Jipoxolo 2:5 - O Mikanda Ikola

⁵ Kienhókio mu Jeluzaleme mua tula Jijudé, akua ujitu ua Nzambi a tundu mu jixi joso bhoxiʼ a diulu.

Jipoxolo 2:5 ပူးပေါင်းရင်းမြစ်များ

Makatukilu 23:16

Ni kizokola kia idima ia dianga, kia ibundu ia kutomona, kioso ki mu mateka kudia-ku ku muanu uenu ua kudima mu díbhia; ni kizokola kia kumuna idima ki batuka o muvu, kioso ki mu zubha ku bhongoluela ku bhata o ima ioso ia tundu mu kukalakala kuenu ku mábhia.

Izaía 66:18

Mbata o ima iâ ia bhanga nga ʼijiia, katé ni ixinganeku iâ! Thembu ii iza-bhu, nga-nda kubhongolola miji ioso ni madimi; a-nda kuiza, anga a mona kijingo kiami.

Zakadiia 8:18

Kizuelu kia Jihova dia Ilombo Ieta anga kiza kokuami, kuamba:

Matesu 24:14

O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Luka 17:24

Mukonda, kala o nzaji ki i telaka ku mbandu imoxi ia diulu, hé itajima katé ku mbandu iamukuá ia diulu, kiene ue kia kà kala Monʼ a Muthu mu kizuua kiê.

Luka 2:25

Kiki ku kala mu Jeluzaleme diiala diexana Ximinhá. Muenió muthu ua mbote, ua zola Nzambi; ua kexile ue mù kinga Kibhamuenhu kia Izalaiele, ni Nzumbi Ikôla ia mu tula ku thandu diê.

Luka 24:18

Mukuá dijina diê Keleiofa, u mu kumbulula, uixi: Kífua eie-muène ngó ubheka ué, ua-lu nhungana mu Jeluzaleme, ua kambe o kuijiia ima ia bhitila-mu mu izuua ienhiíʼii?

Nzuá 12:20

Mu ʼaxaxe ka athu a bande mu Jeluzaleme ku fesa mu kubheza, mu kala ue ni Jingeleku.

Jipoxolo 10:2

Muène mubhezi, muthu ua ujitu, u xila Nzambi ni dibhata diê dioso. Mukua kubhana jimola javulu mu kukuatekesa o Jijudé, oso ala jingadiama, ni kusambela jinga Nzambi.

Jipoxolo 10:7

Kia zubha anju ia mu zuelesa kutunda-bhu, muène uexana mala aiadi ku akua mbele, ni disoladi dimoxi. O disoladi iú, mubhezi, muthu ua ujitu kua ió ala ku mu sedivila jinga.

Jipoxolo 13:50

Jijudé-phe ji funhisa ahatu a jingana, ene kubhezanâ, ni adiakime a makota mu mbonge, hé a kuata kuzukutisa Phaulu ni Barnabé, anga a a kaiesa mu mbambe jâ.

Jipoxolo 2:1

Kizuua kia Pendekoxi ki kia zubhile kubhiẋila, ene oso a kala bhu kididi kimoxi ni muẋima umoxi.

Jipoxolo 22:12

Mueniomo mua kexile muthu, dijina diê Ananiia. Muenʼiiú mubhezi, mukua kuxila o Kitumu, a mu tumbula kuala Jijudé joso ja tungu mueniomo.

Jipoxolo 8:2

Ku kala athu a ujitu a fûnda Xitevá, a dila jingololo mukonda dia kufua kuê.

Jipoxolo 8:27

Muene u di iudika, anga u katuka mu kuenda. Kuenioko u sanga-phe muthu, mukua Etiiopia, Ngolambole ia Kandase, sobha ia Etiiopia ia muhatu, ua tambula konda ia jimbongo jê joso. Muenʼiú uendele mu Jeluzaleme mu kubheza Nzambi; O kiki uala mu kualuka kʼoxi iê.

Matendelelu 2:25

Tunde lelu dienhidi nga-nda kuandeka kuta kimbuua ni uoma ué ku thandu dia mundu uoso bhoxʼabha; oso kiá a ku ivua o fuma, enda ni kuteketa bhu pholo ié a bhondalala ni uoma, mukonda dié-eie.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.