Jipoxolo 3:16 - O Mikanda Ikola

¹⁶ O dijina dia Jezú, mu ku di xikana, diene dia bhana o nguzu ku muthu iú. O kiki kia bhiti, ki mua mono ni mesuʼenu, enu mua kʼijiia, kiobhange mukonda dia kuxikana o dijina diê. Mbata o kuxikana dijina dia Jezú, kuene kua mu bhana o kudisanza, bhu pholo ienu-enu oso.

Jipoxolo 3:16 ပူးပေါင်းရင်းမြစ်များ

Matesu 14:29

Kuala muène: Izá! Phetele anga u tuluka mu bote, u kala mu kuenda ku thanduʼa menha, uala kuia kua Jezú.

Matesu 9:22

Jezú-phe u sakuka, hé u mu mona, uixi: Mona, tululuka! Kuxikana kué kua kubhana muenhu. Muhatu anga uiluka tunde kumbi dienhódio.

Nzuá 14:12

Kidi kiene, ngi mi ambela: Uoso ua ngi xikana eme, ikalakalu i nga mu bhanga eme, muène ue u i bhanga, katé u bhanga ue hanji ia tundu, mukonda eme ngala kuia kua Tata.

Nzuá 7:23

Se muthu u tambula o kusaia mu kizuua kia Sábhalu, mukonda dia uôma ua kutondala o Kitumu kia Mozé, phala-hi mua ngi kuatela njinda, mukonda Eme nga bhana muthu ku di sanza mu kizuua kia Sábhalu?

Jipoxolo 14:9

Muenʼ iú anga uivua Phaulu uala kuta maka. Phaulu kia mu edi sûi, ua mu mono kuma uala ni kuxikana kua kuiluka.

Jipoxolo 16:18

Munzangala muenʼiú anga u ki bhanga izuua iavulu. Phaulu-phe kuma kia mu iibhila kiavulu, ua mu alulukila, hé uambela o dimonho, uixi: Nga ku tumu, mu dijina dia Jezú Kristu, kutunda mu mukutu uê. Anga di tunda kithangana kieniokio.

Jipoxolo 3:6

Kuala Phetele-phe: Ni phalata, ni ulu, ki ngala. Maji o kioso ki ngala na-kiu, kiene ki ngi ku bhana. Mu dijina dia Jezú Kristu dia Nazalé, balumuka nda uende!

Jipoxolo 3:8

Muène bhenhobho anga u tuka, u imana, hé uenda; u bokona-nâ kumoxi mu Tembulu ni kuenda, ni kutuka-tuka, ni kuximana Nzambi.

Jipoxolo 4:10

Uila kiki, ijiienu-phe enu-enu oso mu jingana, ni mundu uoso ua Izalaiele, kuma mu dijina dia Jezú Kristu dia Nazalé, mua mu jibhile ku dikulusu, Nzambi anga u mu fukununa ku ʼalunga, muene mua disanzela o muthu iú uemana bhu pholo ienu bhenhabha.

Jipoxolo 4:30

Eie, Ngana, sununa o lúkuaku lué ni kusaka, phala a bhange isumua ni nadiuanu mu dijina dia Selevende ié Ukôla, Jezú.

Jipoxolo 4:7

O atumini kia zubha ku bhaka o jipoxolo bhu ʼaxaxe kâ, a ebhula, exi: Enu imʼ iíi, mua i bhange kiebhi? O kubhanga kiki, mua ki bhange ni kutena kuahi, mba mu dijina dia nanhi?

Loma 3:22

Kuene o kulunga kua Nzambi ku ijila mu kuxikana Jezú Kristu. Muène u bhanga kiki kua oso muene a xikana, kuma kana-ku muthu ua di tungula-mu.

I Kolindo 13:2

Se ngi kala ni uhete ua upolofeta, katé o ijinganu ioso nga ijiia, o kuijiia kuoso nga ku zubha; se ngi kala ni kuxikana kuoso, katé ngi tena kusondolola o milundu bhu ididi iê, maji ngi kamba o henda, ki ngi kala ngi kima.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.