Jipoxolo 2:14 - O Mikanda Ikola

¹⁴ Phetele-phe ki emana ni akuâ, o kuinhi dia Poxolo ni imoxi, ua ambela ni dízui diasuina, uixi: enu akua Judeia, ni enu oso mua tungu mu Jeluzaleme, bhanenu mátui, mu ívue maka mami u nganda ku mi tangela:

Jipoxolo 2:14 ပူးပေါင်းရင်းမြစ်များ

Jisabhu 8:32

Kiki-phe enu, mu ana, ngʼivenu, kuma azediua ió oso aiuka o ijila iami, anga a kaiela mu jinjila jami.

Izaía 40:9

Eie, tata u muboke-a-njimbu iambote kua Ziione, banda-phe, ku mulundu ua di leka. Eie, tata, u muboke-a-njimbu iambote kua Jeluzaleme zangumuna dízui dié ni nguzu ioso; zangula-diu muene, ku kale ni uoma, u tangele o madiembu ma Juda, uixi: Talesenu, Nzambi ienu iú bhabhʼú!

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Izaía 51:4

Athuʼami, ngʼivienunu muene, enu mu kifuxi kiami, ngi bhanienu mátui; mbata kokuami kuene kua-nda kutunda o kitumu, o uiukilu uami nga kà u xikika, ukala mukengeji ua ifuẋi ia athu.

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Izaía 52:8

Ivua dízui dia alangidiʼé, iá kola, a mu tanena kumoxi; mbata a-nda ku ki mona mesu ni mesu, kioso Jihova kia kà vutuka dingi mu Ziione.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Izaía 58:1

Dikole ni dízui dia suina, ku dixibhe, zangumuna dízui dié kala koloneta, uidikize athu ami o kikuma kiâ, o dibhata dia Jakobo ue idika-diu o ituxi iâ.

Hozeia 8:1

Tá mbungu ku dikanu dié. Muene iu uiza kala holokoko phala kuvubuka mu dibhata dia Jihova, mukonda ene a matuka o kikutu kiami, o kitumu kiami a ki bhukumukina.

Matesu 2:1

Kiki kuila Jezú a mu vuala kiá mu Beleme ia Judeia, mu izuua ia sobha Helode, jinganga ku Thunda jiza mu Jeluzaleme, exi:

Jipoxolo 1:26

Anga a a tela jisorte phala bhu kiiadʼ iki kutungula-bhu umoxi. O Sorte hé i kuata Matiia, anga u di bunda kiá kumoxi ni kuinhi dia Poxolo ni imoxi.

Jipoxolo 13:16

Phaulu anga uimana, u a batela ni lukuaku, uixi: Enu akuâ Izalaiele, ni enu oso mu akua ʼxi jengi muala mumu mu bheza Nzambi, ivenu:

Jipoxolo 2:22

Phetele uixi, dingi: Enu akua Izalaiele, tata, ivenu o makʼ ama: Jezú dia Nazalé muthu a mu jingisa mudienu kuala Nzambi ni ima ia kusuina, ni iphata, ni isumua, ia mu kalakesa Nzambi mu ʼaxaxe kenu, enʼuenu mua ʼijiienunu;

Jipoxolo 21:28

Exi: Mu akua Izalaiele tu bandienu! Iala muenʼ iú mukua kulongesa o athu kuene kuoso phala kuzemba mundu ua Izalaiele, ni kuzemba o Kitumu kia Mozé, ni kididi kiki, kia Tembulu. Bheniabha iú uala kubheka mu tembulu o athu ió ki Jijdué, phala kukasanesa o kididi kiki kikôla!

Jipoxolo 5:35

Anga u ambela o Kionge kia Jitata, uixi: Enu mu akua Izalaiele, alukenu kioso ki muanda kubhanga mala kiiadi iá.

Jipoxolo 7:2

Kuala Xitevá: Enu jiphange mu akuetu, ni enu mu jitata, ivenu: O Nzambi ia fuma, ua tukulukidile kukululuʼetu Mbalahamu, kia kexile mu Mezopotâmia, kuila kiluua a tunga mu Halane.

Matendelelu 27:9

Anga Mozé uzuela dingi, kumoxi ni jinganga, akua Levi, ambela Izalaiele ioso, exi: Batekela uívue kiambote, eie Izalaiele! Mu kumbi dia lelu ua bhiẋila mu kukala u kifuẋi kia Jihova Nzambi ié.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.