Jipoxolo 1:8 - O Mikanda Ikola

⁸ Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 1:8 ပူးပေါင်းရင်းမြစ်များ

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 98:3

Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 66:19

Nga kà ta kijimbuete muʼaxaxi kâ, oso-phe a bhulaka-ku nganda ku a tumikisa ku ifuẋi, ku Talxixi ni ku Phulu, ni ku Ludi, akua kuoleka o mufula, ku Tubale ni ku Javane, katé ku ikolo ia makanga, kua oso fuma iami kiluua a ivua, kijingo kiami ue nuka a ki muene; kuenhoko a kà tanga-ku o fuma ia ungana uami muʼaxaxi ka akua jixi.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Mikeia 3:8

Maji eme-phe, ni kidi kiene, ngi kala mu kuizala ni nguzu ia Nzumbi ia Ngana; ngezala ni kutetuluka mu kubatula milonga, ngezala ni kusuína kua kutangela Jakobo o kutondala kuê, ni Izalaiele o kituxi kiê.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Matesu 24:14

O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.

Matesu 28:19

Enu-phe ndenu, mua ka longe jixibulu ku akua jixi joso, ni ku a batizala mu dijina dia Tata, ni dia Mona, ni dia Nzumbi Ikôla;

Marku 16:15

Jezú anga u ambela, uixi: Ndenu mu ngongo ioso, mua ka boke o Njimbu Iambote, kate kua suku Nzambi ni kubhanga athu.

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Luka 10:19

Talenu, eme nga mi bhana kutena kua kudiota jinhoka ni jinginga, ni ku tolola nguzu ioso ia nguma. Kana kima ki tena ku mi kuama.

Luka 24:29

Ene-phe a mu jijila, exi: Xala bhabha ni etu; mukonda ngoloxi ieza, o kumbi dia lèmbe kiá. Muène anga u bokona phala kuxala-nâ.

Nzuá 15:27

Enu uenu mua-ndu zuela ima ia ngi tokala eme, kuma mu jimbangi jami, mukonda mua kexi kumoxi ni eme, tunde ku dimatekenu.

Jipoxolo 1:22

tunde bhu batizu ia Nzuá, katé bhu kizuua kia tu tambulanê ku diulu, kua bhingi tu sola-ku muthu, tu kale-nê mbangi ia kufukunuka kuê.

Jipoxolo 1:5

Kuma Nzuá ua mi batizala ni menha, maji enu-phe anda ku mi batizala ni Nzumbi Ikôla, mu izuua muenhumu.

Jipoxolo 13:31

Muène anga u tukulukila mu izuua iavulu kua ió oso a tundile-nê ku Ngalileia, hé eza-nê mu Jeluzaleme. Kiki ene ala jimbangi ja Jezú bhu pholo ia mundu ua Izalaiele.

Jipoxolo 2:32

Jezú muenʼ iú, Nzambi ua mu fukununa, etu oso tu jimbangi jê.

Jipoxolo 22:15

Kuma eie uà kala u mbangi iê ku athu oso, ia ima ioso i ua mono, i uevu.

Jipoxolo 3:15

Monʼ a ngana ua bhanga o muenhu mua mu jibhenunu. Maji Nzambi-phe ua mu fukununa ku ʼalunga, o jimbangi jê etʼuene.

Jipoxolo 4:33

Jipoxolo anga a bhana ni kutena kuavulu umbangi uâ ua kufukunuka kua Ngana Jezú. Anga kukala kiadi kiavulu kia Nzambi ku thandu dia ene oso.

Jipoxolo 5:32

Etu tuala tu jimbangi ja makʼ ama, ni Nzumbi Ikôla ue, ió a mu bhana kuala Nzambi kua ió oso a mu tumaka.

Jipoxolo 6:8

Xitevá anga u kala muthu a mu zediuisa kua Nzambi, hé uizala ni kutena. Muene hé u kala mu bhanga madiuanu ni isumua ia makota mu ʼaxaxe ka mundu.

Jipoxolo 8:1

Saúlu ue ua ki mono kuuabha, o kujibha Xitevá. Kizuua kieniokio anga a kuata kuzukutisa kiavulu o Ngeleja iala mu Jeluzaleme. O jikidistá ene oso anga a muanganena mu jixi ja Judeia ni Samádia, ku xala ngó o jipoxolo.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.