Jipoxolo 16:9 - O Mikanda Ikola

⁹ Phaulu anga u mona kisuma muʼsuku uenʼió. Ua mono kua mu tukulukila diiala mukua Masedonha, uemana ni ku mu dionda, uixi: Zauka kunu ku Masedonha, u tu kuatekese etu!

Jipoxolo 16:9 ပူးပေါင်းရင်းမြစ်များ

Jipoxolo 10:3

Muene u mona kisuma ku mesu mazele, mu ola ia kàvua ku kizuua, (o ola ia katatu ku kiemba) anju ia Nzambi ia mu tukulukila, uixi: Koloneliu!

Jipoxolo 10:30

Koloneliu, uixi: Lelu uana kizuua tunde ki nga kexile mu ku kumbidila o ola ia katatu ia kusamba, ku kiemba Mu kumbi uila mueniumu, mʼ onzo iami, kua ngi tukulukila muthu ni izuatu ibenha,

Jipoxolo 16:10

Phaulu kia mono o kisumuʼ iki, tu sota kukatuka kindala mu kuia ku Masedonha, mukonda tua xinganeka kuma Nzambi ua tu ixana ku a bhana koko o Jingolokela Jambote.

Jipoxolo 16:12

Kutunda bhobho tu bhixila mu Felipo, mbonge ia dianga ku jimbandu ja Masedonha, o iene ue pelezidio, kolonia ia Roma. Mu mbongeʼumu anga tu nanga-mu izuua.

Jipoxolo 18:5

Kia mu sange-phe Sila ni Timote, a tundu ku Masedonia, Phaulu u jijila ngo kutanga o maka. U kala mu kuambela o Jijudé kuma Jezú muène Kristu.

Jipoxolo 19:21

Kia bhiti imʼ iii, Phaulu u kana ku muẋima uê kubhita ku Masedonia ni ku Akaia, ni kuia ku Jeluzaleme, uixi: Se nga zubha kubhita kuenioko, nga kàia ku Loma.

Jipoxolo 19:22

Anga u tuamekesa ku Masedonia kiiadi kua iá ala ku mu kuatekesa, Timote ni Erastu, muène-phe ua xala hanji mu Azia.

Jipoxolo 19:29

Mbonge ioso anga izala kavanza. Mundu uoso anga u di lukula muenhu umoxi, hé a kuata ni kuxinjika Ngaio ni Aristarko, akua Masedonia, ene mu kuenda ni Phaulu, katé mu teiatulo.

Jipoxolo 20:1

Kia bhiti o jibuia, Phaulu u tuma kuixana o jixibulu, u a suinisa, hé u di lekela-nâ, anga u katuka kuia ku Masedonia.

Jipoxolo 20:3

Kia bhange-mu mbeji jitatu, Jijudé ji mu batamena, kia kala mu ku di longa mu naviiu kuia ku Sidia, muène anga u kondoloka, u vutukila ia Masedonia.

Jipoxolo 27:2

Anga tu di longa mu naviiu ia Ndalamito ianda kuia ku matabhu a kibumu kia Azia. Bheniobho anga tu katuka. Aristarko mukua mbonge ia Tesalonika ku Masedonia, hé u kala ue ni etu.

Jipoxolo 9:38

Kuma bhu Lida bhua zukama ni bhu Jopa, jixibulu ki evu kuila Phetele iú bhobho, a tuma-ku mala aiadi ku mu dionda, exi: Kana kulaleka! Zá lusolo kunu ku Jopa!

Loma 15:26

Kuma o jingeleja ja akua Masedonia ni akua Akaia kia a uabhela kubhanga mukungu ua kubhindumuna jingadiama ku mundu ua akua Ngana ala mu Jeluzaleme.

II Kolindo 11:9

O tembu ioso i nga kexile ni enu ki nga bhindamene kitadi, kana muthu mudienu nga mu nemenene. Mukonda o jiphange ja tundile ku Masedonia, a ngi bhekelele ioso ia ngi kambele. Mu ima ioso tunde ku dimatekenu nga lengesa o ku mi nemena, ni kiki ue ki ngi xikina ku mi nemena.

II Kolindo 12:7

Mukonda-phe dia majingunuinu kuvula kinéne, kuiengesa kuila ngi zangalala kiavulu, a ngi bhana uhaxi uonéne mu xitu. Uhaxi iú ueza kala mukunji ua Satana, mu ku ngi bhana jihuxi, phala ki ngi zangalale kiavulu.

II Kolindo 7:5

Mukonda tunde ki tua bhixidile ku Masedonia, xitu ietu ki ia tenene kubatama. Mu ididi ioso hadi ia tu kondele ku mbandu ni mbandu, jimvunda ni akuetu, ni uôma moxi ku miẋima ietu.

II Kolindo 8:1

Kima kiamukuâ, enu jiphange, nga tumu ku mʼ ijidisa o kiadi kia bhana Nzambi mu jingeleja ja Masedonia.

II Kolindo 9:2

Kuma nga kʼijiia kuila enu mu andala ku a bindumuna, kiene muene ki nga mu mi ximanena ku jiphange ja akua Masedonia. Eme ngʼambe ngixi: O jiphange ku Ngelésia, a di iudika phala ku kuatekesa tunde kiá mu muvu ua tundu-mu. Avulu muene mudiâ a suina dingi kiengi mukonda dia vodadi ienu.

Matendelelu 30:13

Ki kiala ue kuemʼoko dia musanza ua Kalunga, kuamba uila: Mukuahi u tu zauʼkila o musanza iú ua Kalunga, nʼa tu bhekela-kiu kunu, anga u tu ivisa-kiu phala tu ki aluke?

I Tesalonika 4:10

Kiene ki mua mu londekesa ku mbandu joso kuila mua di zolo muene ni jiphange joso ku Masedonia. Tua mi tangela-phe, jiphange, phala mu vule ku ki bhanga jinga.