Jipoxolo 17:4 - O Mikanda Ikola

⁴ Amoxi-mu anga etaia, a zuama kua Phaulu ni Sila. Ni ku abhezi mu Jingeleku, ni ku Jijudé, mundu uavulu, ni ku ahatu a jingana, kʼ atolo, a di ta ue kueniuku.

Jipoxolo 17:4 ပူးပေါင်းရင်းမြစ်များ

Jisabhu 13:20

Uoso uenda ni jinjimu, u biluka njimu; uoso-phe u kala kamba dia ku kaiela o ioua, kanange kukituka kala ene.

Jisabhu 9:6

O uoua ehenu-u mu mone muenhu, di tedienu mu njila ia kilunji!

Mukumbi ua Mikumbi 6:1

Kazola ké uaii kuebhi, eie kahetu ka kime, tata, ua beta kuuabha mu kaẋi ka ahatu nʼakuenu? Kazola ké ua di tela kuebhi, tua kà mu sote nʼeie?

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Nzuá 7:35

Jijudé anga ji di ambela mudiâ, exi: Kuebhi kuene ku aia, kua bhingi tu lémbua ku mu sanga? O kuila ua-nda kuia kua ió a di muange mu Jingèleku? Inga ua ka longa Jingèleku?

Jipoxolo 13:43

Kiki kia muangana athu mu dilombe, Jijudé javulu, ni alungi ene kubheza-nâ, a kaiela Phaulu ni Barnabé, ene anga a zuela-nâ, a a longesa o kukolokota mu kiadi kia Nzambi.

Jipoxolo 13:50

Jijudé-phe ji funhisa ahatu a jingana, ene kubhezanâ, ni adiakime a makota mu mbonge, hé a kuata kuzukutisa Phaulu ni Barnabé, anga a a kaiesa mu mbambe jâ.

Jipoxolo 14:1

Anga kibhita dingi mu Ikônio, kala ki kia bhiti kua tundu. Kuma a bokona kiiadi kiâ mu dilombe dia Jijudé, o mu kutanga kuâ anga a bhangesa mundu uavulu ua Jijudé ni Jingeleku kuxikana.

Jipoxolo 14:4

O mu mbonge o mundu ua akua bhata anga u muangunuka. Ia a di bande ku Jijudé, ia a di bande ku jipoxolo.

Jipoxolo 15:22

Kieniókio Jipoxolo ni adiakime ni Ngeleja ioso, a ki mono kiauabha kusola athu mu dianda diâ, ni ku a tuma ku Andiioka kumoxi ni Phaulu ni Barnabé. Anga a nona Juda a mu ixana Barsaba, ni Sila, athu ala ku pholo mu jiphange ja Ngeleja, ene ue ku a xila kuala oso.

Jipoxolo 15:27

Tua katula-phe Juda ni Sila, ene ue ki tua mu sonekʼ iki, a ka mi kunda-kiu ni lekalu ia dikanu.

Jipoxolo 15:32

Ni Juda ni Sila, kuma ala jipolofeta, a longesa jiphange ni maka mavulu, a a kolesa miẋima ni ku a bhana dingi huiii.

Jipoxolo 15:40

Phaulu-phe u sola Sila, hé u katuka, kia mu sulula o jiphange ni ku mu bhakula mu kiadi kia Ngana.

Jipoxolo 16:3

Phaulu anga u mu inda kuianê mu kuenda. Anga u tuma ku mu saia mukonda dia Jijudé ja tungu mu jimbanduʼ ojo, kuma ene oso a mu ijiia kuila tatʼâ Ngeleku.

Jipoxolo 17:10

Kieniokio, jiphange ji katula Phaulu ni Sila mu usuku, hé a a tumikisa ku Beleia. O ene kia zubha kutula koko, a bokona mu dilombe dia Jijudé.

Jipoxolo 17:12

Mu kuila kiki, avulu-ku a xikana; ni ku ahatu a jingana ku Jingeleku, o mala ue kà tolo.

Jipoxolo 17:14

Kithanganʼ okio jiphange ji katula Phaulu, hé a mu bheka katé ku ndundu ia kalunga. Sila ni Timote a xala hanji mu Beleia mueniomo.

Jipoxolo 17:17

Anga u kala mu ku di kumbulula ni Jijudé mu dilombe ni athu amukuâ ki Jijudé, akua kubhezela Nzambi momo. Bhu kitanda ue u zuela ni athu oso a takana-nâ.

Jipoxolo 17:34

Ku kala ni Diionizio, ua tokala ku jitata ja akua Hamba-dieta, ni muhatu dijina diê Damali, ni amukuâ dingi.

Jipoxolo 18:4

Anga u lombolola maka jisabhalu joso mu dilombe, u sota kuxikanesa o Jijudé ni Jingeleku.

Jipoxolo 19:10

Kienʼiki anga u ki jijila mu mivu iiadi, katé ene oso a tungu mu Azia ki evu o Maka ma Ngana, ni Jijudé, ni ió ka tokala mu muiji ua Jijudé.

Jipoxolo 2:44

Ene oso a xikana hé a kala kumoxi, o imbamba iâ ioso ia kisangela.

Jipoxolo 21:28

Exi: Mu akua Izalaiele tu bandienu! Iala muenʼ iú mukua kulongesa o athu kuene kuoso phala kuzemba mundu ua Izalaiele, ni kuzemba o Kitumu kia Mozé, ni kididi kiki, kia Tembulu. Bheniabha iú uala kubheka mu tembulu o athu ió ki Jijdué, phala kukasanesa o kididi kiki kikôla!

Jipoxolo 28:24

Amoxi anga a xikana ima ia tange Phaulu, amoxi-phe a xibhaka.

Jipoxolo 4:23

Kioso o Phetele ni Nzuá kia zubha ku a eha, eza ku akuá, anga a a jimbuila kioso kia a tangela o makota ma jinganga ni adiakime a mundu.

II Kolindo 8:5

Ki kiene ngó. Ene a beta dingi kubhanga, o ki tua fikile etu ndenge. Kima kia dianga ene a tuamene ku di bhana ene-muène kua Ngana. O kia kaiadi kua etu-ene, mu vondadi ia Nzambi.