Jipoxolo 2:1 - O Mikanda Ikola

¹ Kizuua kia Pendekoxi ki kia zubhile kubhiẋila, ene oso a kala bhu kididi kimoxi ni muẋima umoxi.

Jipoxolo 2:1 ပူးပေါင်းရင်းမြစ်များ

II Malunda 30:12

Lukuaku lua Ngana Nzambi phe lua kexile mua Juda, lu lua a bhana muẋima umoxi ngó, mu ku bhanga ioso ia tumu sobha ni makota mê, kala kioso kia tange o kizuelu kia Jihova.

II Malunda 5:13

Ene há a tongesa muene mu kuxikila jikoloneta kumoxi, ni mu kuimba ue, embila mbimbi imoxi ngó i uivua, mu ku tumbula o mbote ni kuximana Jihova; o kioso ene kia zangula o mbimbi kumoxi ni jikoloneta ni jingoma ja ngòndo ni ima dingi ia mukuá ia kuxika o mimbu, ni kutumbula Jihova kuma mukua Mbote, mukonda o kulenduka kuê ki kuene kúbhua, inzu ioso muene iezala ni dituta, o inzu ia Jihova.

Jisálamu 133:1

Kidi bá! kima kia fuama, kia di uabhela kiambote, ki u sanga jiphange a takana mu muẋima umoxi!

Makatukilu 23:16

Ni kizokola kia idima ia dianga, kia ibundu ia kutomona, kioso ki mu mateka kudia-ku ku muanu uenu ua kudima mu díbhia; ni kizokola kia kumuna idima ki batuka o muvu, kioso ki mu zubha ku bhongoluela ku bhata o ima ioso ia tundu mu kukalakala kuenu ku mábhia.

Makatukilu 34:22

U kuata jinga ue o fesa ia jisemana, mu kumateka kumuna tiliku, ni fesa ia kubhongolola o idima ki batuka o muvu bhu bhuilu diê.

Jelemiia 32:39

Anga ngʼa bhana ene oso muẋima umoxi, ni njila imoxi, nʼa ngi kuatela uoma izuua ioso, phala mbote iâ ene ni mbote ia anʼâ, a-nda ku a bhingana.

Sofoniia 3:9

Kuma kienhokio-phe ifuẋi ioso nga kà i bhana mizumbu ia zele, phala ene oso a tene ku hingila o dijina dia Jihova, phala ene oso a mu bhikile ni muẋima umoxi.

Jipoxolo 1:5

Kuma Nzuá ua mi batizala ni menha, maji enu-phe anda ku mi batizala ni Nzumbi Ikôla, mu izuua muenhumu.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 2:46

Izuua ioso a jiza ni muẋima umoxi o kubhongoloka jinga mu Tembulu ni kubukula o mbolo ku bhata, hé a kuata kúdia jinga kumoxi ni kusanguluka ni kubatama muẋima.

Jipoxolo 20:16

Kuma Phaulu ua solo kusomboloka, nguê kuimana mu Efezo, mbe kuiengesa kubhanga thembu iavulu mu Azia. Mukonda uala ni lusolo, mbata uandalele se u ki tena, kizuua kia Pendekoxi ki mu bhitila mu Jeluzaleme.

Jipoxolo 4:24

O iá, ki a zubha ku kʼ ívua, a zangula dízui mu kusamba kua Nzambi ni muenhu umoxi, exi: Ngana, eie ua bhanga o diulu ni oxi, ni menhʼ a kalunga ni ioso iala-mu!

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Jipoxolo 4:32

Kifuẋi kioso kia iá a xikana anga a kala muenhu umoxi, ni muxima umoxi. Kana-bhu muthu ua tena kuila ku jimbongo jê u jijila-ku kimbamba kuma kiê-muène, maji ene oso a kala ni ima ioso mu kisangela, anga enda ni ku di uanena na-iu ene oso mudiâ.

Jipoxolo 5:12

O maku ma Jipoxolo anga ma kalakala isuma iavulu ni madiuanu mu ʼaxaxe ka mundu, ene oso anga a kala ni muẋima umoxi, a di bhongoluela mu mbalanda ia Solomá.

Loma 15:6

Phala mu kieniiki enu oso muenhu uenu u kale umoxi mu kuximana ni dikanu dimoxi, Nzambi, Tata ia Ngana ietu Jezú Kristu.

I Kolindo 16:8

Maji ngendi ngi xikama-phe hanji kunu ku Efezo katé bhu Pendekoxi.

Filipe 1:27

Kala kiki, hé kima, o uendelu uenu u kale uendelu ua fuama mu Njimbu Iambote ia Kristu. O ki kala ngi mi sanga koko, mba ngi kamba ku mi sanga, kimuua ngʼivua jinga kioso ki muala kubhita na-kiu, kuma mua kolokota ni muẋima umoxi, muedi ni muenhu umoxi mua suinina kubhangela o kuxikana ku tunda ku Njimbu Iambote.

Filipe 2:2

ndokuenu mu ngi tenesene o ngalasa iami mu kukala ni ilunji ia sokelela, mu kale ni muenhu umoxi, ni muẋima umoxi.