Jipoxolo 2:4 - O Mikanda Ikola

⁴ Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Jipoxolo 2:4 ပူးပေါင်းရင်းမြစ်များ

II Samuuele 23:2

Nzumbi ia Jihova ua zuelela moxi diami, maka mê ma ngi tula bhu dimi.

Izaía 28:11

Mukonda dia kiki, o mundu iú muene ua-nda ku u tela maka ma tunda ku mizumbu ia athu engi, ni ku akua madimi engi.

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Jelemiia 6:11

Mu kiki ngezala ni njinda ia Jihova; nga bhuila kiá, ki nga tena dingi ku i fudisa: ngi i lunduluila mu nzunga, ku thandu dia tumbonga ni bhu mabhongolokelu a minzangala bhuamoxi; kuma katé ni diiala ni mukajiʼê a kà a kuta, ni ua kuka kumoxi ni ió uezala ndumba dia izuua.

Izekiiele 3:11

Zangula-phe, uie ku jihutile, ku ana muiji ué, kixi evua, kixi a kamba kuívua, ua kà a zuelele ni ku a tangela, kuamba: O Jihova, Nzambi, uambe kiki:

Mikeia 3:8

Maji eme-phe, ni kidi kiene, ngi kala mu kuizala ni nguzu ia Nzumbi ia Ngana; ngezala ni kutetuluka mu kubatula milonga, ngezala ni kusuína kua kutangela Jakobo o kutondala kuê, ni Izalaiele o kituxi kiê.

Matesu 10:19

Enu-phe, kuila a mi kutu, ki mu kale ni hele kioso ki mu zuela, mba hundu ioso i mu kuata, mukonda bhu kumbi dienhódio, Nzambi kiene kia kà mi bhana kioso ki mu zuela.

Marku 16:17

Ijimbuete iíi kaiela io oso a xikana: Mu dijina diami, a ka tundisa madimonho, a ka zuela ni madimi mengi;

Luka 1:15

Mukonda muène u kala kota dia muthu bhu pholo ia Ngana, ka kà nua vinhu, mba kúnua kuoso-kuoso ku kodiuisa; hé uizala-phe ni Nzumbi Ikôla, tunde kiá mu divumu dia mamʼá.

Luka 1:41

Bhenhobho Nzebele ki evu umenekenu ua Madiia, monʼê mu mala ua tuka. Nzebele anga uizala ni Nzumbi Ikôla.

Luka 1:67

Zakadiia, dia Tatʼâ, anga uizala ni Nzumbi Ikôla, hé u kala mù zambula uixi:

Luka 12:12

Mukonda o Nzumbi Ikôla, muène u mi longa kumbi dienhódio, kioso ki mua fuama kuzuela.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Luka 4:1

Jezú, uezala ni Nzumbi Ikôla, u tunda ku Njolodá, anga a mu bheka kuala Nzumbi mu mikáu ia hatu.

Nzuá 14:26

Maji o Mukuatekexi ió-phe, muène muène Nzumbi Ikôla, a-ndu mu tumikisa kuala Tata mu dijina diami, muène u mi longa ima ioso, hé u mi lembalesa ima ioso i nga mi ambela.

Nzuá 20:22

O kia zuela kiki, u bhusa ku thandu diâ, uixi: Tambulenu o Nzumbi Ikôla!

Jipoxolo 1:5

Kuma Nzuá ua mi batizala ni menha, maji enu-phe anda ku mi batizala ni Nzumbi Ikôla, mu izuua muenhumu.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 10:46

Kuma ene a evu kuzuela ni madimi mengi, ni kujingisa unene ua Nzambi. Phetele anga u kumbulula, uixi:

Jipoxolo 10:47

Manhi bhuala muthu u tena kukidika menha ma kubatizala iá a tambula ue o Nzumbi Ikôla mukuâ ni etu-ene?

Jipoxolo 11:15

O ki nga kuata o kuzuela, Nzumbi Ikôla ua tuluka ku thandu diâ, uila kia diangele kutuluka ku thandu dietu.

Jipoxolo 11:24

Kuma o Barnabé muene muthu ua mbote uezala Nzumbi Ikôla ni kuxikana. Anga ku di banda athu avulu kua Ngana.

Jipoxolo 13:52

Maji o jixibulu-phe mu Andiioka jezala ni ngalasa iavulu ni Nzumbi Ikôla.

Jipoxolo 13:9

Saúlu-phe, a mu ixana ue Phaulu, uezala ni Nzumbi Ikôla anga u mu toka mesu,

Jipoxolo 15:8

O Nzambi uejiia o muẋima ua ene-oso, mu ku a bhana o Nzumbi Ikôla, kiene kimoxi ni kia tu bhana etu, uedikiza kuila u xikina ue katé ni ió ka tokala mu muiji ua Jijudé.

Jipoxolo 19:6

O Phaulu kia a tula o maku mê ku thandu, Nzumbi Ikôla ua a tulukila ene oso. Anga a kuata kutanga madimi mengi, hé a kala ue ni uanji ua kulombolola o Maka ma Nzambi.

Jipoxolo 2:11

Ni akua Keleta, ni akua Alábia, etu ene oso tuevu mu madimi metu o ima ia makota ia Nzambi!

