Jipoxolo 15:1 - O Mikanda Ikola

¹ Ku kala athu ku Judeia a kulumuka kuenioko, ku Andiioka, hé a kala mu longa jiphange, exi: Se mu kamba ku mi saia, uila kia-xi Mozé o kijila, mu Kitumu, ki mu tena kubhuluka.

Jipoxolo 15:1 ပူးပေါင်းရင်းမြစ်များ

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Jipoxolo 15:5

Kieniokio-phe, kuimana athu amoxi, akua kisoko kia jifalizeu, a xikana kiá, exi: Athu oso ki Jijudé, kikale tu a saiesa, ni tu a tendelela kukuata o Kitumu kia Mozé.

Kolose 2:8

Alukenu! Ki bhu kale muthu u mi tobhesa, anga u mi bhûnda kala kingûmba, ni uanji uê ni makutu, ua kaiela mu malunda ma ulongelu ua athu, ni mu jindonda ja mu ngongʼumu, o kua Kristu ki kiala-ku.

Ijila 12:3

O mu kizuua kia kanake a saiesa kamona, a ka batule o kinhunga kiê.

Jipoxolo 15:24

Mukonda tua kʼ ivu kuma athu a tundu mu dietu a mi tatesa o miẋima ni jiphata mu ioso ia mi tangela, sumbala etu ki tua a tumu phala kuia mu kubhanga kieniókio.

Nzuá 7:22

Enu kamona mu ka saia mu kizuua kia Sábhalu, muixi: Mozé muene ua tumina o kusaia. (Sumbala o kusaia ki kua tundu kua Mozé, maji ku jitata jʼokulu ja mu diangelele muène.)

Ngalásia 2:1

Kia zubha o kubhita kuinhi dia mivu ni iuana-phe, nga bandele dingi ku Jeluzaleme kumoxi ni Barnabé, ni Tito ue ngele-nê.

Jipoxolo 15:3

Ene-phe kia a xinjikila kuala o Ngeleja ia Andiioka, a bhita mu Fenixa, ni mu Samádia, ni kukunda kioso kia biluka o matumbu, kua Nzambi, anga ki bhekela jiphange kusanguluka kiavulu.

Jipoxolo 6:14

Kuma etu tua mu ivu kuzuela kuma Jezú dia Nazalé uandu bhuisa kididʼ iki, hé u lungulula ifua ioso ia tu lekelela Mozé.

Kolose 2:16

Uila kiki, kana muthu a mi kuatese jiphata, ja kudia ku mu dia, mba ja kunua, mba ja kizuua kia fesa, ia izuua ikôla, mba kia mbeji iathethama, mba kizuua kia sabhalu.

Jipoxolo 21:20

Ene kia zubha ku mu ivua, a ximana Nzambi, anga a mu ambela, exi: Ua mono, mukuetu, o Jijudé ja xikana mu ukidistá ja tena jimidi ni jimidi, maji ene oso a suinina o Kitumu kia Mozé.

Jipoxolo 15:22

Kieniókio Jipoxolo ni adiakime ni Ngeleja ioso, a ki mono kiauabha kusola athu mu dianda diâ, ni ku a tuma ku Andiioka kumoxi ni Phaulu ni Barnabé. Anga a nona Juda a mu ixana Barsaba, ni Sila, athu ala ku pholo mu jiphange ja Ngeleja, ene ue ku a xila kuala oso.

Jipoxolo 1:15

Ki bhua bhiti tu-izuua, a bhongoloka bhu kionge, o mundu uene uala hama ia muthu ni makuinhi aiadi, Phetele anga u imana mu kaxi ka jixibulu, uixi:

Jipoxolo 15:23

Anga a a sonekena mukanda ua kuila kiki: Ni etu tu Jipoxolo, ni Adiakime, jiphange, tua tumu kumenekena o jiphange ja akua ʼxi mu Andiioka, ni mu jimbandu joso ja Sídia, ni mu Silixa.

Jipoxolo 15:32

Ni Juda ni Sila, kuma ala jipolofeta, a longesa jiphange ni maka mavulu, a a kolesa miẋima ni ku a bhana dingi huiii.

Ngalásia 6:12

Oso andala o ku dʼidikiza ni ku di ximana (ku di ta nzabala), mu xitu, ene a mu mi bhinjika ni ku mi saia. A ki bhangela-phe ngó o kuiengesa ku a zukutisa, mukonda dia dikulusu dia Kristu.