Jipoxolo 27:1 - O Mikanda Ikola

¹ Kia zubha o kudikunda kuila tu endela mu naviiu mu kuia ku Itália, Phaulu ni jipelezo jamukuâ a ji thelekala kua Kabhitangu dijina diê Julio. Muene ua tokalele ku kompanhiia iexana kuamba ia Sézalu Nguxi.

Jipoxolo 27:1 ပူးပေါင်းရင်းမြစ်များ

Dimatekenu 50:20

Enu muambele muene ku ngi bhanga phulu; Nzambi-phe ua ki lungulula ki kia di bhange mbote; Muene ua ki bhitisa kiengi kala ki mua ki mono kizuua kia lelu, phala ku bhulula mienhu ia ndumba.

Jisálamu 33:11

Phangu ia Jihova kene ku i lungulula, kuma ia kalé; kikutu kia ta muene, ki xalela ku miji ni miji.

Jisálamu 76:10

Mbata ni kidi kiene, eie o njinda ia muthu i biluka diximanu dié; o ia subhuka-bhu eie u i sukika.

Jisabhu 19:21

Mu muẋima ua muthu mua vula jiphangu, maji o kioso kia xindi kuala Jihova, kiene muene ki xalela.

Kuditenda 3:27

Kima kiambote phala muthu o kutala hadi ni kànga ia Jihova mu thembu ia undenge.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Matesu 27:54

Bhenhobho kabhitangu ni masoladi iá oso aia-nê mu langidila Jezú, kia mono oxi ia tunguta, ni ima ioso ia bhiti, a kala kiavulu ni uôma, exi: Kia kidi kiene, muenhú monʼa Nzambi!

Luka 23:47

Kabhitangu ka kilômbo kia akua Loma, kia mono kioso kia bhiti, ua ximana Nzambi, uixi: Kidi kiene, muenhú ua kexi muthu uaiuka.

Luka 7:2

Anga bhu kala kabhitangu, uala ni mubhikʼê a mu zolo kiavulu kuala ngana iê. O mubhika muenhú-phe uala mù kata, ua kumbama.

Jipoxolo 10:1

Kiki mu kala muthu mu Sezaleia, dijina diê Koloneliu, kabhitangu ka kompaniia a ixana ia Itália.

Jipoxolo 10:22

Ene a vutula, exi: Kabhitangu Koloneliu muene ua tu tumu. Muène mubhezi a Nzambi, muthu uaiuka, u xila Nzambi, a mu tumbula ue kiambote kuala akua ʼxi ioso ia Jijudé. A mu longesa kuala anju ia Ngana, o ku ku tuma eie kuiza ku onzo iê, eie u mu tangele maka.

Jipoxolo 16:10

Phaulu kia mono o kisumuʼ iki, tu sota kukatuka kindala mu kuia ku Masedonha, mukonda tua xinganeka kuma Nzambi ua tu ixana ku a bhana koko o Jingolokela Jambote.

Jipoxolo 18:2

Anga u sanga-mu Judé dijina diê Akuila, mukua bhata diê ku Pontu, kindala kia tundu ku Italia, ni mukajiʼê Pidisila. Ene koko a tundu-ku, mukonda Kaláudio ua kexi mu tumina mu Loma, ua tumu kukaiesa o Jijudé joso a kexi mu Loma.

Jipoxolo 19:21

Kia bhiti imʼ iii, Phaulu u kana ku muẋima uê kubhita ku Masedonia ni ku Akaia, ni kuia ku Jeluzaleme, uixi: Se nga zubha kubhita kuenioko, nga kàia ku Loma.

Jipoxolo 21:32

Muene anga u lenguluka, u katula masoladi ni jikabhitangu, u lengela-bhu bhuala ene. O mundu kia mono Komanande ni masoladi, a zumbuka kubeta Phaulu.

Jipoxolo 22:26

Kabhitangu kia kʼivu, uaii kua Komanande, iú ua mu tangela, uixi: Aiuka kioso ki uanda kubhanga! Iala muenʼ iú monʼ a ngene ku Roma!

Jipoxolo 23:11

Usuku uenʼió Ngana anga u tukulukila Phaulu, hé a mu imanena bhu mbandu iê, uixi: Kolokota! Kala ki ua bhana o umbangi uami mumu mu Jeluzaleme, kiene ue ki ua kà bhana umbangi mu Roma.

Jipoxolo 23:17

Phaulu anga uixana Kabhitangu kamoxi, u mu ambela, uixi: Munzangala iú mu bheke kua Komanande, a mu kunde tumaka.

Jipoxolo 24:23

Anga muene u tuma Kabhitangu kuila a te muthu phala a tambule konda ia Phaulu. Maji o upelezo uê u kale uofele, makamba mê ka a fudise ku mu dikila.

Jipoxolo 25:12

Kieniokio, Festu kia zubha o ku di kunda ni jindongixi jê, uixi: Eie ua fundila kubhikila kua Sézalu, kua Sézalu; kuene muene ku uia.

Jipoxolo 25:25

Eme-phe ki ngi mu mono ni kituxi ki tokala ku mu jibha. Kuma-phe o muène ue ua fundila kubhiẋila kua Muenexi, eme ue kuene ku nganda ku mu tumikisa.

Jipoxolo 27:11

Maji o Kabhitangu-phe ua suu ngó mutabhuidi, ni mukua naviiu iê, kevu dingi kia zuela Phaulu.

Jipoxolo 27:43

Kabhitangu-phe, kuma uandala u bhana Paulu o muenhu, ua a fudisa. Muène iú ua tumu oso ejiia o kuzoua a diange ku di ta ku menha, mbé a bhixile ku ngonguenha.

Jipoxolo 27:6

Kabhitango anga u sanga bheniobho o naviiu ia Xandediia iala kuia ku Itália, anga u tu longa momo.

Jipoxolo 28:1

Ki tua zubha o kubhuluka, kuila tua bhixila kiá ku ngonguenha, kiene ki tuejiia kuma kikolo a kʼixana Melita.

Jipoxolo 28:16

O ki tua zubha kutula mu Roma, Kabhitangu u thelekala jipelezo kua xefe ia kambamendo. Maji o Phaulu a mu ehela ku di kalela ni kididi kiê, ni disoladi diala ku mu inga.

Jihebeleu 13:24

Makota oso a mi kala ku pholo a menekenienu, ni akua mundu uoso ua Nzambi. O jiphange ku Itália kunu, a tumu ue ku mi menekena.