Jipoxolo 4:2 - O Mikanda Ikola

² Ene a futuluka kiavulu, mukonda dia jipoxolo jiiadʼiji kukala mu longa mundu, ni kutanga o maka kuma Jezú ua fukunuka ku ʼalunga. Ni kuila o kia fukunuka muenʼiki, o madifundu ue hádia a kà fukunuka.

Jipoxolo 4:2 ပူးပေါင်းရင်းမြစ်များ

Nehemiia 2:10

Sambalate, mukua Holone ni Tobiia, mukua mbele ku Amone, ki a ibhila muene kiavulu kuívua kuila kueza muthu mu kusota mbote ia anʼa Izalaiele.

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Jipoxolo 17:18

Anga ku kala jindongixi ja akua kisoko kia Epikulu, ni kia Jistoiku, a takana-nê. Amoxi exi: Muenʼiú ua kambe o kuijiia, uala kusabhula kiebhi? Amukuâ exi: Uedi kala uala ku tu tangela mahamba a jixi jengi. Ene a kexi mu zuela kiokio mukonda Phaulu ua tumbula Jezú ni difukunukinu.

Jipoxolo 19:23

Kithangana kieniokio-phe mu mbonge ia Efezo kavanza ka bhitile-mu, mukonda dia Njila ia Ngana, ki katolo.

Jipoxolo 24:21

Hé kima, kikale o dizui ngó ki nga di kolele mu ʼaxaxe kâ, ngixi: O kudielela kua madifundu ni kufukunuka kuâ, kuene kua ngi bhekela o mulonga iú, u muala ku ngi fundixila enu bhabha lelu.

Jipoxolo 26:23

Kuma ene a tange, exi: Kristu ua kà bhita ku jiphaxi, muène ua kà dianga mu kufukunuka kuê ku ʼalunga, mu kutubhula o mukengeji ku mundu ua Jijudé ni ku matumbu.

Jipoxolo 26:8

Enu mu Jijudé mu ki kitilahi makutu o kuxikana kuila Nzambi u fukununa madifundu? Phaulu anga u ta-ku dingi, uixi:

Jipoxolo 3:15

Monʼ a ngana ua bhanga o muenhu mua mu jibhenunu. Maji Nzambi-phe ua mu fukununa ku ʼalunga, o jimbangi jê etʼuene.

Jipoxolo 5:17

Nganga ia dikota-phe, ni ió oso a tokala-nê, akua kisoko kia jisaduzeu, bhenhobho a salumuka, njinda ia a kuata, mukonda ala ni difutu dia Jipoxolo. Kieniokio exi tu bhanga kima!

Loma 8:11

Maji se o Nzumbi ia Nzambi ua fukunuine Jezú mu ʼalunga, ua tungu moxi dienu, uoso ua fukunuine Kristu Jezú mu ʼalunga hadia ua kà phaphumuna ue o mikutu ienu ia kumbama, mukonda dia Nzumbi iê ia tungu moxi dienu.

I Kolindo 15:23

Maji ene oso mu umoxi-umoxi: Kristu muene ua diangela kua ene oso, hé kukaiela oso akua Kristu, muène hinu kià kèza.