Jipoxolo 17:5 - O Mikanda Ikola

⁵ Jijudé-phe kia a kuata dixinga. Anga a kasa athu ku jihabhu mu nzunga, a bhongolola mundu, mbonge ioso hé a i ta mu kavanza. Anga a balukila inzu ia Jasono, a sota ku katula Phaulu ni Sila bhu kanga bhuala o mundu.

Jipoxolo 17:5 ပူးပေါင်းရင်းမြစ်များ

Jisálamu 35:15

Maji eme-phe bhu nga tâtela, ene kia a uabhela; a ngi bhongolokela muene kala athu engi; a bhindamena ku ngi dia ni ku ngi ẋuua-ẋuua, o kituxi ki nga te ki nga kʼijiia.

Jisálamu 69:12

A xikama bhu njangu, eme muene ngi diba diâ dia maka; ngaii kiá ni mu muimbu ua jihôlua.

Jisabhu 14:30

Muẋima ua batama, ubhekela kudisanza mu mukutu; maji o dixinga-phe, di bolesa ifuba.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Matesu 27:18

Mbata Pilatu muene ua kʼijiia kuila o Jezú a mu thelekala ngoho mukonda dia dixinga dia mu kuatelele ene.

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Jipoxolo 14:19

Kueniuku-phe ue kueza Jijudé ji tunda ku Andiioka ni ku Ikônio. Anga a bhomba mundu, hé a bûba Phaulu ni matadi, a mu koka katé ku mukau, kuma a fika uafu.

Jipoxolo 14:2

Maji o Jijudé-phe, joso ja xibhaka, a vunza o miẋima ia akua ʼxi, anga jiphange a ji zembesa.

Jipoxolo 17:13

Maji o Jijudé-phe ja akua Tesalonika, kia kʼ ivu kuila maka ma Nzambi ala ku ma longa kuala Phaulu mu Beleia, ene eza ue kuenioko, hé a kala mu vunza o mundu ni ku a tatesa.

Jipoxolo 17:6

Kia lémbua ku a mona, a koka Jasono ni jiphange jamukuâ hé a a bheka bhu pholo ia afundixi a mbonge ni kukola, exi: Mala a bonguesa oxi ioso eza ue kunu.

Jipoxolo 17:7

O Jasono muene ua a zalela mʼonzo iê. Enʼiâ a kitukila o jingonge ja Sezalu, uene mu Loma, exi, sai-ku sobha iengi, ió a mu ixana Jezú.

Jipoxolo 17:9

Kia zubha-phe kutambula o fiiasa ni kufutisa muita kua Jasono ni akuâ, a ehâ.

Jipoxolo 18:12

Kia kala-phe Ngalio nguvulu ia Akasia, Jijudé ji balukila Phaulu kumoxi, anga a mu bheka katé bhu kibhuna kia milonga,

Jipoxolo 19:40

Kidi kiene tuala ni hele ia ku tu ibhula o mvunda ia lelu, ki i moneka kikuma, ni ku tu ixana kuila tu akua kavanza, mukonda dia ima ienʼiii ialu bhita lelu. Kuma kioso kia salumuna o mundu iú ki tua kʼ ijiia, kana-ku ue kikuma ki tokala kubheka o mufufu uosʼú.

Jipoxolo 7:9

O jikukululu kia kuata dixinga dia Zuze, a mu sumbisa mu Ijitu. Nzambi-phe u kala-nê,

Loma 16:21

Timote, mukalakadi ni mukuetu, ua mi menekena. Ni Lúsiu, ni Jasone, ni Sosipata, o Jijudé akuaʼ xi iami, a mi menekena ue.

I Kolindo 3:3

Mbata ki mua di kala ni dixingʼ okio, enu mua mu di kuata mudienu, kifua ki ki mʼidikiza kuila hanji muala mu akua xitu, muala kuenda mu kikexilu kia athu oso?

II Kolindo 11:26

Mu kuenda jinjila javulu, ngene mù bhita mu iluezu ia jihonga, ni mu ileuzu ia mii; mu iluezu ku akuaʼxi ietu, o jijudé, ni mu iluezu ku matumbu. Ngene ku bhita ni iluezu iavulu mu jimbonge, ni mu iluezu ku matutu; ni ku musanza ua kalunga, ni mu iluezu mukonda dia makamba a makutu.

Ngalásia 5:21

Akua dixinga, ijibhanganga, jihôlua, o muenhu uâ ua ku di ta ngó mu izomba iaiibha, ni ima iamukuá ia di fu kiki. Ienʼ iii, nga mi dimuna, kala ki nga tuamene ku mi dimuna, kuma oso akua kubhanga ima kala iii, kà tena kubhingana mu Utuminu ua Nzambi.

Ngalásia 5:26

Ki tu kale ni izala, ki tu di thathamese mudietu, ki tu di kuatele dixinga.

I Tesalonika 1:6

Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

Tiiaku 4:5

Inga mua fika kuma o Madivulu Makôla ma ki zuela ngoho, kuila: Nzumbiʼoio, a mu ta Nzambi moxi dietu, ua tu indi ni difuba.

Afundixi 9:4

Anga a mu bhana makuinhi sambuadi a itadi ia phalata, ia katula mʼonzo ia Baale-belite, Abimeleke anga u futa na-iu iiala ia bhumu, ia di kake, i kala mu ku mu kaiela muene.