Jipoxolo 22:5 - O Mikanda Ikola

⁵ O muène nganga ia dikota u ngi kala mbangi kuma kiene kiabhiti, ni adiakime oso a tokala ku Kionge kia Jitata. Mukonda kua ene kuene ku nga tambuile o mikanda ia sonekena akuetu, o Jijudé ja kexile mu Damasku. Anga ngi katuka kuia ku Damasku mu kutakana oso ala kuenhoko, ni ku abheka mu Jeluzaleme ku malubhambu, phala ku a bhana kaxtiku.

Jipoxolo 22:5 ပူးပေါင်းရင်းမြစ်များ

Luka 22:66

Ki kuákie-phe, o Kionge kia jitata joso ja mundu ki bhongoloka, ni makota ma jinganga, ni asoneki, muène anga a tuma ku mu bheka bhu ʼaxaxe-kâ.

Jipoxolo 1:15

Ki bhua bhiti tu-izuua, a bhongoloka bhu kionge, o mundu uene uala hama ia muthu ni makuinhi aiadi, Phetele anga u imana mu kaxi ka jixibulu, uixi:

Jipoxolo 13:26

Phaulu anga u zuela dingi, uixi: Enu phange jami, mu ana kixina kia Mbalahamu, ni enu oso ki mu Jijudé maji mua xila Nzambi, makʼ ama ma kubhuluka ma tu kane etu-ene oso.

Jipoxolo 2:29

Enu akuetu, jiphange, kukululuʼ etu Davidi, kia bhingi ngi mi tangela-nê kuma muène uàfua, o mbila iê tuala na-iu muʼ axaxe ketu katé mu kizuua kia lelu.

Jipoxolo 22:1

Enu mu akuetu, jiphange, nʼ enu mu jitata, ngʼ ivienu kioso ki ngi di lombolola lelu bhu pholo ienu.

Jipoxolo 23:1

Phaulu bhenhobho Kionge kioso u kʼixi sûi, uixi: Enu akuetu! Eme ngende bhu pholo ia Nzambi ni muẋima ua kidi, katé mu kizuua kia lelu.

Jipoxolo 23:6

Phaulu kia mono kuma kaxaxe-kâ ala jisaduzeu, kaxaxe kamukuâ jifalizeu, muène u di kola mu kaxi ka Kionge, uixi: Enu akuetu, eme ngi falizeu, ngi monʼ a falizeu. O kudielela kua madifundu, ni kufukunuka kuâ, kuene kua ngi bhekela o mulonga uenʼiú uala ku ngi fundixila!

Jipoxolo 26:10

Kiene-phe ki nga kexile mu kubhanga mu Jeluzaleme. Mukonda kia ngi bhele jinganga ja makota o kutena, ngi kala mu jika akua Ngana avulu mu ʼaleia. Ni ki eza jinga mu ku a jibha, nga tele-mu o dizui diami, ngixi a a jibhe muene.

Jipoxolo 26:11

Ngi kala luavulu mu ku a bhana kaxtiku mu jinzu joso ja mabhezelu a Nzambi, ngi bhindamena ku a xingisa Jezú ni kudituna o kuxikana. Mukonda ue njinda ia ngi kuatele kinene, nga a salukila kiavulu, katé nga a zukutisa ni ku madiembu a makanga.

Jipoxolo 26:12

Phaulu anga u kuata kuzuela, uixi: Kiene kia ngi bhekesele kuia ku Damasku, ki nga tambula o kutena ni mikanda, ku jinganga ja makota.

Jipoxolo 28:17

Ki tua zubha kubhanga izuua itatu, Phaulu muène ua tumu kuixana o makotʼ athu ku Jijudé, a kexile mu Roma, phala kudimona-nâ. O kia bhongoloka, ua ambela uixi: Eme, akuetu jiphange, sumbala ki ngi bhange mundu uetu kima kiaiibha, ki ngi tondala ifua ia jitata jetu, o Jijudé mu Jeluzaleme a ngi thelekala upelezo ua akua Roma.

Jipoxolo 28:21

Ene a mu ambela, exi: Etu ku Judeia ki tu tambula-ku mikanda ia ku tange eie. Ki ku tundu ue akuetu, a ku âmba eie kima kiaiibha.

Jipoxolo 3:17

Kiki-phe enu mu akuetu, o Jezú ku mu bhanga kiki, nga mono kuma o kukamba ku kʼ ijiia kuene kua mi bhangesa-kiu, ni enu ni afundixi enu; mbata ioso i mua kexi mu kubhanga, enu ki mu ijidile.

Jipoxolo 4:5

Kúkia ni kimene, afundixi, ni adiakime ku mundu, ni jimesene jene mu longa o Kitumu, a di bhongolola mu Jeluzaleme.

Jipoxolo 5:21

O Jipoxolo kia zubha ku kʼ ívua, a tumaka o Mukunji ua Ngana. O ki kuákie a bokona mu Tembulu mu kimene-mene munhá, hé a kuata kulonga o maka. O Nganga ia dikota-phe ni ió oso a tokala-nê, eza, hé a bhongolola o Kionge kia Jitata ja Izalaiele, anga a tuma kutakana Phetele ni Nzuá mu ʼaleia.

Jipoxolo 9:14

O kiki ua mu kuiza kunu ku Damásku mukonda ua tambula kusuina ku jinganga ja makota, kua kukuta oso a bheza mu dijina dié.

Ngalásia 1:13

Kuma enu muevu kiá o kikexilu kiami mʼ ukulu, mu ubhezelu ua Jijudé. Muejiia ni kioso ki nga di kakele mu kuzukutisa o Ngeleja ia Nzambi, ni kusota ku i muanga.

Filipe 3:6

O mu muanu ua kualuka o Kitumu, nga kexile ngi muzukutixi a Ngeleja. O mu kuibhula o kulunga kua kulungila mu kukumbidila o Kitumu, eme ki ngi ki tondala ni kima.

I Timote 4:14

Uhete ió ua ku bhana mu uanji ua kuzuela kua Jipolofeta ja Ngaleja, kia ku tudile o maku ma adiakime ku thanduʼa mùtue ué, phala ku ku lumba mu kikalakalu kia Ngana, kana kukala na-u ni kaxixi.