Jipoxolo 2:20 - O Mikanda Ikola

²⁰ Dikumbi dia kà kituka usuku, o mbeji ia kà biluka manhinga, kioso o Kizuuʼ okio kia dikota, o Kizuua kia fuma ia Ngana, kiluua kʼ iza.

Jipoxolo 2:20 ပူးပေါင်းရင်းမြစ်များ

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Izaía 13:15

Uoso-uoso a mu sanga mu jila, a kà mu asa; o uoso a mu kuata, ua kàbua ku xibhata.

Izaía 13:9

Talesa-ze kizuua kia Jihova kí kiza, kikôla, ki kuata uoma! Kizuua kia njinda iatemanana, mbé o kusengulula oxi, ni kubuikisa-mu akua-ituxi oso.

Izaía 24:23

O mbeje ia kà sonoka pholo, dikumbi dia kà kakuka, kioso Jihova dia Ilombo Ieta kia kà hinga o ungana ku mulundu ua Ziione, ni mu Jeluzaleme; kienhokio bhu pholo ia ikulakaji iê bhua kà kala fuma.

Izaía 34:8

Kuma-phe kiene o kizuua kia phonzo ia Jihova, uene o muvu ua kufuta o jinguma joso jene mu kuzoka ni Ziione.

Jelemiia 4:23

Nga kengelela oxi nga i mono iòbuikise i iezala jingundu; nga kengelela madiulu, ki mala ni mukengeji.

Jouele 2:1

Mu Ziione xikenu-mu mbungu, dikodienu ni dízui dia suína mu mulundu uê ukôla. Ene oso a tunga mu ngongo a tekete, kuma kizuua kia Jihova kì kiza, kiene kia zukama kiá.

Jouele 2:31

Dikumbi dia kà kituka kitombe kia usuku, o mbeji i di bhanga manhinga, kioso hanji ngó kizuua kia dikota kia Jihova, ki kuata uoma, kiluua ki bhiẋila.

Jouele 3:14

Ifuẋi ni ifuẋi mu dikolo dia kufundisa! Mukonda kizuua kia Jihova kia zukama mu dikôlo dia kufundisa.

Amoji 8:9

Jihova ua zuela, uixi: Ki a kàia-phe kuma, mu izuua mueneʼomo nga kà bhangesa kuila o dikumbi dia kà tula mu muanha ua mediia, o ngongo ia kà vunda ni kitombe mu kumbi hanji dia muanha uatu.

Malakiia 4:5

Talesenu, kuma eme ngi mi tumikisa polofeta Elija, kiosuʼiki kiluua kiza kizuua kiókio kia Dikota, kia Ngana, kizuua ki bheka uôma.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Matesu 27:45

Kiki tunde ku mediia mu ola ia kasamanu, kʼoxi ioso ku kala usuku mu ola jitatu, katé mu ola ia kàvua.

Marku 13:24

Mu izuuʼomo-phe, kutunda ku divuuʼodio, dikumbi dia ka fulamana, o mbeji ia ka kamba kumuika.

Luka 21:25

Muène hé u zuela dingi, uixi: Kua-ndu kala isuma ku dikumbi, ni ku mbeji ni ku jithéthembua. O mu ngongo ifuẋi ia kà di kuata mukondo, i kala mu jiphata mukonda dia kavanza ni kuzuma kua kalunga ni mabhuku mê.

Jipoxolo 2:19

Nga kʼ èdikiza isumua mu diulu, ku thandu, ni idiuanu mu ngongo, bhoxi! Kua kà kala manhinga, túbhia, ni ifuke ia dixi.

Jipoxolo 2:21

Kienhokio-phe ki bhita kuma, uoso ua kà bhingila dikuatekesu mu dijina dia Ngana, u bhuluka.

I Kolindo 5:5

Enu muthu u kala kiki mu bhakuidienu Satana, phala a mu buikise o mukutu uê, maji o nzumbi iê phala i bhuluke mu kizuua kia Ngana Jezú.

I Tesalonika 5:2

Mukonda enʼuenu mua kijiia kiambote, kuma o Kizuua kia Ngana, hinu kʼiza kala kiza o muiii mu usuku.

II Phetele 3:10

Maji kizuua kia Ngana-phe, hinu kʼiza kala kʼiza o muii. Mu kizuuʼokio o maulu ma kà jimuka ni mutendu ua dikota, ima ioso ia moneka ku mesu iala mu dimbinza, ia kà jokota ku tubhia. O oxi ni imbamba iê ioso iala-mu, ia kà jimuka.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.

Dijingunuinu 16:8

Anju ia kauana anga u lundulula nganza iê ku thanduʼa dikumbi, diene anga a di bhana o kuaula athu ni túbhia.

Dijingunuinu 6:12

Kienhókio nga mono dingi Kambudi kia jikula o kidimbu kia kasamanu. Kua bhiti kinuminu kia dikota kia mavu ni kutunguta kua ʼxi. O dikumbi anga di kituluka muene buí, mukuâ ni thanga ia ndômbe, o mbeji ioso ia kusuluka mukuâ ni manhinga.