Jipoxolo 2:3

Kua a tukulukila ni madimi ma di uanununa kala túbhia tuala kulekujuka, kala muthu kua mu tula o diê ku thandu, ene oso a sokelá-ku.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Jipoxolo 4:8

Bhenhobho Phetele uezala ni Nzumbi Ikôla, uixi: Enu mu afundixi, ni adiakime ku mundu!

Jipoxolo 6:3

Tungulenu-phe, akuetu, mudienu, sambuadi dia muthu, oso a a tumbula kuala akuâ, ezala ni Nzumbi Ikôla, ni unjimu, phala tu a bhane o kutambula konda ia sedivisu iii.

Jipoxolo 6:5

Hundu iii ia jipoxolo anga i uabhela mundu uoso. Anga a sola Xitevá, muthu uezala ni kuxikana, ni Nzumbi Ikôla. Anga a sola ue ni Felipe, ni Polokolo, ni Nikanolo, ni Timono, ni Palameno, ni Nikulá, mulungi, mukua Andiioka. Iú sumbala ki judé, maji ua kaiela jinga o ubhezelu ua Jijudé.

Jipoxolo 6:8

Xitevá anga u kala muthu a mu zediuisa kua Nzambi, hé uizala ni kutena. Muene hé u kala mu bhanga madiuanu ni isumua ia makota mu ʼaxaxe ka mundu.

Jipoxolo 7:55

Maji muène-phe uezala ni Nzumbi Ikôla, u tonginina mu diulu anga u mona o kubenha kua Nzambi. Ua mono ue ni Jezú uemana ku madilu ma Nzambi.

Jipoxolo 8:17

Anga o Phetele ni Nzuá a tula maku ku thanduʼ a mitue iâ, ene anga a tambula o Nzumbi Ikôla.

Jipoxolo 9:17

Ananiia anga u katuka, hé u bokona mʼonzo ia Juda, o kia tula maku ku thandu dia Saúlu, uixi: Phangeʼ ami Saúlu, o Ngana ietu Jezú ua ku tukulukila mu njila ia Damásku mu uejiia, muène ua ngi tumu ku ku tonesa o mesu, phala uende ni kumona dingi luamukuâ, u izale ue ni Nzumbi Ikôla.

Loma 15:13

O kiki Nzambi mukua ku tu bhana o kudielela, a mʼ izalese ni ngalasa ni paze, mu kuxikana ku mua mu xikana Muène, phala o kudielela kuenu kuende ni kukula dingi mu nguzu ia Nzumbi Ikôla.

I Kolindo 12:10

Sai ni iú Nzumbi Ikôla i mu bhana kutena kua kubhanga isumua; sai ni iú a mu bhana uanji ua kutala o Maka ma Nzambi. Sai ni iú a mu bhana o kutena kua kuijiia kutungula o uhete u tunda kua Nzumbi Ikôla, ni iú ki u tundu kua Muene. Sai iú a mu bhana kutena kua kuvula jimbimbi jengi ja kuzuela; sai iú a mu bhana o kutena kua kulombolola o jimbimbi jengi jenʼ iji.

I Kolindo 13:1

Eme né-mbe ngi zuela jimbimbi ja athu, katé ni ja ji-anju, maji ngi kamba o henda, ioso i ngi zuela, nga di bhange ngi utadi u bhana mutendu, ngi ngoma ia ngondo i ngulungunda.

I Kolindo 13:8

O henda ki ia kà bhua. Né-mbe kukala mizambu ia jipolofeta, sai ia kà bhingana, kuma ki i nange kubhita. Némbe kukala uhete ua kuzuela jimbimbi, sai bhu ja kà suka. Né-mbe kukala kuijiia, kua kà jimuka ue nzaká!

I Kolindo 14:18

Eme nga mu sakidila Nzambi, kuma eme nga mi tundu enu oso, mu kuzuela ni jimbimbi jengi.

I Kolindo 14:5

Nginda-phe kuila, enu oso mu zuelela mu jimbimbi jengi, maji inda kotakota dingi nga mesena mu kala ni uhete ua kutanga o Maka ma Nzambi. Kuma uoso u tanga o Maka ma Nzambi uala kota, o u zuela ni jimbimbi jengi ndenge, kuma ki bhinga bhu kala muthu u tena kulombolola ioso ia mu zuela, phala o Ngeleja ioso nʼ a i kuatekese mu nzumbi.

Efezo 3:19

ni kuijiia o henda ia Kristu ia tundu o kuijiia kuoso, ni mu kale ni kuizala ni kuizala kuoso kua Nzambi.

Efezo 5:18

Kana kukodiua ni vinhu, mukonda i mi bhekela kutexika. Kota mu izale ni Nzumbi ia Nzambi.

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

II Phetele 1:21

Mbata nuka kukala muzambu ua polofeta uijiia ku vondadi ia muthu. Maji athu a zuela jinga mu kutula o Njimbu i tunda kua Nzambi kala kioso kia a tuma jinga kuzuela kuala o Nzumbi Ikôla.

I Samuuele 1:14

Eli anga u mu ambela, uixi: Mbambe bhebhi, eie bhu ua-nda kusuka ni kukodiua? Vinhu ié tula-iu. I ku bhue kiá ku mesu.

I Samuuele 10:10

O kia bhixila bhu kalundu, kibuka kia jipolofeta kiki, anga u takana na-kiu; Nzumbi ia Nzambi anga uiza ni nguzu ku thandu diê, muene hé u kala mu zuela ni uanji ua upolofeta muʼaxaxi kâ.