Jipoxolo 26:8 - O Mikanda Ikola

⁸ Enu mu Jijudé mu ki kitilahi makutu o kuxikana kuila Nzambi u fukununa madifundu? Phaulu anga u ta-ku dingi, uixi:

Jipoxolo 26:8 ပူးပေါင်းရင်းမြစ်များ

Dimatekenu 18:14

Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

Luka 1:37

Mukonda kua Nzambi, kana-ku kima ki kamba kuẋikina.

Luka 18:27

Muène-phe, uixi: Ima athu a i tokoka, kua Nzambi-phe i xikina.

Jipoxolo 23:6

Phaulu kia mono kuma kaxaxe-kâ ala jisaduzeu, kaxaxe kamukuâ jifalizeu, muène u di kola mu kaxi ka Kionge, uixi: Enu akuetu, eme ngi falizeu, ngi monʼ a falizeu. O kudielela kua madifundu, ni kufukunuka kuâ, kuene kua ngi bhekela o mulonga uenʼiú uala ku ngi fundixila!

Jipoxolo 25:19

Kima kimoxi ki nga mono, a kuata-nê ngó jiphata ja ubhezelu uâ ene, ni ja muthu uafua kiá a mu ixana Jezú. Kuma Phaulu uixi, iú-ué ni muenhu.

Jipoxolo 4:2

Ene a futuluka kiavulu, mukonda dia jipoxolo jiiadʼiji kukala mu longa mundu, ni kutanga o maka kuma Jezú ua fukunuka ku ʼalunga. Ni kuila o kia fukunuka muenʼiki, o madifundu ue hádia a kà fukunuka.

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.