Jipoxolo 17:1 - O Mikanda Ikola

¹ Kiki ki a bhitakena mu Amfipole, ni mu Apolonia, a bhixila mu Tesalonika hé a sanga muala dilombe dia Jijudé.

Jipoxolo 17:1 ပူးပေါင်းရင်းမြစ်များ

Jipoxolo 14:1

Anga kibhita dingi mu Ikônio, kala ki kia bhiti kua tundu. Kuma a bokona kiiadi kiâ mu dilombe dia Jijudé, o mu kutanga kuâ anga a bhangesa mundu uavulu ua Jijudé ni Jingeleku kuxikana.

Jipoxolo 15:21

Kuma o Kitumu kia Mozé tunde ʼxahulu sai mu mbonge joso akua kutanga ulongelu uê mu malombe, jisábhalu joso.

Jipoxolo 16:13

Kizuua kia Sabhalu, tuia ku kanga dia kimbaka, bhu mbanduʼ a honga, tua fika kuila bhuala kididi bhene kubhongolokela o Jijudé mu kusamba. Anga tu xikama, hé tu ta maka ni ahatu a bhongoloka bhenhobho.

Jipoxolo 17:10

Kieniokio, jiphange ji katula Phaulu ni Sila mu usuku, hé a a tumikisa ku Beleia. O ene kia zubha kutula koko, a bokona mu dilombe dia Jijudé.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

Jipoxolo 17:13

Maji o Jijudé-phe ja akua Tesalonika, kia kʼ ivu kuila maka ma Nzambi ala ku ma longa kuala Phaulu mu Beleia, ene eza ue kuenioko, hé a kala mu vunza o mundu ni ku a tatesa.

Jipoxolo 20:4

Enʼiâ anga a mu xinjikila katé ku Azia, Sopata mukua Beleia monʼ a Pilu; ku akua Tesalonika, Aristarko ni Sekundo; ni Ngaio mukua Derbe, ni Timote; o ku akua Azia, Tixiko ni Tolofimo.

Jipoxolo 27:2

Anga tu di longa mu naviiu ia Ndalamito ianda kuia ku matabhu a kibumu kia Azia. Bheniobho anga tu katuka. Aristarko mukua mbonge ia Tesalonika ku Masedonia, hé u kala ue ni etu.

Filipe 4:16

Katé ni mu Tesalonika, kioso ki nga kexile ni kubhindama, enu mua tumine lumoxi ni luiadi ku ngi bhindumuna.

I Tesalonika 1:1

Eme Phaulu, ni Sidivanu, ni Timote, tua sonekena o jiphange jala mu Ngeleja iala mu mbanza ia Tesalonika. Enu mua tokala Nzambi, Tata, ni Ngana Jezú Kristu. Ku kale kiadi ku mualʼ oko, ni kutululuka kua soko.

I Tesalonika 2:2

Muejiia ue kuila kioso kiluua tu bhixila koko ku Tesalonika, tua diangele-phe kutala hadi ni kulebhuka mu Filipe. Luavulu muene a sotele ku tu fudisa, maji etu-phe tu bhua uôma mua Nzambi ietu mu ku mi tangela enu o Njimbu Iambote ia Nzambi ni kubângama kuoso.

II Tesalonika 1:1

Eme Phaulu, ni Sidivano, ni Timote, tua sonekana o jiphange ja Ngeleja ia akua Tesalonika, enu mua tokala Nzambi, Tata ietu, ni mua Ngana Jezú Kristu.

II Timote 4:10

Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.