Jipoxolo 2:30 - O Mikanda Ikola

³⁰ Muène-phe kuma ua kexi polofeta, uejidile kuma Nzambi ua mu lokela kuila ku mbutu ia malômbo mê, hádia kukala muthu ua kà xikama ku kialu kiê kia ungana.

Jipoxolo 2:30 ပူးပေါင်းရင်းမြစ်များ

II Samuuele 23:2

Nzumbi ia Jihova ua zuelela moxi diami, maka mê ma ngi tula bhu dimi.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Jelemiia 30:9

maji a kà bhikila Jihova, Nzambi iâ, ni Davidi, sobha iâ, nga-nda ku a balumuina-nê.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Matesu 22:43

Kuala muène: Davidi-phe mu Nzumbi ua mu edi kiebhi, Ngana, kuma uixi:

Matesu 27:35

Kia zubha ku mu phaphela ku dikulusu, a uana izuatu iê ni ku i tela jisorte, phala kubhitisa o maka ma soneka polofeta, uixi: A uana mudiá o izuatu iami, divunga diami a di tela jisorte.

Marku 12:36

Se o Davidi muene, kia mu funhisa o Nzumbi Ikola, ua soneka uixi: Ngana u ambela Ngana iami; Xikama ku madilu mami, kate ki ngi ku bhanga o jinguma ji kala bangu iê ia inama.

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Jipoxolo 1:16

Enu akuetu mu jiphange, o maka mòsoneke mu Mikanda Ikôla ma tokalele kubhita, moso ma zuelele Nzumbi Ikôla mʼokulu ku dikanu dia Davidi, ma tokala kua Juda, mukonda muène ua tuamenene ió oso a kutile Jezú.

Loma 1:3

Iene ia mu tanga o Monʼ a Nzambi, ngana ietu Jezú Kristu. Mu kidifua kia muthu, Muène ua tunda ku mbutu ia sobha Davidi.

Loma 15:12

O bhuamukuâ Izaia ue uixi: Hadia kuà keza muthu u tunda ku muiji ua Jese, muene ua kà zangalala mù tumina akua jixi jengi; o matumbu a kà mu dielela jinga muene.

II Timote 2:8

Lembalala kuma Jezú Kristu, ku mbutu ia Davidi, ua fukunuka ku madifundu, uila ki ngene kutanga mu Njimbu Iambote i ngene mu kuboka.

Jihebeleu 1:1

Nzambi, ua vudile jithembu ni jimoda ja kuzuelela o jitata jetu mʼ ukulu ku jipolofeta.

Jihebeleu 3:7

Uila kiki, ki ambe o Nzumbi Ikôla: Lelu se mu ivua dizui dia Nzambi,

Jihebeleu 4:7

Mukonda dia kienʼ iki, Nzambi ua solo dingi kizuua, ki exana lelu. Muène ua zuela kiki, ku pholo kunu mua Davidi, ki kua bhiti kiá mivu iavulu, mu verso ia Mikanda Ikôla i tua tange: Lelu se mu ivua dizui diê, kana kukola muẋima.

Jihebeleu 6:17

Uila kiki, Nzambi kia mesenene o ibhinganu ia polomesa iê u a zubha phata, kuila o kizuelu, kiê ki kiene dingi kulueza, ua bhitisa-bhu muloko. Mukonda dia kiki, ku thandu dia muloko, ua bhana o polomesa.

Jihebeleu 7:21

Maji Ngana Jezú ua di bhange nganga kioso Nzambi kia mu ambela, uixi: O Ngana ua loka, ka tena kualuluka; eie uanda kukala u nganga i xalela-ku.

II Phetele 1:21

Mbata nuka kukala muzambu ua polofeta uijiia ku vondadi ia muthu. Maji athu a zuela jinga mu kutula o Njimbu i tunda kua Nzambi kala kioso kia a tuma jinga kuzuela kuala o Nzumbi Ikôla.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.