Jipoxolo 3:10 - O Mikanda Ikola

¹⁰ O kioso kia mu tongolola kuma muène ua kexile kuxikamena jimola bhu Muelu Uauabha ua Tembulu, a sasumuka kiavulu, hé a kala mu kudiuana o kisumua kia bhiti na-kiu.

Jipoxolo 3:10 ပူးပေါင်းရင်းမြစ်များ

Matesu 14:35

Akua-xi koko, kia zubha ku mu ijiia, a bhana jingolokela kʼoxi ioso, anga a mu bhekela jihaxi joso.

Luka 4:36

Anga athu ala-bhu a bhuuama ene oso, hé a di a mbela mudiâ, exi: Kizuelu kiahi ki kala kiki? Muène u tumina madimonho ni uphoxi ni kusuina, kuila a tunde, ene-phe a tunda muene!

Luka 9:43

Ene oso anga a diuana o kutena kua Nzambi. Kiosuʼiki-phe mundu ki ala mù diuana ima ioso ia bhange Jezú, muène uambela, jixibulu jê, uixi;

Nzuá 5:20

Mbata Tata ua zola o Mona, ua mu idikiza ima iene mù bhanga. Ua-nda ku mu idikiza dingi ue ikalakalu ia tundu iíi, enu ni mu diuane.

Nzuá 9:3

Kuala Jezú: Muène kala kifofo mukonda dia ituxi iê iate, mba mukonda dia ituxi ia jitata jê; maji muène uala kifofo, nda o kutena kua Nzambi ni ku di londekese mua muène.

Nzuá 9:8

Akua diembu diê, ni oso a mu ijiia okulu kuma mubhingi a jimola, exi: Ki muenhú ua xikamene jinge mù bhinga jimola?

Jipoxolo 2:12

Ene oso anga a diuana, a kuata phata mudiâ, kuma ni kia kuxinganeka ka ki mono, hé a di ambela mudiâ, exi: O ima iosuʼ iíi, ia lombolola kiebhi?

Jipoxolo 2:7

Ene oso anga a bhana mu kanu, a diuana, exi: Talenu, o iá ki akua Ngalileia oso ala kuzuela?

Jipoxolo 3:2

Anga bhu kala muthu ua nemana tunde mu mala a mamʼâ, ene ku mu ambata jinga, hè a mu tula izuua ioso bhu muelu ua Tembulu a u ixana Muelu Uauabha, phala kubhingila-bhu jimola ku athu oso a bokona mu Tembulu.