Jipoxolo 1:4 - O Mikanda Ikola

⁴ O kizuua kia bhongolokele luamukuá, Jezú anga u a tumina, uixi: Mu Jeluzaleme ki mu tunde-mu, maji mu kinga momo o kikutu kia mi polometela Tata, ki muèvua jinga ko kuami.

Jipoxolo 1:4 ပူးပေါင်းရင်းမြစ်များ

Dialuilu 9:22

Se dia tula ku balaka, né di bhanga izuua iiadi, mba mbeji, mba muvu, anga di kala ku thandu diê, anʼa Izalaiele a xikama muene bhu kibangu kiâ, kʼende; se dia zangumuka a katuka ni kuenda.

Matesu 10:20

Mbata ki enu dingi mu zuela, maji o Nzumbi ia Tatʼ enu, muène u zuelela moxi dienu.

Luka 11:13

Enu-phe, sumbala mua iibha miẋima, se muejiia kubhana ima iambote ku anʼenu, manhi Tatʼenu ia diulu, ka kala kota mu kubhana o Nzumbi Ikôla kua ió oso a mu bhinga?

Luka 12:12

Mukonda o Nzumbi Ikôla, muène u mi longa kumbi dienhódio, kioso ki mua fuama kuzuela.

Luka 24:49

Talenu, nga-nda ku mi tumikisa o kikanenu kia Tata. Xikamenu-phe mu mbanza mumu, katé kia mi zuika ni nguzu i tunda bhulu.

Nzuá 14:16

Eme nga kà bhinga Tata, muène u mi bhana Mukuatekexi ua mukuá, u xalela-ku kiá, ka kà mi xa dingi. Muène o Nzumbi Ikôla.

Nzuá 15:26

O Mukuatekexi ió-phe, ua-nda kuiza, muène Nzumbi ia Kidi, u tunda kua Tata. Eme ngi mi tumikisa-nê koko kua Tata, anga u kala mbangi iami, mukonda ua-nda kuzuela ima ioso ia ngi tokala eme.

Nzuá 20:22

O kia zuela kiki, u bhusa ku thandu diâ, uixi: Tambulenu o Nzumbi Ikôla!

Nzuá 7:39

Mu kuzuela kiki, Jezú ua kexi mú tanga o Nzumbi, a-ndu mu tambula kuala oso a mu xikana. Mbata ene o Nzumbi ka mu tambuile luua, mukonda Jezú kiluua a tambula o ungana.

Jipoxolo 10:41

Muène ka mu tukuluila bhu pholo ia mundu uoso, maji bhu pholo ietu ngó tu jimbangi ja sola Nzambi. Etu-ene, tua di-nê, tua nu-nê kumoxi, kia zubha kuvutuka ku ʼalunga.

Jipoxolo 2:33

Kiki-phe, Nzambi ua mu zangeleka ku madilu mê, muène iu ua tambula kua Tata o ujitu ua mu tangelele, ua Nzumbi Ikôla. O kiki, kindala ki mua mono, ki muevu, uene o ujitu ua Nzumbi Ikôla ua lundulula ku thandu dietu.