Jipoxolo 22:3 - O Mikanda Ikola

³ Eme ngala ngi Judé, a ngi vualela mu Talaso, ku Silisia, a ngi sasela-phe mu mbanza ia Jeluzaleme muenʼiumu, bhu inama ia mesene Ngamadiiele. A ngi longo ni muanu uoso mu Kitumu kia jitata jetu, hé ngi kala mu suinisa Nzambi, uila enu oso ue ki mua mu suinina leluʼ idi.

Jipoxolo 22:3 ပူးပေါင်းရင်းမြစ်များ

II Samuuele 21:2

Muenexi anga u ixana akua Ngibiione, u a zuelesa. Akua Ngibiione-phe ka tokala mu anʼa Izalaiele, mukonda mbutu ia xala ku akua Mamodi. Anʼa Izalaiele a banga-nene-nâ ni ku a lokela kuila ka-nda ku a jibha. Saulo-phe u sota ku a buidisa mukonda dia kusuína kuê mu zokela anʼa Izalaiele ni Juda.

II Jisobha 4:38

Kioso Ilizeu kia vutuka ueza ku Jidingale. O mu ixi ieneʼoio mua kexile nzala; kioso anʼa jipolofeta kia xikama bhu pholo iê, muene uambela mubhikʼê, uixi: O ímbia ia dikota, ta na-iu bhu jiku u bhange muzonge ua izàza phala anʼa jipolofeta.

Luka 10:39

Marta ukala ue ni phangʼiê dijina diê Madiia, Madiia anga u xikama bhu inama ia Jezú, hé u kuata kuívua o maka mê.

Luka 2:46

O kia bhiti izuua itatu, kiene kia mu sange mu Tembulu, ua xikama muʼaxaxe ka jimesene ja Jijudé, uala ku a evua ni ku a ebhudisa.

Luka 8:35

Athu avulu anga a tunda mù tala kioso kia bhiti. Eza kua Jezú, anga a sanga o diiala, madimonho ma mu tundu kiá moxi diê, ua xikama bhu inama ia Jezú, ua zuata, ua tambula kilunji. Anga a kala ni uôma.

Jipoxolo 11:25

Muene iú ua katuka kuia ku Talasu mu sota Saúlu; o kia zubha ku mu sanga, uiza-nê ku Andiioka.

Jipoxolo 15:23

Anga a a sonekena mukanda ua kuila kiki: Ni etu tu Jipoxolo, ni Adiakime, jiphange, tua tumu kumenekena o jiphange ja akua ʼxi mu Andiioka, ni mu jimbandu joso ja Sídia, ni mu Silixa.

Jipoxolo 15:41

Phaulu anga u bhita mu, Sidia ni mu Silisia ni kukolesa o miẋima ia akua jingeleja.

Jipoxolo 21:20

Ene kia zubha ku mu ivua, a ximana Nzambi, anga a mu ambela, exi: Ua mono, mukuetu, o Jijudé ja xikana mu ukidistá ja tena jimidi ni jimidi, maji ene oso a suinina o Kitumu kia Mozé.

Jipoxolo 21:39

Phaulu-phe, uixi: Eme ngi Judé, a ngi vualela ku Talaso, mbonge ia fumana mu Silisia, ngi mukua bhata mu diembu dia ujitu. Nga ku diondo-phe u ngʼ ehele kutela o mundu tumaka.

Jipoxolo 23:34

Nguvulu kia zubha kutanga o mukanda, uibhula Phaulu se muene mukua sengu kuẋi. O ki evu kuma mukua Silisia,

Jipoxolo 23:6

Phaulu kia mono kuma kaxaxe-kâ ala jisaduzeu, kaxaxe kamukuâ jifalizeu, muène u di kola mu kaxi ka Kionge, uixi: Enu akuetu, eme ngi falizeu, ngi monʼ a falizeu. O kudielela kua madifundu, ni kufukunuka kuâ, kuene kua ngi bhekela o mulonga uenʼiú uala ku ngi fundixila!

Jipoxolo 26:5

A ngʼ ijiia kiambote kuila tunde ku dimatekenu, se ene andalele ku ngi bhela umbangi,—kuma kisoko kia beta kunjandamana mu ubhezelu uetu, muene mu nga tokala, mukonda nga kexile ngi falizeu.

Jipoxolo 26:9

Eme-muène nga fikile kidi kuma, nga tokala kubhanga ima iavulu ia kuẋinukina o dijina dia Jezú dia Nazalé.

Jipoxolo 5:34

Bhenhobho-phe, mu jitata mu imana muthu, falizeu, dijina diê Ngamadiiele. Muenʼiú mesene ia Kitumu, muthu a mu ximana kuala o mundu uoso. Anga u tuma kutundisa hanji mala iá bhu kanga, mu kakithangana ngó.

Jipoxolo 6:9

Anga ku kala-phe athu amukuâ a mu lungulukila. Eniá, akua Dilombe dia Jifôlo a tokala ku inzu ia kexi mu sambela o Jijudé ja tundile ku jimbonge ja Silene ni Xandeliia. Eniá-phe kumoxi ni Jijudé ja mukuâ ja tundile ku jimbandu ja Silisia ni ja Azia, a kuata kulua phata; ni Xitevá.

Jipoxolo 9:1

Saúlu-phe hanji a zumina jixibulu ja Ngana, ni ku a kusa, ni ku a jibha. Anga u bhixila kua nganga ia dikota,

Jipoxolo 9:11

Kuala Ngana: Balumuka, uie mu luua i exana Luua Iaiuka, kʼ onzo ia Juda, u ibhule-ku muthu dijina diê Saúlu, mukua Talasu. Kienʼiki iú samba,

Jipoxolo 9:30

Jiphange-phe kia zubha ku kʼ ijiia, Saúlu a mu bheka ku Sezaleia, o koko anga a mu sulula kuia ku Talasu.

Loma 11:1

Kiene kia ngi bhangesa o kuibhula, ngixi: Manhi Nzambi ua ẋimbuka o muundu uê? Ki ki xikina! Kuma eme muene uami ngi mukua Izalaiele, nga tokala ku luvualu lua Mbalahamu, ku muiji ua Bejamí.

II Kolindo 11:22

Kifua ene jihebeleu? Ni eme uami. Manhi akua izalaiele? Ni eme uami. Kifua ene o luvualu lua Mbalahamu? Ni eme uami.

Ngalásia 1:14

Mu ubhezelu ua Jijudé, o masoko mami ku akua kokuetu, nga a sombokele ku pholo, hé ngi kala mù suina kiavulu mukonda dia ifua ia jikukululu jetu.

Ngalásia 1:21

Mu kutunda bhobho, anga ngiia ku jixi ja Sidia ni Silisia.

Matendelelu 33:3

Muene mu kidi ua zola o ifuẋi; athuʼê angene ala bhu lukuaku luê; ene enda ni kuxikama bhu inama iê, phala kala muthu nʼende ni kutambula-ku ku maka mê.