Jipoxolo 12:8 - O Mikanda Ikola

⁸ Anju anga i mu ambela, iexi: Dikute o phonda, u zuate jihaii. Phetele anga u ki bhanga. Uixi: Difute o mulele, u ngi kaiele!

Jipoxolo 12:8 ပူးပေါင်းရင်းမြစ်များ

Matesu 3:11

Eme ni kidi, nga mi batizala ni menha mu kudiela; uoso-phe ua ngi kaiela ku dima ua ngi tundu, eme ki nga tokala ngó ku mu ambatela o jihaii jê. Muène ua kà mi batizala ni Nzumbi Ikôla ni túbhia.

Marku 6:9

maji mu zuata jihaii, uixi-phe o madivunga ki mu zuate maiadi.

Luka 12:37

Azediua abhika ió, ki vutuka ngana iâ, u a sanga a tono. Ngi mi ambela kidi, kuma muène u di bhola, u a xikamesa ku meza, hé ua emanena ni ku a xibhidila.

Jipoxolo 12:7

Talesa-phe, bhu mbandu iê bhu imana anju ia Ngana, mu kaleia mu di muika mukengeji. Anju anga i bhana Phetele huxi mu jimbanji, u mu phaphumuna, uixi: Lenguluka, u balumuke! Malubhambu mê anga ma mu zuluka mu maku.

Jipoxolo 12:9

Phetele anga u tunda mu ʼaleia u kaiela o anju. Maji ka kʼ ijiia kuma kia bhiti ku luelu kia bhange o anju. Inda ua fika ku nzoji kuala.

Jipoxolo 27:23

Nga zuela kiki, kuma usuku ua lelu, kua ngi tukulukila anju ia Nzambi, nga mu tokala, ngene ku mu sedivila,

Jipoxolo 8:26

Mukunji ua Ngana-phe u ambela Felipe, uixi: Di iudike, u katuke, uie ku sulu katé mu ikoka ia Jeluzaleme, i kulumuka mu kiphenza katé ku Ngaza. (Ikokʼ iii-phe athu kʼ avulu ala ku i bhita).