Jipoxolo 2:7 - O Mikanda Ikola

⁷ Ene oso anga a bhana mu kanu, a diuana, exi: Talenu, o iá ki akua Ngalileia oso ala kuzuela?

Jipoxolo 2:7 ပူးပေါင်းရင်းမြစ်များ

Matesu 21:11

Kuala mundu, exi: Muène polofeta, Jezú mukua Nazalé ku Ngalileia.

Matesu 26:73

Kubhanga kithangana, athu emana bhenhobho eza kua Phetele, exi: Kidi kiene, eie ua tokala-nâ, kuma o mbimbi iê ia ku tukulula!

Matesu 8:10

Jezú kia zubha ku kʼ ivua, ua diuana, anga u ambela iá oso a mu kaiela, uixi: Kidi kiene, kuxikana kala kiki, ki nga ku sange luua, né mu Izalaiele!

Marku 1:27

Ene oso anga a diuana, a kuata ku dibhudisa mudia, exi: Kueza-hi? Ulongelu uengi, kuambe! Muene u tumina ni ungana, kate ni jinzumbi jaxidi ji mu tumaka.

Marku 2:12

Muéne anga u balumuka, kithanganʼokio, u zangula muanza, anga u tubhuka bhu pholo ia ene oso. Ene oso anga a diuana, hé a ximana Nzambi, exi: Kienhiki kiluua tu ki mona.

Nzuá 7:52

Ene a mu vutuila, exi: Eie ue, u mukua Ngalileia? Tongolola kiambote mu Mikanda Ikôla, u mone kuma mu Ngalileia ki muene kutunda polofeta. [

Jipoxolo 1:11

Exi: Enu mu akua Ngalieleia, mu emanena-hi ni kutala bhulu? Jezú imoxi iíi, ua kexile ni enu, ia a mi tambula-nê ku diulu, hinu uà kèza dingi uila ki mua mu mono kuia ku diuluʼ iki.

Jipoxolo 2:12

Ene oso anga a diuana, a kuata phata mudiâ, kuma ni kia kuxinganeka ka ki mono, hé a di ambela mudiâ, exi: O ima iosuʼ iíi, ia lombolola kiebhi?

Jipoxolo 2:8

Tuala mu kuivua-phe kiebhi, iú mu dimi diê, iú mu dimi diê dioso dia mu vuala na-diu?

Jipoxolo 3:10

O kioso kia mu tongolola kuma muène ua kexile kuxikamena jimola bhu Muelu Uauabha ua Tembulu, a sasumuka kiavulu, hé a kala mu kudiuana o kisumua kia bhiti na-kiu.