mua longolola Jihova.

Makatukilu 35:29

Anʼa Izalaiele a bheka ujitu ua vondadi iâ kua Jihova; ni mala ni ahatu oso ala ni vondadi ia muxima, a bheka ima ioso ia tokala mu kikalakalu kia kuiudika ioso ia tumu Jihova kua Mozé.

Ndongixi 5:5

Kota ku kamba kubhana polomesa, kuindi i ua bhana anga u lémbua ku i bhanga.

Izaía 59:4

Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Izekiiele 38:10

O Jihova Nzambi uambe kiki: O mu kizuuʼomo kia kà bhita kuila o ku muẋima ué ua kà kala ni ixinganeku, hé ua kà funha kima kia ibha.

Dialuilu 16:11

Ki kia mi bhekesa dingi kuila ni eie ni kionge kié kioso mua di bhongolola mu kuzoka ni Jihova; o Alá, muene kima kiahi, muala ku mu longololʼenu?

Luka 10:16

Bhenhobho Jezú anga u ambela o maxibuluʼê, uixi: Uoso u mʼívua enu, eme a ngʼivu; uoso u mi tènda, eme a ngi tènde; o uoso-phe u ngi tènda eme, ua tènda ió uoso ua ngi tumu.

Jipoxolo 5:3

Kuala Phetele-phe: Eie Ananiia, Satana ua ku funhisa kiebhi o muẋima, phala ute makutu kua Nzumbi Ikôla? Eie ihi ia ku bhakesa o mbandu ia mukuá, ku kitadi kia tundu mu kusumbisa oxi?

Jipoxolo 5:9

Phetele ua mu vutuila, uixi: Mukonda diahi eie ni muadi ué mua di longesa kubhumina o Nzumbi ia Ngana? Ivua bhu kanga o mixindu ia minzangala ió endele kufûnda munumiʼ é, eie ue anda ku ku ambata.

I Kolindo 8:8

Kia kidi ue kuila o kudia ki ku tena ku tu uabhesa kua Nzambi. Mukonda tuila tu kamba kudia-ku, ki kia tu tebhununa kima; o ki tuila tu dia-ku, ki kia tu bande kima.

I Tesalonika 4:8

Uila kiki, uoso ua ditunu o ulongelu iú, ki muthu a mu ditunu, maji ua ditunu Nzambi mukua ku mi tumikisa o Nzumbi iê Ikôla.

Filemone 1:14

Ki ngi mesena-phe ku ki bhanga, kuila ngi xala-nê sé kuivua kioso ki ua xinganeka, phala o mbote i u ngi bhanga, ki i kale ia ku ku bhinjika, maji ia vondadi.

Tiiaku 1:15

Kienhiki, o hânji iaiibha ienhiʼii, ki i zubha o kuimita, i vuala kituxi. O kituxi kʼila kiza ku kitala, ki vuala kalunga.

I Samuuele 8:7

Jihova anga u ambela Samuuele, uixi: A evue; dízui dia mundu ku di tènde, mu ioso ia ku ambela; kuma ki eie a ku ditunu, a ngi ditunu Eme, mbé ki ngi kale dingi ngi sobha iâ.