Jipoxolo 2:9 - O Mikanda Ikola

⁹ Sumbala etu oso tueza, tuedi ni akua Partiia, ni akua Mediia, ni akua Elame, ni iá a tungu mu Mezopotamiia, mu Judeia ni mu Kapadósia, mu Pontu ni mu Azia,

Jipoxolo 2:9 ပူးပေါင်းရင်းမြစ်များ

Dimatekenu 10:22

Anʼa Seme enhá: Elame, Asula, Alufaxade, Lude, Halá

Dimatekenu 14:1

Anga kibhita kuma ku izuua-izuua, mu thembu ia Amalafele, sobha ia Xinale, ni Adiioko, sobha ia Elasale, ni Kedolaumele, sobha ia Elame, ni Tidale, sobha ia Ngoími.

Dimatekenu 24:10

Selevende anga u katula kuinhi dia kamelu, ku jikamelu ja ngana iê, u katuka, uambata ima ioso ia tokala, kuma jimbongo joso ja muadiʼê ja mu kala bhu maku mê; anga u zangula, uenda katé ku Mezopotamiia, ku sanzala ia Naholo.

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

I Malunda 19:6

Ana a Amone-phe, mu kumona kuila a dibhange jinguma kua Davidi. Hanume-phe ni ana a Amone atumikisa midi ia jitalendu ja phalata phala kufutila makalu ni akua kumondala, ku Mesopotâmia, ni ku Sídia dia Mahaka ni ku Zoba.

Ejidala 6:2

Ku tula mu Akemeta, mu dizemba diala mu sengu ia Mediia, a sange-mu dilanda diòʼuinge, o ku dilanda kuʼòsoneke dilembalesu diambe kiki:

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 21:2

Kisunji kiaiibha kia ngi londekeza; mukua-ufe u bhanga o ufe uene, o mubuikixi uenda ni ku buikisa; banda, eie Elame, konda kuene kuoso, eie Mediia, kuma mikemu iê nga i bhuisaku kiá.

Daniiele 5:28

PERES: Utuminu ué a u uanena akua Mediia ni akua Pelesa.

Daniiele 8:2

Mu kisuma nga muene (kuná kala ngala mu mbonge ia Suzane, mu sengo ia Elame) nga muene, mu kisuma, kala ngala ku ndundu ia honga ia Ulai.

Daniiele 8:20

Kilumbe kia mbudi ki ua mueneʼokio, ni mbinga jê jiiadi, ene o jisobha ja Mediia ni ja Pélesa.

Jipoxolo 16:6

Ene anga a bhita mʼ oxi ia Filija, ni mu Ngalata, Nzumbi Ikôla anga u a kidika kulonga maka mu Ázia.

Jipoxolo 18:2

Anga u sanga-mu Judé dijina diê Akuila, mukua bhata diê ku Pontu, kindala kia tundu ku Italia, ni mukajiʼê Pidisila. Ene koko a tundu-ku, mukonda Kaláudio ua kexi mu tumina mu Loma, ua tumu kukaiesa o Jijudé joso a kexi mu Loma.

Jipoxolo 19:10

Kienʼiki anga u ki jijila mu mivu iiadi, katé ene oso a tungu mu Azia ki evu o Maka ma Ngana, ni Jijudé, ni ió ka tokala mu muiji ua Jijudé.

Jipoxolo 19:27

O ki tualʼ iki-phe, se ki tu dimuka, ni ufunu uetu uene uanda kudibota! Ki bhene-phe ngó bhu ki suka! Ni Tembulu iene ia kiteka kia dikota kia muhatu Diiana, anda ku i kita kingoho, katé ni muene Diiana, ene ku mu bheza kuala Azia ioso, ni athu oso mu ngongo, hinu a mu katula o kijingu.

Jipoxolo 19:31

Sai ue ni makamba mê, makota ma athu mu Azia, a tuma ku mu dionda kuila ka bhange iluezu ia kubokona mu tiiatulo.

Jipoxolo 2:8

Tuala mu kuivua-phe kiebhi, iú mu dimi diê, iú mu dimi diê dioso dia mu vuala na-diu?

Jipoxolo 20:16

Kuma Phaulu ua solo kusomboloka, nguê kuimana mu Efezo, mbe kuiengesa kubhanga thembu iavulu mu Azia. Mukonda uala ni lusolo, mbata uandalele se u ki tena, kizuua kia Pendekoxi ki mu bhitila mu Jeluzaleme.

Jipoxolo 20:18

Ene kia zubha kuiza, Phaulu ua ambela, uixi: Enʼuenu mua kʼijiia, tunde kizuua ki nga dianga kudiota mu Azia, kioso ki ene o uendelu uami mu ʼaxaxe kenu.

