Jipoxolo 10:4 - O Mikanda Ikola

⁴ O muène kia mu edi sûi, ni uôma ua mu kuata, uixi: Kiebhi, Ngana! Uixi, Nzambi uevu o misambu ié, ni jimola jé ji uene mu bhana o jingadiama, ja bande kuma dilembalelu bhu pholo ia Nzambi.

Jipoxolo 10:4 ပူးပေါင်းရင်းမြစ်များ

II Malunda 32:24

Mu izuua mueneʼomo anga Ezekiia u katela kufua; anga u samba kua Jihova, muene anga u mu zuelesa, anga u mu bhana kijimbuete.

II Malunda 6:33

kuabhu-phe, eie ívua muene tunde ku maúlu, ku kibuta kia dibhata dié, u bhange muene ioso ia ku bhingi mukua ixi iengi kioso kia kudionda, phala miji ioso ejiie dijina dié, nda a ku kuatele uoma kala o mundu ué ua Izalaiele; nʼa tene kuijiia kuila o mu dijina dié muene muʼexanena o inzu iii i nga tungu.

Jisálamu 141:2

Musambu uami u bande ko kué, kala uasu ua dizumba; o makuʼami, kia sununuka, a kale kala sata ia ngoloxi.

Jisálamu 20:3

A lembalale o maujitu u ua mu bhakuila jinga, a ẋikine o sata ié ia kuoha. (Selah.)

Izaía 43:26

Ngi lembalese-phe hanji; tu bokuene bhuamoxi mu kufunda; ngi tangele hanji o maba mé moso ma kubhekela o kulûnga.

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Daniiele 10:11

Muene iú ua ngʼambela, uixi: Daniiele, u muthu a ku zola kinéne, batekela maka moso nga-nda ku ku ambela, ene ue bhetuka nda u imane, mbata eme a ngi tumu kokué. O kia kuata kuzuela kienhiki, eme ngi kala mu teketa.

Ijila 2:2

anga u u bheka ku jinganga anʼa Alá; umoxi mudiâ anga u katula-ku dibhûbhu dia fuba ia fina, ni ku maji u katula-ku, ni uasu uê uene uoso ua dizumba. Ienhiʼii nganga anga u i ohela ku kalatódio, ujitu ua dilembalelu, ujitu ua kubhakula ni túbhia, ua dizumba diambote kua Jihova.

Malakiia 3:16

Maji kienhiki-phe akua kuxila Jihova enda ni ku di kunda-kiu mudiâ muthu ni mukuá; Jihova anga ua a suua; ua evua; anga u ki soneka mu divulu kuma dilembalelu bhu pholo iê, kua iá akua uoma uê; iá ene mu kuxila Dijina diê.

Matesu 26:13

Kidi kiene ngi mi ambela: Kuosokuoso kua kà tula Njimbu iíi Iambote mu ngongo ioso, ni kiki kia ngi bhange o muhatu iú a kà ki tanga phala dilembalelu diê.

Luka 1:29

Madiia anga u sasumuka kiavulu, ki evu kizueluʼiki! Hé u kala mù banza, mba kumenekena kuahiʼoko!

Luka 24:5

O ahatu anga a kala ni uôma, hé a bhetama jipholo bhoxi. Mala iá-phe a ambela, exi: Mua-lu sotela-hi o muthu ua muenhu, mu ʼaxaxe ka afi?

Jipoxolo 10:31

uixi: Koloneliu, misambu ié Nzambi ua ivu iú ua lembalala ioso i uene kubhanga mu kukuatekesa o jingadiama.

Jipoxolo 14:9

Muenʼ iú anga uivua Phaulu uala kuta maka. Phaulu kia mu edi sûi, ua mu mono kuma uala ni kuxikana kua kuiluka.

Jipoxolo 22:10

Ngixi-phe: Ngi bhanga kiebhi, Ngana? Ngana uixi: Balumuka, u bhixile mu mbonge ia Damasku. Mueniomo muene mua kà ku jimbuila ima ioso Nzambi ia ku mesena ku i bhanga.

Jipoxolo 3:4

Phetele kia mu edi sûi, ni Nzuá, uixi: Tu talese kunu!

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

Jihebeleu 13:16

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

Dijingunuinu 8:4

Dixi dia dizumba bhu maku ma anjo, ni misambu ia akua-Ngana, anga i bandela bhuamoxi bhu pholo ia Nzambi.

I Samuuele 3:10

Jihova anga uiza, u imana, u ixana Samuuele kala kia bhangele kiá lutatu lua dianga, uixi: Samuuele, Samuuele. Samuuele bhenhobho uixi: Zuela, Ngana, mubhikʼé iú uivʼú.