Jipoxolo 1:9 - O Mikanda Ikola

⁹ O kia zubhile kuzuela imʼ iíi, kioso kia kexile hanji ene ni ku mu tala, Jezú ua zangumuka bhulu, anga bhu kala dituta dia tambula-nê ku mesu, a lémbua ku mu mona dingi.

Jipoxolo 1:9 ပူးပေါင်းရင်းမြစ်များ

Jisálamu 68:18

Eie ki ua bande bhuluʼèlele, ni mu diendu dié ubhika ua u katula-mu eie ua u ambata kuma hutile ié i ua kutu; ni mahitula mé, ua ma tambula muʼaxaxi ka athu; katé ni iá a xibhakele, a xikina kiá kuila, Jihova Nzambi a tunge muʼaxaxi kâ.

Makatukilu 19:9

Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Makatukilu 34:5

Jihova anga u tulukila mu dituta, hé u imana-nê; bhenhobho, u kola o dijina dia Jihova.

Izaía 19:1

Muzambu ua Ijitu. Talesa koko, Jihova iu uiza, ua di-longo mu dituta dia ngelephephe, ua-nda ku tula mu Ijitu; mahamba ma Ijitu a kà ma tungutisa bhu pholo iê, anga muẋima ua akua-Ijitu ua kà botomoka mʼoxi diâ.

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Marku 16:19

Kiki Ngana Jezú kia zubha kuzuela-nâ, a mu tambula ku diulu, iú ua xikama ku madilu ma Nzambi.

Luka 21:27

Kumbi diná a-ndu mona Monʼ a Muthu iú uijiia mu dituta, ni kusuina ni ungana uònene!

Nzuá 6:62

Ki kala-phe kiebhi hádia, se mu tala Monʼ a Muthu iú banda kunhá, kua kexile mʼ okulu?

Jipoxolo 1:11

Exi: Enu mu akua Ngalieleia, mu emanena-hi ni kutala bhulu? Jezú imoxi iíi, ua kexile ni enu, ia a mi tambula-nê ku diulu, hinu uà kèza dingi uila ki mua mu mono kuia ku diuluʼ iki.

Jipoxolo 1:2

katé bhu kizuua kia mu tambula bhulu. Muène, kuila kiluua a banda ku diulu, mu kutena kua Nzumbi Ikôla, ua tuamena kubhana ijila ku athu ió a solele muène, phala kukala Jipoxolo jê.

I Tesalonika 4:17

O kia kà zubha o kufukunuka, ni etu tuala ku muenhu, tua xala-ku, tua kà zangumuka kumoxi ni ene ku matuta, phala kutakana ni Ngana mu dimbinza. Kieniokio tuà kaiela-ku kiá kumoxi ni Ngana.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!

Dijingunuinu 11:12

Bhenhobho, o polofeta jiiadʼiji anga évua o dízui dia dikota ku diulu, dixi: Bandenu kunu! Anga ene a bandela mu dituta katé ku diulu, jinguma jâ ia a talesa.

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.