Jipoxolo 2:2 - O Mikanda Ikola

² Anga a tukumuka ku diulu kua dʼivisa kala kitembu kiasuina kiala mu tuluka ni kuona, anga kʼ izalesa onzo ioso mua xikama.

Jipoxolo 2:2 ပူးပေါင်းရင်းမြစ်များ

I Jisobha 19:11

Anga muene u mu ambela, uixi: Tubhuka bhu kanga, uimane bhu pholo ia Jihova, ku mulundu iú. Anga Ngana u kala mu bhita, kubhita ue kitembu kia dikota kia nguzu, ki kala mu bazesa o milundu ni matadi u ma bula ku pholo ia Jihova; mu kitembu-phe Ngana ka kexile-mu; anga ku kitembu ku kaiela kiteketela kiaʼxi; maji mu kiteketela kiaʼxi ue Ngana ka kexile-mu.

Jisálamu 18:10

U endela ku xelube, u tuka hé u bhita bhulu, u diona ku mabhabha ma kitembu.

Mukumbi ua Mikumbi 4:16

Kithembue kia thunda, balumuka; zá eie u kithembue kia luiji; bhuselelenu mu kadíbhia kami phala dizumba diê, di-ie ni ku tukumuka, dile muene tungatatá!

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Luka 2:13

Muʼanzanzʼumu, anga ku tukuluka kifuẋi kia akua diulu a di bandeka ni mukunji, anga a kala mu kuimba mimbu ia kutondela Nzambi, exi:

Nzuá 3:8

Mulenge u bhuselela kuoso ku uandala, eie uívua o kunuma kuê, maji ku tena-phe kuijiia kuoso ku ua tundu, ni kuoso ku uia. Kiene ue ki bhita ni muthu uoso a mu vuala ku Nzumbi.

Jipoxolo 2:3

Kua a tukulukila ni madimi ma di uanununa kala túbhia tuala kulekujuka, kala muthu kua mu tula o diê ku thandu, ene oso a sokelá-ku.

Jipoxolo 2:6

O Kienʼ iki ki kia fumana, kifuẋi ki bhongoloka, anga a bhuuama, mukonda kala muthu uevu kuila o Jixibulu ja Jezú ala mu tanga o maka mu dimi diê-muène.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.