Jipoxolo 4:13 - O Mikanda Ikola

¹³ Kienʼiki o adiakime bhu Kionge Kiadikota, kia zubha ku mona o kúbhua uôma kua Phetele ni Nzuá, ni ku a tongolola kuma athu akua-tutu, ka zubha ku dilonga madivulu, a diuana, anga ki a lombolokela kuma ende ni Jezú.

Jipoxolo 4:13 ပူးပေါင်းရင်းမြစ်များ

Matesu 11:25

Kumbi dienhódio Jezú anga u kumbulula, uixi: Nga ku ximana Tata, Ngana ia diulu ni oxi, mukonda imʼ iii ua i sueka, jinjimu ni adimuka ka i mono, maji ua idikiza anandenge.

Matesu 26:71

Kia tubhuka ku mbalanda-phe, kilumba kia mukuá u mu tongolola, anga u ambela athu ala-bhu, uixi: Ialʼú ue ua kexile ni Jezú dia Nazalé.

Matesu 26:73

Kubhanga kithangana, athu emana bhenhobho eza kua Phetele, exi: Kidi kiene, eie ua tokala-nâ, kuma o mbimbi iê ia ku tukulula!

Luka 22:8

Jezú anga u tuma Phetele ni Nzuá, uixi: Ndenu kà iudikienu o Phasu nda tu i die.

Nzuá 19:26

Jezú kia mono manhʼâ, ni xibulu iê ua mu zola, uemana ue bhu mbandu iê, uambela manhʼâ, uixi: Muhatu, tala monʼé!

Nzuá 7:15

Jijudé anga ji tukumuka, exi: Iú uejiia kiebhi kiosuʼiki o Madivulu, ua kambe ku di longa na-u?

Nzuá 7:49

Kifuẋiʼ iki-phe, kia kambe kuijiia o Kitumu, a ki bhubhidila!

Jipoxolo 4:14

Maji o kia mono diiala a mu sake, uemana-nâ kumoxi, ka tena dingi kuzuela kima.

Jipoxolo 4:19

Kuala Phetele ni Nzuá-phe: Enuenu xinganekenu kioso kia iuka-bhu bhu pholo ia Nzambi: O ku mʼ ívua enu, mba kuívua Nzambi? Tongololenu-kiu!

Jipoxolo 4:29

Kiki-phe, Ngana, talesa o jindumu ja tu te. O jiselevende jé u a bhane kúbhua uôma mu kutanga o maka mé.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Jipoxolo 9:27

Barnabé-phe uiza ku mu kuatekesa, anga u mu bheka ku Jipoxolo. Muene anga u a jimbuila kioso Ngana kia tukulukila Saúlu mu njila, iú ua zuelanê. U a kundila ue kuma Saúlu muene, mu Damásku ua tangele maka mu dijina dia Jezú ni kubhua-uoma.

Jipoxolo 9:28

Kia bhiti kiki, Saúlu u kala-nâ mu Jeluzaleme, anga u kala mu ku di kunda-nâ ku mbandu joso, ubhua uôma ni kutanga maka mu dijina dia Jezú.

I Kolindo 1:27

Maji o Nzambi-phe ua soluʼê kiokio kia mu kuixana o mundu mu ngongʼ umu kuila uoua, phala kukuatesa na-kiu jisonhi ku athu oso ala jinjimu. Phala ue kukuatesa o jisonhi ku mazonda, Nzambi ua soloʼê kiokio athu mu ngongo kia mono kuila kubhuila.

I Kolindo 14:25

O ikutu ia muẋima uê anga i tukuluka hé ki mu bhangesa kufidimika pholo bhoxi ni kubeza Nzambi, anga u zuela, uixi: Nzambi uala mudienu, ni kidi kiene.

II Kolindo 3:12

Mukonda-phe dia kukala ni kudielela kala kiki, kiene ki tua bhuila o uôma.