Jipoxolo 15:3 - O Mikanda Ikola

³ Ene-phe kia a xinjikila kuala o Ngeleja ia Andiioka, a bhita mu Fenixa, ni mu Samádia, ni kukunda kioso kia biluka o matumbu, kua Nzambi, anga ki bhekela jiphange kusanguluka kiavulu.

Jipoxolo 15:3 ပူးပေါင်းရင်းမြစ်များ

Luka 15:32

Tua fuama-phe kubhanga fesa iíi, ni tu londekese o kusanguluka kuetu. Mukonda phangʼié iú ua fuile, lelu ueza ni muenhu; ua texikile, lelu ua moneka!

Jipoxolo 1:15

Ki bhua bhiti tu-izuua, a bhongoloka bhu kionge, o mundu uene uala hama ia muthu ni makuinhi aiadi, Phetele anga u imana mu kaxi ka jixibulu, uixi:

Jipoxolo 13:48

Akuaʼ ʼxi jengi ki evu kiki, a kala ni ngalasa iavulu, hé a ximana o maka ma Nzambi. Oso-phe a a sola, a fuamena o muenhu ki uabhua, anga a xikana.

Jipoxolo 13:52

Maji o jixibulu-phe mu Andiioka jezala ni ngalasa iavulu ni Nzumbi Ikôla.

Jipoxolo 14:27

O kia zubha kutula ni kubhongolola o Ngeleja, a a kunda ima ioso ia bhange Nzambi ni ene. A a kunda ue kioso Nzambi o njila ia kuxikana, kia i jikuila o matumbu.

Jipoxolo 15:1

Ku kala athu ku Judeia a kulumuka kuenioko, ku Andiioka, hé a kala mu longa jiphange, exi: Se mu kamba ku mi saia, uila kia-xi Mozé o kijila, mu Kitumu, ki mu tena kubhuluka.

Jipoxolo 15:12

Kieniokio Mundu uoso anga a dixibha, evidila Barnabé ni Phaulu a mu jimbulula o isumua ni madiuanau ia kalakala Nzambi ni ene mu ʼaxaxe ka matumbu.

Jipoxolo 15:22

Kieniókio Jipoxolo ni adiakime ni Ngeleja ioso, a ki mono kiauabha kusola athu mu dianda diâ, ni ku a tuma ku Andiioka kumoxi ni Phaulu ni Barnabé. Anga a nona Juda a mu ixana Barsaba, ni Sila, athu ala ku pholo mu jiphange ja Ngeleja, ene ue ku a xila kuala oso.

Jipoxolo 15:32

Ni Juda ni Sila, kuma ala jipolofeta, a longesa jiphange ni maka mavulu, a a kolesa miẋima ni ku a bhana dingi huiii.

Jipoxolo 15:4

O kia zubha kutula mu Jeluzaleme, a a tambulula kuala o Ngeleja, ni Jipoxolo, ni adiakime. Ene anga a a kunda ima ioso ia bhange Nzambi mua ene.

Jipoxolo 17:15

O makamba enʼ iâ-phe a xinjikila Phaulu, a bhiẋila-nê katé ku Atena. O kia tambula lekalu ia Phaulu kuila Sila ni Timote, a lenguluke ku mu sanga, ene aiuka ku Beleia.

Jipoxolo 20:38

Mukondo ua a vudila kiengi, mukonda dia kizuelu kiê kia kuila, o pholo iê ka kà i mona dingi. Anga a mu xinjikila katé kia di longo mu naviiu.

Jipoxolo 21:5

Maji o ki tua zubha kubhanga izuuʼ oio, tua katuka dingi o njila ietu. Ene oso ni ahatuʼ â, ni anʼ â, hé a tunda mu mbonge mu ku tu xinjikila, anga tu fukama-nâ ku ndundu, anga tu samba, tu di xalesa.

Jipoxolo 28:15

O jiphange kueneʼ oko ku Roma kia tu ivu kuila etu tuiza, eza ku tu tumbidila katé bhu Kitanda kia Apio, ni bhu Ijima Itatu. O Phaulu kia di mono-nâ, ua sakidila Nzambi, iú ua tana-ku dingi.

Jipoxolo 8:14

Kiki o Jipoxolo ja xala mu Jeluzaleme, kia kʼ ivu kuila maka ma Nzambi a ma tambulula ue mu Samádia, a tumikisa-ku Phetele ni Nzuá.

Loma 15:24

nga kinga ku ki bhanga kiá kindala. Kioso ki ngenda njila iami ia kuia ku Xipânha, nga mesena ngi mi mona mu kubhita, enu ue phala mu ngi xinjikile mu kuia koko, ki ngi mona kuila o vondadi ia ngi sosoloka kiá ia ku di mona ni enu.

I Kolindo 16:11

Ki bhu kale-phe muthu u mu tenda. Inda mu mu xinjikila ni uembu, mu njila ioso i anda kuenda, phala a ngi sange kunu. Kuma eme nga mu mu kinga kuijiia kumoxi ni jiphange jamukuâ.

I Kolindo 16:6

Manhi-phe mba nga kà bhanga izuua bhu bhata dienu, mba thembu ioso ia mbambi i ngi bhitila bhenhobho, phala mu ngi xinjikile mu njila ioso i nga kà katuka.

II Kolindo 1:16

Mukonda ngambele ku mi somboka mu kuia ku Masedonia, ni ku mi sanga dingi mu kuvutuka ku Masedonia, phala mu ngi xinjikile njila iami ia kuia ku Judeia.

Tito 3:13

Ngambi ia maka, na Zena, ni Apolo, a xinjikile ni muanu ku njila iâ, mbé ki bhu kale kima kia a kamba.