Jipoxolo 2:22 - O Mikanda Ikola

²² Phetele uixi, dingi: Enu akua Izalaiele, tata, ivenu o makʼ ama: Jezú dia Nazalé muthu a mu jingisa mudienu kuala Nzambi ni ima ia kusuina, ni iphata, ni isumua, ia mu kalakesa Nzambi mu ʼaxaxe kenu, enʼuenu mua ʼijiienunu;

Jipoxolo 2:22 ပူးပေါင်းရင်းမြစ်များ

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Matesu 12:28

O ki kala-phe ngi kaia madimonho mu nguzu ia Nzumbi ia Nzambi, ijiienu-kiu-phe kuma Utuminu ua Nzambi ua mi tukulukila.

Matesu 2:23

Hé uiza, u tunga mu sanzala a ʼixana Nazalé phala ki bhite kia tangele polofeta, kuila a ka mu ixana kuma mukua Nazalé.

Matesu 9:8

O mundu-phe, kia ki mono, uôma u a kuata, anga a ximana Nzambi ua bhana athu o nguzu kala kiki.

Luka 11:20

O ki ki kala-phe eme nga tundisa madimonho mu mulembu ua Nzambi, kia kidi muene kuma Utuminu ua Nzambi ua mi tula.

Luka 18:37

Anga a mu ambela kuma Jezú dia Nazalé uala kubhita.

Luka 24:18

Mukuá dijina diê Keleiofa, u mu kumbulula, uixi: Kífua eie-muène ngó ubheka ué, ua-lu nhungana mu Jeluzaleme, ua kambe o kuijiia ima ia bhitila-mu mu izuua ienhiíʼii?

Nzuá 1:45

Felipe anga u sota Natanaiele, u mu ambela, uixi: Etu tua sange muthu ió a mu soneka kua Mozé mu divulu dia Kitumu, iá a mu tange ue mu Mikanda ia jipolofeta. Muène Jezú, mukua Nazalé, monʼ a Zuze.

Nzuá 10:37

Se ngi kamba kubhanga o ikalakalu ia Tata iami, kana ku ngi xikana.

Nzuá 11:47

Makota ma jinganga ni jifalizeu, anga a bhongolola o Kionge kia Jitata, exi: Tu bhanga kiebhi? Mukonda muthu iú uala mù bhanga madiuanu mavulu.

Nzuá 12:17

Ene oso a kexile ni Jezú, ki exanene Lázalu kutunda mu mbila, anga u mu fukununa mu afi, a mu kala jimbangi, mu kufumanesa ioso ia bhiti.

Nzuá 15:24

Eme se nga kambele kubhanga mu ʼaxaxe kâ o ikalakalu iíi, kana muthu luua a i bhanga, keju kala ni kituxi. Maji kala kiki-phe, a i mono, ia a jiji ni ku ngi zemba, ni ku zemba ue Tata iami!

Nzuá 19:19

Pilatu anga u bhangesa mukanda, u tuma ku u tesa ku thandu dia dikulusu. O mukanda a u soneka mu dimi dia Judeia, ni dia Loma, ni dia Ngelexa (O Hebeleu, ni Latini, ni Ngeleku), exi: Jezú, Mukua-Nazalé, Sobha ia Jijudé.

Nzuá 3:2

Muène anga uiza mʼ usuku kua Jezú, hé u mu ambela, uixi: Labi, etu tuejiia kuma eie u mesene ua tundu kua Nzambi, mukonda kana muthu u tena kubhanga idiuanuʼoio, se Nzambi u kamba kukala-nê.

Nzuá 4:48

Jezú anga u mu ambela, uixi: Enu o kuxikana kuenu, kikale mu mona isunji ia makota ni madiuanu.

Nzuá 5:36

Maji eme sai hanji umbangi u ngala na-u, ua tundu o umbangi ua ngi bhela Nzuá—o ikalakalu i ngi bhanga. Mbata o ikalakalu ia ngi bhana Tata kubhanga, iene ia beta ku ngi bhela umbangi, mukonda iene ia mu lombolola kuila o Tata muene ua ngi tumikisa.

Nzuá 6:14

Athu kia zubha kumona o kidiuanu kia bhange Jezú, exi: Kidi kiene! Iú muene polofeta a kexi ku mu kinga mu ngongo!

Nzuá 6:27

Kana kukalakela o kúdia ku bola, kota o kukalakela kúdia ku nanga katé ku muenhu ki uábhua. Monʼ a Muthu u mi bhana na-ku, mukonda Nzambi Tata ua mu te kidimbu kiê.

