Jipoxolo 13:9 - O Mikanda Ikola

⁹ Saúlu-phe, a mu ixana ue Phaulu, uezala ni Nzumbi Ikôla anga u mu toka mesu,

Jipoxolo 13:9 ပူးပေါင်းရင်းမြစ်များ

Mikeia 3:8

Maji eme-phe, ni kidi kiene, ngi kala mu kuizala ni nguzu ia Nzumbi ia Ngana; ngezala ni kutetuluka mu kubatula milonga, ngezala ni kusuína kua kutangela Jakobo o kutondala kuê, ni Izalaiele o kituxi kiê.

Matesu 10:20

Mbata ki enu dingi mu zuela, maji o Nzumbi ia Tatʼ enu, muène u zuelela moxi dienu.

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Marku 8:25

Jezú anga u mu tula dingi o maku luamukuá ku thanduʼa mesu. O kifuôfo kia tonginina dingi, ueluka! Ima ioso ua mu i mona kia kiambote.

Luka 20:17

Muène-phe u a tala kiambote suí uixi: Makʼ ama-phe a a soneka kiebhi mu Mikanda Ikôla kuila: Ditadi dia di tunu o jimesene diene dia kuatesa bhu thungi?

Jipoxolo 2:4

Ene oso anga ezala ni Nzumbi Ikôla, hé a kuata kutanga madimi mengi, kala kioso Nzumbi kia a bhana kuzuela.

Jipoxolo 4:31

Ki a zubha kusamba, o kididi kia di bhongoluela, kia tunguta. Ene oso anga ezala ni Nzumbi Ikôla, hé andeka kutanga o maka ma Ngana ni kúbhua uôma.

Jipoxolo 4:8

Bhenhobho Phetele uezala ni Nzumbi Ikôla, uixi: Enu mu afundixi, ni adiakime ku mundu!

Jipoxolo 7:55

Maji muène-phe uezala ni Nzumbi Ikôla, u tonginina mu diulu anga u mona o kubenha kua Nzambi. Ua mono ue ni Jezú uemana ku madilu ma Nzambi.