Jipoxolo 4:16 - O Mikanda Ikola

¹⁶ exi: Mala iá, tu a bhanga kiebhi? Kuma kisuma kia dikota kidi ki a kalakala, kia di monekena ku akua Jeluzaleme oso, etuene ue ki tu tena ku dituna-kiu.

Jipoxolo 4:16 ပူးပေါင်းရင်းမြစ်များ

Daniiele 8:5

O ki nga kuata kubanza imʼiii, talesa, kua solomoka kisutu kia hombo kiejila ku luiji, kia di-ambatesa mʼoxi ioso, o bhoxi ki kia mu diata-bhu; kisutu kienhokio ki kala ni lumbinga lua kidiuanu, lua mu kexila bhu kiuanu kia mesu aiadi.

Daniiele 8:8

Anga kisutu ki di-bhanga munéne uahi ngó, kia kulu kia kômo! Maji kiedi ki bhixila mu kivula-nguzu, a mu bukula lumbinga lua kudile kiokio; anga bhu kididi kiê bhu sabhuka kiá jimbinga jiuana ja madiuanu, ji lunga ku itembu iuana ia diulu.

Matesu 20:7

Exi: Mukonda kana-ku muthu ua tu kase. Kuala muène: Ndenu uenu ku mulenga uami.

Matesu 27:16

Thembu íii anga a kala ni pelezu imoxi ia fumana, a mu ixana Jezú dia Balaba.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Nzuá 12:18

Kiene kia bhangesa o kifuẋi kuia mu ku mu kauidila, mukonda a kʼ ivu kuma ua bhange kidiuanuʼ iki kia dikota!

Jipoxolo 6:10

Maji o Nzumbi ia Nzambi-phe unjimu uahi ngó ua bhana kua Xitevá! Mu kuzuela ene oso ua a tolola, o kuejilʼuku, kana dingi muthu ua tena ku mu vutuila.