Jipoxolo 21:3 - O Mikanda Ikola

³ O ki tua bhixila bhu kididi bhua tu monekena o kikôlo kia Xipele, kikôlo tua ki xie ku kiasu anga tu lunga ku Sidia, hé tu kuaka bhu Tilu, kuma naviiu bhene bhu ianda kulongomuena o imbamba.

Jipoxolo 21:3 ပူးပေါင်းရင်းမြစ်များ

II Samuuele 8:6

Davidi anga u ta jipoxto mu Sídia ia Damasku, akua Sídia anga a kala mu bhikila Davidi, enda ni ku mu bhakuila madijimu. Jihova anga u bhana uzonda kua Davidi, kuoso-kuoso kuambe kulunga ni kúlua, u kala mu tolola.

Jisálamu 45:12

Kilumba, mukua Tilo, u mu mone kia-nda kuiza ku ku bhakuila maujitu; o jimonhi ja makota ku mundu, ji ku dionda ku a suua.

Jisálamu 87:4

Ngi tungula-bhu Lahaba ni Babilónha, ku iá oso a ngʼijiia; iala-ze! enu mu Fidíxia, ni Tilo, ni Etiiópia, a kà mʼila, exi: Iú ni iú kuene kua tundu mukonda kuene kua a vuala.

Izaía 7:2

Anga a dimuna dibhata dia Davide, exi: O Sídia ua te kikutu ni Ifalaími. Bheneʼobho muẋima uê u di-vunza kumoxi ni muẋima ua mundu uê, kala ki di bhuka o mixi mu tutu, kʼiza o kitembu.

Matesu 11:21

Eie Kolazine, lamba dié! Eie Betesaida, lamba dié! Mukonda o isuma ia di bhange momué, se a i bhangele mu Tilu ni mu Sidónia, hinu a dielediâ ukulu, anga eha o ituxi iâ. O mu ku londekeza kuila a diela, eji kuzuata jisaku ni ku di kuua uthôkua mu mítue!

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Luka 10:13

Lamba dié, eie u mbanza ia Kolazini! Lamba dié, eie u mbanza ia Betesáida! Kuma o ikalakalu ia isunji iòbhange momuenu, se a i bhangele mu Tilu ni Sidonha, o mundu momo hinu o ituxi iâ a i eha ukulu. O mu kulondekesa o kudiela kuâ eji kuzuata kidinhaji, hé a xikama bhoxi a di kuu mu uthôkua!

Luka 2:2

O ku soneka kua diangʼuku kua bhiti kioso ki ala Siléniu nguvulu mu Sídia.

Jipoxolo 11:19

Kienʼiki ió oso a kexi mu kaiela Jezú a muangana mukonda dia hadi iejile-ku kua Xitevá. Amoxi-mu aia ni kuenda katé ku Fenisia, ni ku Xipele, ni ku Andiioka, o maka ma Nzambi ala ku ma tela Jijudé ngó.

Jipoxolo 12:20

Helode muene-phe ua luualela kiavulu akua Tilu ni Sidonha. Ene anga a di kasa, eza kumoxi kibuka kia muvimba phala ku mu hindula. A dianga-phe ku kuata ukamba ni Balaxtu dikota dia mukalakadi ua sobha, ua tambula konda ia hâma iê. Anga aia kiua katé kua soba Helode, hé a mu dionda kuditambulula-nâ ku paze, mukonda o ku makudia, oxi iâ ia bhindumukina ku oxi ia sobha.

Jipoxolo 13:4

Barnabé ni Saúlu-phe, kia a katula Nzumbi Ikôlʼ iki, a kulumuka ku Seleuxa, kuenioko anga a di longa mu naviiu, a zauka katé ku Xipele.

Jipoxolo 15:23

Anga a a sonekena mukanda ua kuila kiki: Ni etu tu Jipoxolo, ni Adiakime, jiphange, tua tumu kumenekena o jiphange ja akua ʼxi mu Andiioka, ni mu jimbandu joso ja Sídia, ni mu Silixa.

Jipoxolo 15:39

Kienʼiki anga ki bheka iẋanju, ene hé a zoka, katé a di batuka. Barnabé uambata Marku, u zauka mu naviiu katé mu kikôlo kia Xipele.

Jipoxolo 15:41

Phaulu anga u bhita mu, Sidia ni mu Silisia ni kukolesa o miẋima ia akua jingeleja.

Jipoxolo 18:18

Phaulu kia zubha kubhanga dingi izuua iavulu mu Korindo, ua xalesa jiphange, anga u di longa mu naviiu kuia ku Sídia, kumoxi ni Pidisila ni Akuila. O kuila kiluua a di longa mu naviiu, ua diangele-phe kubhuta muthue mu Sengeleia, kuma ua bhangele polomesa kua Nzambi (uadi dikangu, ua te hasa).

Jipoxolo 21:16

Sai jiphange jimoxi-mu, akua mbonge ia Sezaleia, anga aia mu ku tu bheka. Ene hé a tu ambata katé mʼ onzo mu tuanda kutambula o kizalu, ia muthu mukua kikôlo kia Xipele, dijina diê Menasome. Muthu muenʼ iú uala kia kidistá kiokulu.

Jipoxolo 21:2

Anga tu sanga naviiu ianda kuzauka katé ku Fenixa, anga tu di longa, tu katuka.

Jipoxolo 21:7

Ki tua zubha o njila ia naviiu ia kutunda ku Tilu, tu kuaka bhu Potolomaida. Bheniobho jiphange anga tu ji menekena, tu induluka-nâ kizuua kimoxi.

Jipoxolo 27:4

Mu kutunda mu Sidonia, tu lunga ku musanza, anga tu bhita ku dima dia kikôlo kia Xipele, mukonda ku tua kanene o kitembue ki kia lungu-ku.

Jipoxolo 4:36

Kienhókio Zuze, a mu luka kuala Jipoxolo, exi, Barnabé, (dijina kia kuila muthu u bhuisa uôma), levita a mu vualela mu kikôlo kia Xípele,

Afundixi 10:6

Anʼa Izalaiele anga a tona dingi kubhanga kiaiibha mu mesu a Jihova, a kala mu bhikila Jibaale, ni Jitalote, o iteka, ni jinzambi ja Sídia, ni jinzambi ja Sidone, ni jinzambi ja Mouabhe, ni jinzambi ja anʼa Amone, ni jinzambi ja akua Fidíxia, Jihova anga a mu baluka, a mu xa, ngua-uâ ku mu bheza.