Jipoxolo 20:9 - O Mikanda Ikola

⁹ Anga bhu kala munzangala ua diiala, dijina diê Eutiko, ua xikama bhu njanena, kilu anga ki mu kuata. Kioso-phe Phaulu hanji a kuata maka, kilu kuma kia mu vulu, ua lauka bhoxi tunde ku sabhalalu ia matala atatu. O kieza ku mu zangula, uafu kiá.

Jipoxolo 20:9 ပူးပေါင်းရင်းမြစ်များ

I Jisobha 17:19

Muene anga u mu ambela, uixi: Ngi bhane monʼé. Muene anga u mu ambata bhu jihata jê, anga u banda-nê ku tha-ndu, mu xilu diê-muène, mukonda muene ua kexile ku inzo ia thandu, anga u mu zekesa ku hama iê.

Marku 13:36

phala ki ki bhite kuila sumba uiza ku mbulu nʼa mi sange muaienu ku kilu!

Marku 9:26

O ki ia zubha ku di kola, ni ku mu sanhesa kiavulu, ia tundu. O monʼa diiala anga uila kala uafu; kate athu avulu ambele, exi: Uafu.

Jipoxolo 14:19

Kueniuku-phe ue kueza Jijudé ji tunda ku Andiioka ni ku Ikônio. Anga a bhomba mundu, hé a bûba Phaulu ni matadi, a mu koka katé ku mukau, kuma a fika uafu.

Jipoxolo 20:10

Phaulu anga u tuluka, u di sunununa ku thandu diê, u mu bhubhala, uixi: Ki mu tale hadi; muenhu uê iú-uê!

Jipoxolo 20:7

Mu kizuua kia Sabhalu ku kiemba, anga tu bhongoloka mu kubukula o mbolo kumoxi ni jiphange. Bhenhobho Paulu u a tela maka, anga u sungina ni kuzuela katé mu kaxi ka usuku, mukonda kimene kiê uanda kukatuka.

Jipoxolo 20:8

Anga mu kala tundeia tuavulu mu sabhalalu mu tua di bhongoluela.