Jipoxolo 19:2 - O Mikanda Ikola

² Anga ua ambela, uixi: Enu mua tambula kiá Nzumbi Ikôla tunde ki mua xikana? Ene exi: Kana! Etu kiluua ngó tu kʼ ivua kuila sai-ku Nzumbi Ikôla.

Jipoxolo 19:2 ပူးပေါင်းရင်းမြစ်များ

Nzuá 7:39

Mu kuzuela kiki, Jezú ua kexi mú tanga o Nzumbi, a-ndu mu tambula kuala oso a mu xikana. Mbata ene o Nzumbi ka mu tambuile luua, mukonda Jezú kiluua a tambula o ungana.

Jipoxolo 10:44

Kioso Phetele ki ala hanji mu zuela kiki, Nzumbi Ikôla u tuluka ku thandu dia oso a kexi mu kuivua o maka.

Jipoxolo 19:5

Ene kia zubha kuivua kiki, a a batizala mu dijina dia Ngana Jezú.

Jipoxolo 2:17

Talesenu, Nzambi uambe: Mu izuua ia kà suka-ku, nga kà bhanga kiki: Nga kà lundulula o Nzumbi iami ku thandu dia athu oso. Anʼ enu a mala ni anʼenu a ahatu a kà tanga o maka mami. Minzangala ienu ia kà mona isumua, o adiakimi enu a kʼ ànjiua jinzoji.

Loma 1:11

Kuma nga mʼ indi kiavulu ku mi mona, mbé bhu kale ue ni mbote i mu tambula ko-kuami, ia mabesá ma nzumbi, phala mu suine.

I Kolindo 6:19

Inga ki mu kʼ ijiia kuma o mukutu uenu tembulu ia Nzumbi Ikôla, uene moxi dienu, mua mu tambula kua Nzambi? Enu-uenu ki mua di vu, (ki mu di tokala dingi enu-uenu).

Ngalásia 3:5

Manhi o Nzambi mukua ku mi tambuisa o Nzumbi iê, hé u bhanga madiuanu mu ʼaxaxe kenu, kifua ua ki bhangela mukonda enu mualù bhanga ia tumu o Kitumu? Inga ua ki bhangela mukonda enu meuvu, enu mua xikana o maka ma Njimbu Iambote?

I Samuuele 3:7

Samuuele-phe kejidile luua Jihova, kuma katé kienhókio kiluua kizuelu kia Jihova ki mu tukulukila.