Jipoxolo 18:2 - O Mikanda Ikola

² Anga u sanga-mu Judé dijina diê Akuila, mukua bhata diê ku Pontu, kindala kia tundu ku Italia, ni mukajiʼê Pidisila. Ene koko a tundu-ku, mukonda Kaláudio ua kexi mu tumina mu Loma, ua tumu kukaiesa o Jijudé joso a kexi mu Loma.

Jipoxolo 18:2 ပူးပေါင်းရင်းမြစ်များ

Jipoxolo 11:28

Mudiâ anga mu kala muthu dijina diê Akabu, uimana, hé u tuma kuijidisa ni kutena kua Nzumbi Iambote kuma, kuanda ku kala nzala ia dikota mu ngongo ioso. O nzalʼ iii ia bhiti mu izuua ia kexi mu tumina Kaláudio.

Jipoxolo 18:18

Phaulu kia zubha kubhanga dingi izuua iavulu mu Korindo, ua xalesa jiphange, anga u di longa mu naviiu kuia ku Sídia, kumoxi ni Pidisila ni Akuila. O kuila kiluua a di longa mu naviiu, ua diangele-phe kubhuta muthue mu Sengeleia, kuma ua bhangele polomesa kua Nzambi (uadi dikangu, ua te hasa).

Jipoxolo 18:26

Anga u kuata kutanga maka mu dilombe dia Jijudé ni kubhua uôma. O Pidisila-phe ni Akuila, kia mu ivu, a mu bheka bhuala ene mʼ onzo iâ, anga a mu zubhila ku mu lomboluela kiambote o Njila ia Nzambi.

Jipoxolo 2:9

Sumbala etu oso tueza, tuedi ni akua Partiia, ni akua Mediia, ni akua Elame, ni iá a tungu mu Mezopotamiia, mu Judeia ni mu Kapadósia, mu Pontu ni mu Azia,

Jipoxolo 27:1

Kia zubha o kudikunda kuila tu endela mu naviiu mu kuia ku Itália, Phaulu ni jipelezo jamukuâ a ji thelekala kua Kabhitangu dijina diê Julio. Muene ua tokalele ku kompanhiia iexana kuamba ia Sézalu Nguxi.

Jipoxolo 27:6

Kabhitango anga u sanga bheniobho o naviiu ia Xandediia iala kuia ku Itália, anga u tu longa momo.

I Kolindo 16:19

Jingeleja jala ku Azia ja mi menekena. Akuila ni Pidisila, ni Ngeleja iene kudibhongolola mʼ onzo iâ, a mi menekena kiavulu mua Ngana.

II Timote 4:19

Menekena Pidisila ni Akuila, ni akua bhata dia Onezifolo.

Jihebeleu 13:24

Makota oso a mi kala ku pholo a menekenienu, ni akua mundu uoso ua Nzambi. O jiphange ku Itália kunu, a tumu ue ku mi menekena.

I Phetele 1:1

Eme Phetele, Poxolo ia Jezú Kristu, nga sonekena asonhi a muanganena mu jixi ja Ponto, Ngalásia, Kapadósia, Ázia, ni Bitinia.