Jipoxolo 26:6 - O Mikanda Ikola

⁶ O kiki ngemana bheniabha mu ku ngi fundisa, mukonda dia kudielela o kizuelu kia bhele Nzambi ku jitata jetu.

Jipoxolo 26:6 ပူးပေါင်းရင်းမြစ်များ

Dimatekenu 12:3

Nga kà a benzela oso a ku benzela eie, nga kà bhubhidila oso a ku bhubhidila eie; momué muene mua kà zediuila o miiji ioso mu ngongo.

Dimatekenu 22:18

ku mbutu ié kuene kua kà zediuila ifuẋi ioso mu ngongo; mukonda ua tumaka dízui diami.

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

Jisálamu 132:11

Jihova ua te ni Davidi, kikutu kia mulôko, ka ẋikina dingi kualuluka; kuma uambe, uixi; Mona u tunda ku mukutu ué muene u ku bhingana bhu kiandu.

Jisálamu 132:17

O kutena kua nguzu ia Davidi, muenhomo ku kuia-ku dingi; ngi sendela kandeia phala o muthu uami nga mu undu ni maji.

Jisálamu 98:2

Jihova uedikiza ubhulukilu uê; o kukumbidila kuê, kua di monekena ku mesu a akua jixi joso.

Izaía 4:2

Bhu kizuua kiná o Ndombo ia Jihova ia kà kala ditunda, ni kijingo; oso a subhuka mu Izalaiele a kà mona uuabelu ua kibundu kiaʼxi, kuma kima kia ujitu.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Izekiiele 21:27

Mu senguludienu! Mu senguludienu! Nga-nda ku mu sengulula hé ngi mu kambesa-bhu muene, katé kia kʼèza ió ua mu tokala mu kidi kiene, o kokué kuene ku nga kà mu bhana.

Izekiiele 37:24

Anga o mubhikʼami Davidi muene ua kà kala sobha iâ, ene oso hé a kà kala ni mubidi umoxi ngó; anga a kʼèndela mu mabatuilu mami, enda ni kualuka o jingonge jami ni ku ji bhanga.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Jouele 2:32

Kieneʼokio-phe, uoso ua kà hingila dijina dia Jihova ua kà bhuluka. Kuma ku mulundu ua Ziione, ni mu Jeluzaleme, muà kala dibhandulukilu kala kiene mu ki tanga kuala Jihova, ni kua iá oso a subhuka a kà exana kuala Jihova.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Zakadiia 6:12

Hé u mu tangela, uixi: Jihova dia Ilombo Ieta, mu kuzuela, uambe kiki: Talesa-ze, muthu iú ua bhingi kuila jina diê, Thangu Luobhe; muene ua kà sabhuka bhu kididi kiê, anga ua kà tunga o Tembulu ia Jihova.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Jipoxolo 23:6

Phaulu kia mono kuma kaxaxe-kâ ala jisaduzeu, kaxaxe kamukuâ jifalizeu, muène u di kola mu kaxi ka Kionge, uixi: Enu akuetu, eme ngi falizeu, ngi monʼ a falizeu. O kudielela kua madifundu, ni kufukunuka kuâ, kuene kua ngi bhekela o mulonga uenʼiú uala ku ngi fundixila!

Jipoxolo 24:15

Ngala ue ni kudielela kua Nzambi, ni ene iá na-ku, kuma hádia kukala difukunukinu dia athu aiuka ni athu abhukumuka.

Jipoxolo 24:21

Hé kima, kikale o dizui ngó ki nga di kolele mu ʼaxaxe kâ, ngixi: O kudielela kua madifundu ni kufukunuka kuâ, kuene kua ngi bhekela o mulonga iú, u muala ku ngi fundixila enu bhabha lelu.

Jipoxolo 26:8

Enu mu Jijudé mu ki kitilahi makutu o kuxikana kuila Nzambi u fukununa madifundu? Phaulu anga u ta-ku dingi, uixi:

Jipoxolo 28:20

Kiene ki nga mʼixanena ku di mona, ni ku di kunda ni enu. Mukonda o kidielelu kia Izalaiele kiene kia ngi kuikisa lubhambu lulu.

Jipoxolo 3:24

Katé muene ni jipolofeta joso, tunde kua Samuuele, ni akuá oso a mu kaiela, oso kiá a zuela-jinga, izuua ienʼii a i tanga jinga.

Loma 15:8

Kuma eme nga mi ambela kuila Kristu ua di bhangele mukunji ua Jijudé phala kuidikiza kuila Nzambi kene mu kualuluka, mbé o izuelu ioso ia bhele Nzambi ku Jitata a i kumbidile.

Ngalásia 4:4

Maji kieza o thembu iatenena, Nzambi ua tumikisa Monʼê muene. Muene iú ueza kala mona a mu vuala ku muhatu mu ngongo, a mu vuala iú ua kudila bhoxi dia Kitumu kia Jijudé.

Matendelelu 18:15

Jihova Nzambi ié ua kà ku balumuina polofeta momué, muʼaxaxe kaʼphange jé, mukua nʼeme; muenhó muene kiá mua kà mu ivua.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.