Nzuá 7:31

Mu kifuẋi-phe sai-mu avulu a mu xikana, exi: Kristu kia-nda kuiza, manhi u kala kota mu kubhanga madiuanu, o iú ndenge?

Nzuá 9:33

Muthu iú se ka tundile kua Nzambi, keju tena kubhanga kima.

Jipoxolo 13:16

Phaulu anga uimana, u a batela ni lukuaku, uixi: Enu akuâ Izalaiele, ni enu oso mu akua ʼxi jengi muala mumu mu bheza Nzambi, ivenu:

Jipoxolo 14:27

O kia zubha kutula ni kubhongolola o Ngeleja, a a kunda ima ioso ia bhange Nzambi ni ene. A a kunda ue kioso Nzambi o njila ia kuxikana, kia i jikuila o matumbu.

Jipoxolo 2:19

Nga kʼ èdikiza isumua mu diulu, ku thandu, ni idiuanu mu ngongo, bhoxi! Kua kà kala manhinga, túbhia, ni ifuke ia dixi.

Jipoxolo 2:43

Kana muenhu bhenhobho ua kambe kukala ni uôma mba ujitu ua jipoxolo. O ene anga a kala mu bhanga isuma ni ijimbuete iavulu.

Jipoxolo 21:28

Exi: Mu akua Izalaiele tu bandienu! Iala muenʼ iú mukua kulongesa o athu kuene kuoso phala kuzemba mundu ua Izalaiele, ni kuzemba o Kitumu kia Mozé, ni kididi kiki, kia Tembulu. Bheniabha iú uala kubheka mu tembulu o athu ió ki Jijdué, phala kukasanesa o kididi kiki kikôla!

Jipoxolo 22:8

Ngetaia, ngixi: Eie nanhi, Ngana? Kuala Muène: Eme Jezú dia Nazalé, ualu ngi zukutisa.

Jipoxolo 24:5

Kuma o diialʼ idi tua mu ijiia, ua di fangana dibhebhu. Muène mukua kukitukisa o Jijudé mu ngongo ioso, muenʼiú kihuende mu kisoko kia akua Nazalé.

Jipoxolo 26:26

Kuma eie sobha Ngilipa, imʼ iii ua ijiié, kiene ki nga mu zuelela sé héle. Kuma nga fika kuila imʼiii ki i mu jimbi, mukonda ki ia bhitila ku hota.

Jipoxolo 26:9

Eme-muène nga fikile kidi kuma, nga tokala kubhanga ima iavulu ia kuẋinukina o dijina dia Jezú dia Nazalé.

Jipoxolo 3:12

O Phetele kia ki mono, ua kumbulula o mundu, uixi: Enu akua Izalaiele, tata, mua di uanena-hi muthu iu? Mba mu tu tonginina-hi kiki ni mesu? Enu mua fika kuila etʼuene mu nguzu ietu, mba mu ujitu ua kuzela kuetu etʼuene mu tua mu bhangesa o kuenda?

Jipoxolo 3:6

Kuala Phetele-phe: Ni phalata, ni ulu, ki ngala. Maji o kioso ki ngala na-kiu, kiene ki ngi ku bhana. Mu dijina dia Jezú Kristu dia Nazalé, balumuka nda uende!

Jipoxolo 4:10

Uila kiki, ijiienu-phe enu-enu oso mu jingana, ni mundu uoso ua Izalaiele, kuma mu dijina dia Jezú Kristu dia Nazalé, mua mu jibhile ku dikulusu, Nzambi anga u mu fukununa ku ʼalunga, muene mua disanzela o muthu iú uemana bhu pholo ienu bhenhabha.

Jipoxolo 5:35

Anga u ambela o Kionge kia Jitata, uixi: Enu mu akua Izalaiele, alukenu kioso ki muanda kubhanga mala kiiadi iá.

Jipoxolo 6:14

Kuma etu tua mu ivu kuzuela kuma Jezú dia Nazalé uandu bhuisa kididʼ iki, hé u lungulula ifua ioso ia tu lekelela Mozé.

II Kolindo 12:12

Kidi kiene, o ima iedikiza o upoxolo uami, iokalakale mu ʼaxaxe kenu ni muanu uoso. Ijimbuete ia isumua ni madiuanu, ni jinguzu javulu.

Jihebeleu 2:4

Nzambi ue mbangi iâ, kuma ua a bhana kubhanga isumua ni madiuanu, ni jinguzu javulu, ni mauhete ma Nzumbi Ikôla, kioso kia mu kala mu vondadi iê.