Jipoxolo 2:3 - O Mikanda Ikola

³ Kua a tukulukila ni madimi ma di uanununa kala túbhia tuala kulekujuka, kala muthu kua mu tula o diê ku thandu, ene oso a sokelá-ku.

Jipoxolo 2:3 ပူးပေါင်းရင်းမြစ်များ

Dimatekenu 11:6

Ngana anga u zuela, uixi: Talesa, athu a di bande mu kifuẋi kimoxi ngó, dimi diâ diene dimoxi; ia a kuata kiá kubhanga kiki; kana kima kia-nda ku a fudisa mu ima ioso ia mesena kubhanga.

Jisálamu 55:9

A muange, Ngana, u juualese madimi mâ; kuma mu mbongeʼumu nga mono-mo kusuína kuavulu, ni ku di kuata-kuata jimvunda.

Izaía 6:5

Bheneʼobho ngixi-phe: Kokolo diami! Eme ngafu-ó! Mukonda ngi muthu nga xidi mu kanu, eme nga tunga muʼaxaxi ka mundu ua kasana o dikanu, o mesu mami ia a mono Muenexi, Jihova dia Ilômbo Ieta!

Jelemiia 23:29

Jihova ua ki tange, uixi: O maka mami manhi kasoko ni túbhia, kʼedi kala malatelu i sasujula ditadi?

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Matesu 3:15

Jezú-phe u mu vutuila, uixi: Ngehele hanji kiosuʼiki; kuma kiene kia tu fuama kubhanga, mu ku kumbidila ioso iaiuka. Bhenhobho Nzuá ua mu ehela.

Luka 24:32

Anga a di ambela mudiâ, exi: Manhi kiene o miẋima ki ia kexile mu ku tu lema moxi, muène kia kexi ku tu zuelesa mu njila, ni ku tu jimbuila o maka mòsoneke mu Mikanda ia Ngana?!

Jipoxolo 1:15

Ki bhua bhiti tu-izuua, a bhongoloka bhu kionge, o mundu uene uala hama ia muthu ni makuinhi aiadi, Phetele anga u imana mu kaxi ka jixibulu, uixi:

Jipoxolo 2:11

Ni akua Keleta, ni akua Alábia, etu ene oso tuevu mu madimi metu o ima ia makota ia Nzambi!

Jipoxolo 2:2

Anga a tukumuka ku diulu kua dʼivisa kala kitembu kiasuina kiala mu tuluka ni kuona, anga kʼ izalesa onzo ioso mua xikama.

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

I Kolindo 12:10

Sai ni iú Nzumbi Ikôla i mu bhana kutena kua kubhanga isumua; sai ni iú a mu bhana uanji ua kutala o Maka ma Nzambi. Sai ni iú a mu bhana o kutena kua kuijiia kutungula o uhete u tunda kua Nzumbi Ikôla, ni iú ki u tundu kua Muene. Sai iú a mu bhana kutena kua kuvula jimbimbi jengi ja kuzuela; sai iú a mu bhana o kutena kua kulombolola o jimbimbi jengi jenʼ iji.

Tiiaku 3:6

O dimi, tubhia. Diene ubheka uê, diala ni nzungule ia usuéia! Dia tambula kididi mu idiandu ietu ioso, hé di kasanesa o mukutu uetu uoso, o dimi dienhidi! Dia di bhange mukuâ ni tubhia tua mu tunda mu infernu, diene di ta o mukutu uetu uoso mu mulengu.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

Dijingunuinu 14:6

Anga ngi mona anju iamukua ia mu bhita bhulu, ia di lèka, o bhu ala kubhitila, uasu o mbambe ni diulu. Uambata o jingolokela ji xalelà-ku ja Njimbu Iambote, phala ku ji kolela athu oso a tungu mu ngongo, ku ifuẋi ioso, ni miji ioso, ni madimi, ni madiembu.