Jipoxolo 2:47 - O Mikanda Ikola

⁴⁷ Mu ioso a kala mu ximana Nzambi, o mundu uene uoso u a tumbula. Ngana anga u kala mù bandekeza izuua ioso e kibuka kia ió oso ala kuenda ni kubhuluka.

Jipoxolo 2:47 ပူးပေါင်းရင်းမြစ်များ

Luka 19:48

Maji ka mono kioso kia ki bhanga, mukonda o mundu uoso a mu nhenganana ni ku mu ívua.

Luka 2:52

Jezú anga u kala mù kula mu kitala ni mu kuvula o kuijiia, o mu ima ioso anga enda ni ku mu uabhela kuala Nzambi ni athu.

Jipoxolo 11:21

O lukuaku lua Ngana anga lu kala-nâ, athu avulu hé a xikana, anga a biluka kua Ngana.

Jipoxolo 11:24

Kuma o Barnabé muene muthu ua mbote uezala Nzumbi Ikôla ni kuxikana. Anga ku di banda athu avulu kua Ngana.

Jipoxolo 13:48

Akuaʼ ʼxi jengi ki evu kiki, a kala ni ngalasa iavulu, hé a ximana o maka ma Nzambi. Oso-phe a a sola, a fuamena o muenhu ki uabhua, anga a xikana.

Jipoxolo 14:1

Anga kibhita dingi mu Ikônio, kala ki kia bhiti kua tundu. Kuma a bokona kiiadi kiâ mu dilombe dia Jijudé, o mu kutanga kuâ anga a bhangesa mundu uavulu ua Jijudé ni Jingeleku kuxikana.

Jipoxolo 14:21

O kia zubha kulonga o Maka Mambote mu mbongeʼ omo, ni kubhanga jixibulu javulu, a vutukila ku Listra, ni ku Ikônio, ni ku Andiioka dia Pizidia.

Jipoxolo 16:5

Kienʼiki jingeleja a ji kuatesa nguzu mu kuxikana kuâ, anga jenda ni kuvula dingi izuua ioso.

Jipoxolo 17:12

Mu kuila kiki, avulu-ku a xikana; ni ku ahatu a jingana ku Jingeleku, o mala ue kà tolo.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Jipoxolo 2:41

Bhenhobho-phe avulu a tambulula o njimbu ia Phetele, anga a a batizala. Ku iá a mu kaiela Jezú, anga ku di banda kua ene kizuua kienhokio, manhi mba midi jitatu ja mienhu ia athu.

Jipoxolo 4:21

Ene kia zubha ku a kusa dingi, a eha. Kuma ka bongo-bhu kikuma kia a bhela kaxtiku, mukonda dia uôma ua mundu. Mbata o kia bhangʼiki athu oso a mu ki ximanena Nzambi.

Jipoxolo 4:33

Jipoxolo anga a bhana ni kutena kuavulu umbangi uâ ua kufukunuka kua Ngana Jezú. Anga kukala kiadi kiavulu kia Nzambi ku thandu dia ene oso.

Jipoxolo 4:4

Ku athu evu o maka-phe, ku kala avulu a xikana. O mundu ua ia a xikana, anga u tena konda ia midi jitanu.

Jipoxolo 6:1

Ki bhua bhiti izuua-phe, o mundu ua jixibulu ja Jezú anga a sokoloka dingi kiavulu. Kienʼiki o Jijudé ja xikana Jezú, ió a kexi mu zuela o mbimbi ia Ngeleku, a kuata kulongolola o Jijudé ja kexi mu zuela o dizui dia Jihebaleu, mukonda akua mbimbi ia Ngeleku a kexi mu kuamba kuma o atudiʼâ, ala ku a jimba mu kuuana, iâ a mu emina, kia mu bhana o kudia izuua ioso.

Jipoxolo 6:7

Kienʼiki maka ma Nzambi anga ma kuata ku sambuka. O mundu ua jixibulu hé u sokoloka kiavulu mu Jeluzaleme. Ku kala ue ni kibuka kia dikota kia jinganga a xikana kutumaka kixikanuʼiki.

Jipoxolo 9:31

Uila kiki o Ngeleja mu Judeia, ni mu Ngalileia, ni mu Samádia, anga i kala ku paze, i di tunga; i enda mu uôma ua Ngana, ni mu kutululuka kua Nzumbi Ikôla, anga i sokoloka.

Jipoxolo 9:35

Bhenhobho oso a tungu mu Lida, ni mu Salone, kia mono kiki, a biluka kua Ngana.

Loma 14:18

Kuma uoso u bhikila Kristu kala kiki, Nzambi u mu uabhela, o athu a mu ximana kuila mukua ujitu.

Loma 8:30

Kala kiki, Nzambi oso ua a tungula ukulu, uedi ue ni ku a exana. O oso ua exana, uedi ni ku a lungisa, iú ua a xikina. Muène-phe ka a xikina ngó, maji ua a bhana ue kukala ni mbandu ku fuma iê.

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

I Kolindo 1:18

Kuma o maka ma kufua kua Kristu ku dikulusu, phala athu ala mu ku texika, kiedi kala uoua; maji phala etu-phe tuala mù bhuluka, ene o nguzu ia Nzambi.