Jipoxolo 13:2 - O Mikanda Ikola

² Kizuua kimoxi, o ki a kala mu bheza Ngana, ni mu kujila, Nzumbi Ikôla uixi: Ngi tunguidienu mu akuâ, Barnabé ni Saúlu, aie mu sedivisu ioso i nga exanena kubhanga.

Jipoxolo 13:2 ပူးပေါင်းရင်းမြစ်များ

I Malunda 16:4

O ku pholo ia álaka ia Ngana, ua-te-ku atumini amoxi-mu ku akua Levi; o kiki, phala kuphaphumuka, ni kuximana, ni kutumbujukila Jihova, Nzabi ia Izalaiele.

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Matesu 17:21

Maji o mbutu iíi-phe ia dimónho, ku di kaia kuê, kikale mu kusamba ni kujila.]

Matesu 6:16

Luamukuá dingi, se muedi mu jila, kana di suuata, kala kua mangonha. Mukonda ene a di iibhisa jipholo jâ, athu ni a a mone kuila ajidi. Ngi mi ambela kidi, ene a tambula kiá kisakidilu kiâ.

Matesu 9:38

Ngana uavu mábhia mê mu sambedienu, a tume akalakadi mu mábhia mê.

Luka 10:1

Kia bhiti ima iíi, ku izuua, Ngana u sola dingi makuinhi sambuadi a xibulu ni kiiadi jamukuá, anga u a katula kiiadi-kiiadi, ni a mu tuamenene ku jisanzala joso ni ididi kuoso kua-nda kuia muène.

Luka 2:37

Hanji-phe kia xala mutudi, ua kuata kiá makuinhi-nake a muvu ni iuana. Muène, mu Tembulu kene kutunda-mu dingi, u kala-phe mu kalakela Nzambi ni mu usuku ni mu muanha, ni kujejuuala ni kusamba.

Jipoxolo 10:19

Kioso hanji kia kuata Phetele kuxinganeka o kisumua, Nzumbi Iambote ia mu ambela, iexi: Ivua! Talesa, mala atatu ió ala ku ku sota.

Jipoxolo 10:30

Koloneliu, uixi: Lelu uana kizuua tunde ki nga kexile mu ku kumbidila o ola ia katatu ia kusamba, ku kiemba Mu kumbi uila mueniumu, mʼ onzo iami, kua ngi tukulukila muthu ni izuatu ibenha,

Jipoxolo 13:3

Kieniokio, kia zubha kujila ni kusamba, a tula maku ku thandu dia Barnabé ni Saúlu, anga a a sulula.

Jipoxolo 13:4

Barnabé ni Saúlu-phe, kia a katula Nzumbi Ikôlʼ iki, a kulumuka ku Seleuxa, kuenioko anga a di longa mu naviiu, a zauka katé ku Xipele.

Jipoxolo 14:26

Koko anga a di longa, hé a zauka musanza katé ku Andiioka ia Sidia, kua a suluile mu kiadi kia Nzambi, ku sedivisu ia zubha kia kukumbidila.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Jipoxolo 22:21

Bheniobho Ngana uixi-phe: Katuka! Eme ngi ku tuma ku makanga, ku matumbu, ió oso ki Jijudé.

Jipoxolo 4:36

Kienhókio Zuze, a mu luka kuala Jipoxolo, exi, Barnabé, (dijina kia kuila muthu u bhuisa uôma), levita a mu vualela mu kikôlo kia Xípele,

Jipoxolo 6:4

Etu-phe, tu jijila jinga o kusamba, ni ukunji uetu ua ku longa o maka ma Nzambi.

Jipoxolo 8:29

Nzumbi Ikôla anga u ambela Felipe uixi: Bhixila, u kuate dikalu ʼidi.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

Loma 10:15

O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!

Loma 15:16

Kia ku kala ngi mukunji ua Kristu Jezú, phala kukalakalela akua jixi jengi, ió ki Jijudé. Nga di bhange kala ngi nganga ia kutula o Njimbu Iambote ia Nzambi. Nga mu bhanga kiki phala o ió ki Jijudé a di bhange sata ia xikina kuala Nzambi mu dibônzo dia Nzumbi Ikôla.

I Kolindo 12:11

Maji iene ioso iii-phe, o Nzumbi imoxi iene ngó u i kalakala. Muene u uanena o uhete ku athu-athu kioso kia mu kala mu vondadi iê.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.

II Kolindo 11:27

Mu kukalakala kuavulu, ni mu kuiokojoka. Nga bhiti ma usuku mavulu sé kuzeka. Ngene kutala hadi luavulu ni nzala, mu kuenda ni mbambi, ni tuẋi.

II Kolindo 6:5

Ene mu ku tu beta ni ku tu takuila mu jikaleia, hé a tu bhana ndumba ia malembu mu jimvunda ji salumuna o mundu. Tuene mu kalakala kinéne katé tu fula muene o kilu sè kuta dikoka ku dikanu.

Ngalásia 1:15

Maji bhu kithangana-phe kioso kia solo Nzambi, ua ngi tungula tundé mu divumu dia mamʼ etu, iú ua ngʼ ixana mu kiadi kiê phala ku mu bhikila.

Efezo 3:7

Iene o Njimbu Iambote ia ngi katuila kuma ngi ngunza, mukonda dia kiadi kia Nzambi kia ngi bhana mu kukalakala kua nguzu iê.

Matendelelu 10:8

Mu thembu muenhomo Jihova anga utungula kibuka kia Levi, phale kuambata o álaka ia kikutu kia Jihova, ni kukala bhu pholo ia Jihova, mu ku mu sedivila, nʼende ni kubhana kizediuise ku athu mu dijina diê, katé mu kizuua kia lelu.

Kolose 4:17

Ambelenu Arkipo, muixi: Xinganeka ungunza ué u ua tambula kua Ngana, u u kumbidile.

I Timote 2:7

Kiene kia bhangesa ku ngi katula eme mu kukala Poxolo, ni kukala mesene ia oso ka tokala mu muiji ua Jijudé. Mbé ku a tudila o njimbu ia kuxikana ni ia kidi. O ki nga mu zuelʼiki-phe ki makutu, nga tange kidi.

II Timote 1:11

Iene o Njimbu ia ngi katuila Nzambi mu kala ngi mukodi, ngi mukunji, ngi mulongi.

II Timote 2:2

Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

II Timote 4:11

Luka ngó nga xala-nê. Katula ue Marku, uize-nê, kuma u ngi kuatekesa ku sedivisu.

II Timote 4:5

Eie-phe enda ni ku di langa mu ima ioso. Kolokota o kutala hadi, kalakala kia tokala o mukunji ua Njimbu Iambote, kumbidila kiambote o ungunza ué kua Nzambi.

Jihebeleu 5:4

Kana muthu ue u di metena kusola o ujitu ua Unganga ua Dikota uenʼ iú. Kikale ngó uoso a mu ixana kuala Nzambi kukala Nganga ia Dikota, uila ki exanene Alá.

I Samuuele 2:11

Kiabhiti imʼiii Elikana anga uia ku Lama ku bhata diê. O mona u xala mu xibhidila Jihova bhu pholo ia Eli, o Nganga.