Jipoxolo 2:23 - O Mikanda Ikola

²³ muenʼió, mu kuijiia kua Nzambi ni kikutu kiê ki a ta jinga mʼokulu, mua mu bhakuile enʼuenu bhu maku ma iiala iabhumu, mua mu phaphelesa ku dikulusu, mua mu jibha.

Jipoxolo 2:23 ပူးပေါင်းရင်းမြစ်များ

Dimatekenu 50:20

Enu muambele muene ku ngi bhanga phulu; Nzambi-phe ua ki lungulula ki kia di bhange mbote; Muene ua ki bhitisa kiengi kala ki mua ki mono kizuua kia lelu, phala ku bhulula mienhu ia ndumba.

Jisálamu 76:10

Mbata ni kidi kiene, eie o njinda ia muthu i biluka diximanu dié; o ia subhuka-bhu eie u i sukika.

Izaía 37:26

Nzambi phe, uixi: Manhi kua kʼivu kuila nga bhange kiki mʼukulu hanji uila kiluua kʼiza-bhu, tunde mu izuua ia xahulu eme nga ki xinda kiá? Kiki-phe, nga ki kumbidila, phala eie u buikise jimbonge ja di-fikidila, nda u ji bhange maxita.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Matesu 20:19

Ene a kà mu êlesa phala ku mu jibha; a kà mu bhana ku matumbu ku mu bhanga kasekelu, ni ku mu bunda ni kibetu, ni ku mu phaphela ku dikulusu. Maji mu kizuua kia katatu-phe ua kà fukunuka.

Matesu 26:24

Monʼa Muthu iú uia mu kúfua, kala kia mu soneka mu Mikanda Ikôla. Muthu ió-phe kokolo diê, ua-nda kuthelekala Monʼa Muthu! Kimuua, muenhó se ka mu vualele!

Matesu 27:35

Kia zubha ku mu phaphela ku dikulusu, a uana izuatu iê ni ku i tela jisorte, phala kubhitisa o maka ma soneka polofeta, uixi: A uana mudiá o izuatu iami, divunga diami a di tela jisorte.

Marku 15:24

Anga a mu batela ku dikulusu, a uana izuatu ie ni ku i tela jisorte, kala muthu nʼa mone kioso kia tambula-bhu.

Luka 22:22

Kuma o Monʼ a Muthu iu uʼió mu kúfua kala kia mu lekelela Nzambi. Muthu ió-phe lamba diê, uoso ua-ndu mu bhana ku jinguma!

Luka 22:37

Mukonda ngi mi ambela, kima kiosonekeʼ okio mu Mikanda Ikôla, kia bhingi ki bhita muene, kuma exi: Muène a mu bundu kumoxi ni ingumba. Eme-phe, ngi mi ambela kuma, ima ioso iíi ia bhingi ngi bhita na-iu, mbata iene ioso ia ngi tokala, iòsoneke, ia-nda ku di kumbidila.

Luka 23:33

Kia bhixila bhu kididi a kixana Kibholongonho, bhene bhua mu phaphela ku dikulusu ni muène ni imbokoto, kimoxi ku madilu mê, o kiamukuá ku kiasu.

Luka 24:20

Ni kioso kia mu bhange o makota ma jinganga, ni jixefe jetu, a mu thelekala phala ku mu jibha, iá a mu phaphela ku dikulusu.

Nzuá 19:18

Bhenhobho anga a mu ta ku dikulusu. Anga a ta ue ku makulusu ni kiiadi kiamukuá, ku mbandu muthu, ku mbandu muthu, Jezú bhu ʼaxaxe.

Nzuá 19:24

Anga a di ambela mudiâ, exi: Ki tu i tandule. Inda tu ta jisorte, tu tale uoso u xala na-iu. A bhange kiki, mu kubhitisa o maka mòsoneke mu Mikanda ia Ngana, exi: A di uanena o izuatu iami, o divunga diami a di tela jisorte. Iene muène o ima ia bhange o masoladi.

