Jipoxolo 10:9 - O Mikanda Ikola

⁹ Kukia ni kimene-phe, kioso ki ala mu njila, a zukama kiá mu mbonge ia Jopa, Phetele u banda ku thandu dia ʼnzo mu kusamba mu ola ia mediia.

Jipoxolo 10:9 ပူးပေါင်းရင်းမြစ်များ

II Samuuele 11:2

Kizuua kia mukuá, kutula ku kiemba, Davidi u balumuka bhu hama iê, anga u kala mu kuimajana ku thandu dia inzo iê ia mbanza; o ku thandu diaʼnzo kuala, u mona muhatu uala ku dʼiẋika; o muhatu ku mu tala mesu ua uabha kiavulu.

Jisálamu 55:17

Ni ngoloxi, ni kimene, ni mediia, ngi di tenda kua muene, ngi kumba; o muene-phe u ngʼivua dízui diami.

Jelemiia 19:13

Jinzu ja Jeluzaleme, ni jinzu ja jisobha mu Juda, ja-nda kukasana, kala o kididi kia Tofete: kiene kimoxi ue ni jinzu josololo, jedi o ku hongo iâ kuene kuohela o uasu ua dizumba phala ilombo ioso ia maúlu, ia a bhela-bhu mibhaku ia kúnua ku jinzambi jengi.

Jelemiia 32:29

O akua Kaldeia, a mu bhângela kutolola o mbonge iii, a-nda kubokona muene moxi diê, anga mbonge a kà i ta túbhia, nʼa kʼoha jinzu jala ni matala a kuoha uasu ua dizumba kua Bahale ni ku bhana makúnua ku jinzambi jengi, mbé o ku ngi lokalala eme o njinda.

Daniiele 6:10

Daniiele-phe kievu kuila sobha ua di-sinala o mukanda, ua bokona mʼonzo iê, hé uia mu xilu muala jinjanela jaʼnzo iê ja jikuka ja lungu ku Jeluzaleme; a-nga ufukama ku jiphuna jê lutatu ku kizuua, usamba, usakidila bhu pholo ia Nzambi iê, kala kiene o kifua kiê tunde ukulu.

Sofoniia 1:5

ni iá a mu sambela mù bheza ifuẋi ia diulu ku thandu dia jinzu jâ; ni iá a fukama mu kubheza Nzambi, anga a lokela kua Ngana ni kua Mala-kane;

Matesu 20:5

Ku ola ia kasamanu anga u tunda dingi luamukuá, ni ku ola ia kávua, anga u bhanga dingi kienhiki.

Matesu 24:17

Uoso uala ku thandu dia ʼnzo iê a lengele kuengi ni lusolo, ka tuluke hanji mu katula o imbamba iê mʼonzo.

Matesu 27:45

Kiki tunde ku mediia mu ola ia kasamanu, kʼoxi ioso ku kala usuku mu ola jitatu, katé mu ola ia kàvua.

Matesu 6:6

Eie-phe ki u samba, bokona mu ʼxilu dié, o ki u zubha kujika o dibhitu, sambela Tata ienu uene ku ubheka; Tatʼ enu-phe u mona ku ubheka, muéne u ku sakidila.

Marku 1:35

Mu kimene-phe, kuila kuma hanji kua vundu, ua di meneka mu iangu mu kusamba.

Marku 6:46

O kia zubha ku di lekela-nê, iu ua bande ku mulundu mu kusamba.

Jipoxolo 10:3

Muene u mona kisuma ku mesu mazele, mu ola ia kàvua ku kizuua, (o ola ia katatu ku kiemba) anju ia Nzambi ia mu tukulukila, uixi: Koloneliu!

Jipoxolo 6:4

Etu-phe, tu jijila jinga o kusamba, ni ukunji uetu ua ku longa o maka ma Nzambi.

Efezo 6:18

O ima ioso íii mu i bhanga jinga ni kusamba, mu kubhinga Nzambi ku mi kuatekesa. Sambenu jinga ithangana ioso, mu ku mi endesa kuala o Nzumbi ia Nzambi. Kala kiki, Phaphumukenu, ki mu di jimbe. Kana kubhuila. Endenu ni kusambela jinga akua Ngana oso.

I Timote 2:8

Uila kiki, nga mesena kuila athu oso a di bhakula kua Ngana Nzambi, a sambe jinge ku ididi ioso, o mu kusamba a tena kuleka o maku mazele sè kizembu sè jimvunda.

I Samuuele 9:25

Kia zubha kutunda ku thala kuenhoko, eza dingi bhu bhata, anga Samuuele u di kunda ni Saúlu bhu thandu diaʼnzo bhua xikama.