Jipoxolo 17:2 - O Mikanda Ikola

² Phaulu kuma kiene ki ene kubhanga, u bokona-mu jisabhalu jitatu, u zuela-nâ,

Jipoxolo 17:2 ပူးပေါင်းရင်းမြစ်များ

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Matesu 26:24

Monʼa Muthu iú uia mu kúfua, kala kia mu soneka mu Mikanda Ikôla. Muthu ió-phe kokolo diê, ua-nda kuthelekala Monʼa Muthu! Kimuua, muenhó se ka mu vualele!

Luka 4:16

Anga u tula mu Nazalé, mua mu sasela. Kuma kiene o kífua kiê, u bokona kia Sábhalu mu dilombe dia Jijudé, hé uimana mu kutanga mu Divulu dia Ngana.

Nzuá 18:20

Jezú ua mu vutuila, uixi: Eme nga zuela jinga bhu pholo ia mundu. Nga longa jinga mu malombe ni mu Tembulu, muene ku bhongoloka o Jijudé joso. Ki ngi zuela kima mu kusuama.

Jipoxolo 13:14

Ene-phe a bhitakena mu Peleje, hé a bhixila ku Andiioka mu Pizidia. Mu kizuua kia sabhalu anga a bokona mu dilombe dia Jijudé, anga a xikama.

Jipoxolo 13:5

Kia kuaka mu mbonge ia Salamina, a longa maka ma Nzambi mu malombe ma Jijudé. Nzuá, a mu ixana ue Marku, anga u kala mukuatekexi uâ.

Jipoxolo 14:1

Anga kibhita dingi mu Ikônio, kala ki kia bhiti kua tundu. Kuma a bokona kiiadi kiâ mu dilombe dia Jijudé, o mu kutanga kuâ anga a bhangesa mundu uavulu ua Jijudé ni Jingeleku kuxikana.

Jipoxolo 17:10

Kieniokio, jiphange ji katula Phaulu ni Sila mu usuku, hé a a tumikisa ku Beleia. O ene kia zubha kutula koko, a bokona mu dilombe dia Jijudé.

Jipoxolo 17:17

Anga u kala mu ku di kumbulula ni Jijudé mu dilombe ni athu amukuâ ki Jijudé, akua kubhezela Nzambi momo. Bhu kitanda ue u zuela ni athu oso a takana-nâ.

Jipoxolo 18:4

Anga u lombolola maka jisabhalu joso mu dilombe, u sota kuxikanesa o Jijudé ni Jingeleku.

Jipoxolo 19:8

Phaulu anga u kala mu bokona mu dilombe dia Jijudé, u bhua uôma ni kutanga o maka mu thembu ia mbeji jitatu, u jingununa ima ia tokala ku Utuminu ua Nzambi, u sota ku a xikanesa.

Jipoxolo 24:25

Maji kioso Phaulu kia kala mu kulombolola kioso ki kala o kuiuka, ki kala o kutolola jihanji, ki kala o kufundisa kua hádia, Fele ua teketa, iú ua kumbulula, uixi: Kindala ndeie hanji. Hinu ki ngi kala ni thembu, ngi ku ixana dingi.

Jipoxolo 28:23

Kia mu bhana kizuua kia tokala o kudimona dingi, avulu muene a mu sanga mʼonzo mua tula. Muène anga u a lomboluela maka, u bhana umbangi ua Utuminu ua Nzambi. U sota ku a xikanesa ni maka ma tundu mu Kitumu kia Mozé ni mu madivulu ma Jipolofeta, tunde kimene katé ngoloxi, kuila Jezú muene Kristu.

Jipoxolo 8:35

Mu ku mu lomboluela Felipe anga u kuata kuzuela, u andekela ku makʼ ama mʼosoneke mu Mikanda ia Ngana, anga u mu tudila o Njimbu Iambote ia Jezú.

Jipoxolo 9:20

Muene kithanganʼ okio, mu malombe ma Jijudé, u kuata kulonga o Njimbu ia Jezú, kuma: Muène Monʼ a Nzambi!

I Kolindo 15:3

Kuma o kima kia kate-ku, ki nga tambulula eme uami, ki nga tuamene ku mi tambuisa-kiu, kienʼ iki: Kuila Kristu ua fuidile o ituxi ietu kala kia ki soneka mu Mikanda Ikôla.

I Samuuele 12:7

Kiki-phe imanenu, ngi funde ni enu bhu pholo ia Jihova, ku thandu dia ikalakalu iaiuka ia Jihova, ioso ia mi bhange enu, ni ioso ia bhanga ku jitata jenu.