Jipoxolo 13:27

Kuma ió a tungu mu Jeluzaleme ni afundixiʼâ ka tongoloka kuma Jezú muene o Mubhuludi. O maka ue ma jipolofeta ki ma a tetulukila, sumbala ene ku ma tanga izuua ioso mu jisabhalu. Maji né kieniokio, mu kuelêsa Jezú mizambu ia jipolofeta a i kumbidila, sè ku kʼ ijiia.

Jipoxolo 15:18

eme ngi Ngana, nga tumu kuijidisa imʼ iii tunde mʼ okulu.

Jipoxolo 2:36

Uila kiki, dibhata dioso dia Izalaiele di tume ku kʼ ijiia mu kidi, kuma Jezú imoxi iíi, mua mu tele ku dikulusu, Nzambi ua mu bhanga muène Ngana, muène Kristu.

Jipoxolo 3:18

Maji o Nzambi ima ioso-phe ia tanga mu kanu dia jipolofeta mʼ okulu, kuila o Kristu iê ua kà mona jiphaxi, muène ua i bhitisa kienʼiki.

Jipoxolo 4:28

Ene a di bhongolola phala nʼa bhange kioso o lúkuaku lué ni vondadi ié ia lekelela jinga kuma ki bhita.

Jipoxolo 5:28

Etu tua mi kidika kiavulu o kulonga mu dijina didi dia muthu iú. Talesa-phe, kioso ki mua bhange! Mu ezalesa Jeluzaleme ioso ni kulonga kuenu, enu mua mesena o kalunga ka muthu iú mu tu tula na-ku ku thandu dietu!

Jipoxolo 5:30

O Nzambi ia jitata jetu, ua fukununa Jezú, mua mu jibha enu ni ku mu nhenga ku muxi.

Jipoxolo 7:52

Polofeta kuẋi jitata jenu ja kambele ku mu zukutisa? Ene a jibha jinga o akunji a Nzambi, ió oso a tuamene kuidikiza mʼ ukulu kianda kuiza o Muthu Uaiuka. O Muène kiki enu mua mu bhakula, enu mua mu jibha; mu ijibhanganga iê.

Loma 2:12

Kuma oso ki Jijudé, o Kitumu kia Mozé kala na-kiu. Uila kiki, ene ate ituxi bhua kambe o Kitumu, iá a texika ue sé Kitumu. O Jijudé-phe jala ni Kitumu. Ene ate ituxi bhuala o Kitumu, o Kitumu kiene kia êlesa.

Loma 4:17

Kala ki ambe o Mikanda Ikôla, iexi: Eie nga ku bhange u tata ia ifuẋi iavulu. Kala kiki, o polomesa a i kuatesa kuala Nzambi, ió a mu xikana kuala Mbalahamu—Nzambi, mukua kuphaphumuna athu afu kiá, hé u bhangesa kukala ku muenhu o ima kiluua i kala-ku, anga i di bhanga muene.

I Tesalonika 2:15

Kuma o Jijudé edi ni kujibha Ngana Jezú, ni kujibha o jipolofeta jâ, ni ku tu kaiesa etu. Athu a kamba kuuabhela Nzambi, ia a di bhange jinguma ja mundu uoso.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

I Phetele 1:20

Muène kidi a mu sola kuala Nzambi mʼukulu munhá, oxi kiluua i kala ni dimatekenu diê, maji ua tukulukila kiá ku dizubhilu dia jithembu kunu, mukonda dia mulonga uenu.

I Phetele 2:8

O bhua mukuá Mikanda Ikôla, iexi: Didi diene o ditadi dianda kubhangesa athu kudibhukana, o ndànji ianda ku a bhangesa o kudibhala. Ene a di bhukana, mukonda o maka ka ma xikana, kienʼiki kia a xindile o vondadi ia Nzambi.

Juda 1:4

Kuma sai-ku athu a kambe o kuxikana, a mi zombela mudienu ni ku dʼimbikisa, ene tunde ukulu a a xindi o kuêla, athu abhumu, o kiadi kia Nzambi ietu a ki kitula uhabhu, o Mesene ietu imoxi, ni Ngana Jezú Kristu, a ditunu-nê.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.