Jipoxolo 20:4

Enʼiâ anga a mu xinjikila katé ku Azia, Sopata mukua Beleia monʼ a Pilu; ku akua Tesalonika, Aristarko ni Sekundo; ni Ngaio mukua Derbe, ni Timote; o ku akua Azia, Tixiko ni Tolofimo.

Jipoxolo 21:27

Ki kua kambele ngoho phala kuzubha o sambuadi dia izuua ia kudibônza, Jijudé ja akua Azia kia mono Phaulu mu Tembulu, a salumuna mundu, hé a mu kuata ni kukola,

Jipoxolo 24:18

O ki nga kexile mu kubhanga kiki, kuila nga zubha kiá o kikalakalu kia kudibonza, Jijudé jimoxi-mu kiene kia ngi sangele mu Tembulu. Maji ki nga di bande ni mundu uavulu, ki ngi kuata ue mvunda ioso-ioso.

Jipoxolo 27:2

Anga tu di longa mu naviiu ia Ndalamito ianda kuia ku matabhu a kibumu kia Azia. Bheniobho anga tu katuka. Aristarko mukua mbonge ia Tesalonika ku Masedonia, hé u kala ue ni etu.

Jipoxolo 6:9

Anga ku kala-phe athu amukuâ a mu lungulukila. Eniá, akua Dilombe dia Jifôlo a tokala ku inzu ia kexi mu sambela o Jijudé ja tundile ku jimbonge ja Silene ni Xandeliia. Eniá-phe kumoxi ni Jijudé ja mukuâ ja tundile ku jimbandu ja Silisia ni ja Azia, a kuata kulua phata; ni Xitevá.

Jipoxolo 7:2

Kuala Xitevá: Enu jiphange mu akuetu, ni enu mu jitata, ivenu: O Nzambi ia fuma, ua tukulukidile kukululuʼetu Mbalahamu, kia kexile mu Mezopotâmia, kuila kiluua a tunga mu Halane.

Loma 16:5

Menekenenu ue o Ngeleja iene kubhongolokela mʼ onzo iâ. Menekenenu Epêneto, mukua kazola kami, muene o kibundu kia dianga mu ku ki bhakuila Kristu mu Azia.

I Kolindo 16:19

Jingeleja jala ku Azia ja mi menekena. Akuila ni Pidisila, ni Ngeleja iene kudibhongolola mʼ onzo iâ, a mi menekena kiavulu mua Ngana.

II Kolindo 1:8

Kuma ki tua mi mesena, jiphange, kuila mu kamba kuijiia o hadi ioso i tua tale mu Azia. Kuma o hadi i tua bhiti na-iu ia tu xinine koko, ia vudile kinéne, ni kinemenu kiê kia vudile ue, katé ki tua di fikile dingi kuila tu tunda-ku ni kukola muenhu.

Matendelelu 23:4

Mbata o ki mua tundile ku Ijito, ene a ditunine ku mi kauidila mu njila ni mbolo ni menha; ni mukonda ue dia kulukala Balamu, monʼa Beole ku Petole ia Mezopotamiia, phala ku mi ta mázui.

II Timote 1:15

Eʼmuène kiki ua kiʼijiia kiambote, kuma ene oso akua Azia a ngi bhana dikunda, a ngʼehelela, katé kiá ni Fijelo ni Helemojene.

I Phetele 1:1

Eme Phetele, Poxolo ia Jezú Kristu, nga sonekena asonhi a muanganena mu jixi ja Ponto, Ngalásia, Kapadósia, Ázia, ni Bitinia.

Dijingunuinu 1:11

dixi: Ioso i u mona, soneka-iu mu divulu, u di tumikise ku sambuadi dia Ngeleja jala mu jimbonge ku Efezo, ni ku Sumina, ni ku Pelengamo, ni ku Tiiatila, ni ku Salade, ni ku Filadelefia, ni ku Laodiseia.

Dijingunuinu 1:4

Eme Nzuá, nga sonekena sambuadi dia ngeleja jala mu Azia: O kiadi kikale kienu, ni paze i tunda kua Nzambi ua kexile-ku, kiki iu-ué, ni hádia muène ua kala-ku, ni ku sambuadi dia nzumbi jene bhu kiandu kiê,

Afundixi 3:8

Mukonda dia kiki, njinda ia Jihova i uama ku thandu dia Izalaiele, anga u a sumbisa bhu lukuaku lua Kuxane-Lesataime muenexi ku Mezopotâmia; anʼa Izalaiele anga a bhikila Kuxane-Lesataime mu nake dia muvu.